បក្សសង្គ្រោះជាតិចាត់ទុកការព្យួរ EBA ថាជាទិវាដ៏ខ្មៅក្នុងប្រវត្តិសាស្រ្តនិងស្នើឲ្យជួបពិភាក្សាដោះស្រាយ

ការព្យួរពន្ធអនុគ្រោះ «គ្រប់មុខទំនិញលើកលែងសព្វាវុធ» ឬ "Everything But Arms" (EBA) របស់សហភាពអឺរុប បានចូលជាធរមាន កាលពីថ្ងៃទី១២ ខែសីហា ក្រោយពីរដ្ឋាភិបាលកម្ពុជាមិនបានកែលម្អស្ថានភាពសិទ្ធិមនុស្សនិងលទ្ធិប្រជាធិបតេយ្យដែលបានធ្លាក់ចុះក្នុងរយៈពេលជិត៣ឆ្នាំនេះ។ គណបក្សសង្គ្រោះជាតិចាត់ទុកថានេះគឺជា «ទិវាដ៏ខ្មៅក្នុងប្រវត្តិសាស្ត្រកម្ពុជា» ដោយសារតែរដ្ឋាភិបាលកម្ពុជាគិតពីអំណាចជាជាងជីវភាពពលរដ្ឋ។ ថ្នាក់ដឹកនាំគណបក្សប្រឆាំងដែលរស់នៅក្រៅប្រទេសក៏បញ្ជាក់ពីជំហរត្រៀមចូលរួមការចរចា ដើម្បីរកវិធីដើម្បីដោះស្រាយជីវភាពពលរដ្ឋ។ លោកស្រី មូរ សុខហួរ អនុប្រធានគណបក្សសង្គ្រោះជាតិបានផ្តល់បទសម្ភាសដល់លោក ម៉ែន គឹមសេង នៃវីអូអេពីជំហររបស់គណបក្សប្រឆាំង៕