ប្រទេសចិនបានចេញការប្រកាសភាពរាំងស្ងួតទូទាំងប្រទេសជាតិលើកទី១របស់ខ្លួននៅក្នុងឆ្នាំនេះនៅពេលដែលពួកអាជ្ញាធរប្រយុទ្ធភ្លើងឆេះព្រៃនិងដាក់ពង្រាយក្រុមឯកទេសដើម្បីការពារដំណាំឱ្យគេចផុតពីសីតុណ្ហភាពដ៏បំផ្លិចបំផ្លាញនៅទូទាំងតំបន់ដីសណ្តទន្លេ Yangze។ នេះបើតាមសេចក្តីរាយការណ៍របស់ទីភ្នាក់ងារព័ត៌មានReuters។
ការប្រកាសភាពអាសន្នពណ៌លឿងទូទាំងប្រទេសជាតិដែលបានចេញកាលពីយប់ថ្ងៃព្រហស្បតិ៍បានកើតមានឡើងក្រោយពីខេត្ត Sichuan នៅភាគនិរតីរហូតដល់តំបន់សៀងហៃនៅក្នុងតំបន់ដីសណ្តYangtze បានជួបប្រទះកម្តៅខ្លាំងបំផុតអស់ជាច្រើនសប្តាហ៍។ពួកមន្ត្រីរដ្ឋាភិបាលបានលើកឡើងម្តងហើយម្តងទៀតថា ការប្រែប្រួលអាកាសធាតុទូទាំងសាកលលោកជាមូលហេតុនៃការរាំងស្ងួតនេះ។
ទូរទស្សន៍រដ្ឋចិន CCTV បានរាយការណ៍នៅថ្ងៃសុក្រនេះថា ទន្លេចំនួន៦៦នៅក្នុងសង្កាត់ចំនួន៣៤នៅក្នុងតំបន់ Chongqing ភាគនិរតីបានរីងស្ងួត។
CCTV បានដកស្រង់ទិន្នន័យរដ្ឋាភិបាលមូលដ្ឋានមកចុះផ្សាយថា ការធ្លាក់ភ្លៀងនៅក្នុងតំបន់ Chongqing នៅឆ្នាំនេះបានធ្លាក់ចុះចំនួន៦០ភាគរយបើប្រៀបធៀបទៅនឹងរដូវធម្មតា ហើយដីនៅក្នុងស្រុកជាច្រើនបានខ្វះជាតិសើមយ៉ាងខ្លាំង។
ការិយាល័យអាកាសធាតុរបស់ចិនបានឱ្យដឹងថា ស្រុក Beibei ទីប្រជុំជនតំបន់ Chongqing ភាគខាងជើងមានសីតុណ្ហភាពឡើងដល់៤៥អង្សាសេកាលពីថ្ងៃព្រហស្បតិ៍។
តំបន់ Chongqing មានទីកន្លែងក្តៅបំផុតចំនួន៦នៃទីកន្លែងក្តៅបំផុតចំនួន១០នៅទូទាំងប្រទេសនៅព្រឹកថ្ងៃសុក្រនេះ ដោយសីតុណ្ហភាពនៅក្នុងស្រុកBishan បានឡើងទៅដល់ជិត៣៩អង្សាសេរួចហើយ។ ទីក្រុងសៀងហៃមានសីតុណ្ហភាព៣៧អង្សាសេ៕
ប្រទេសចិនចេញការប្រកាសភាពរាំងស្ងួតទូទាំងប្រទេសនិងកំពុងជួយសង្គ្រោះដំណាំនៅក្នុងរលកកម្តៅ
គល់ឈើងាប់ត្រូវគេប្រទះឃើញនៅលើបាតទន្លេ Jialing ដែលជាដៃទន្លេ Yangtze នៅជិតទីក្រុង Chongqing ប្រទេសចិនកាលពីថ្ងៃទី១៨ ខែសីហា ឆ្នាំ២០២២។
ក្រុងសៀងហៃ —