ភ្នំពេញ៖ រដ្ឋាភិបាលកម្ពុជាបានប្រកាសនៅថ្ងៃសុក្រនេះថាមេដឹកនាំបក្សប្រឆាំងគឺលោកសម រង្ស៊ីត្រូវបានប្រទានការលើកលែងទោសរួចហើយ ហើយលោកអាចមានសិទ្ធិសេរីភាពក្នុងការវិលត្រឡប់មកប្រទេសវិញនៅមុនពេលបោះឆ្នោតជាតិដែលគ្រោងនឹងរៀបចំឡើងនៅថ្ងៃទី២៨ខែកក្កដាខាងមុខនេះ។
អ្នកនាំពាក្យរបស់រដ្ឋាភិបាលគឺលោកផៃ ស៊ីផាន បាននិយាយថា លោកនាយករដ្ឋមន្ត្រីហ៊ុន សែន បានបញ្ជូនសេចក្តីស្នើសុំមួយនៅព្រឹកថ្ងៃសុក្រថ្វាយព្រះមហាក្សត្រកម្ពុជាដើម្បី ឱ្យព្រះអង្គប្រទានការលើកលែងទោសឱ្យលោកសម រង្ស៊ី។ ការចូលរួមអន្តរាគមន៍របស់ព្រះមហាក្សត្រដែលជាក្សត្រសោយរាជ្យតាមរដ្ឋធម្មនុញ្ញ គឺជាការបំពេញតាមពិធីការផ្លូវការមួយ។
អ្នកនាំពាក្យរូបនេះនិយាយថាការលើកលែងទោស គឺដើម្បីលើកកម្ពស់ស្មារតីនៃការផ្សះផ្សាជាតិនិងធ្វើឡើងក្រោយពី មានសំណើជាផ្លូវការមួយដែលលោកសម រង្ស៊ី បានផ្ញើថ្វាយព្រះករុណាកាលពីខែមុន។
លោក សម រង្ស៊ីបាននិយាយពីទីក្រុងប៉ារីសប្រទេសបារាំងទីដែលលោកបានចំណាយពេលបួនឆ្នាំនៅនិរទេសខ្លួន ប្រាប់វីអូអេថាលោកមានការសប្បាយរីករាយចំពោះដំណឹងនេះ។
«ខ្ញុំសប្បាយនេះគឺមិនមែនសម្រាប់ខ្លួនខ្ញុំទេ គឺសំខាន់សម្រាប់ប្រទេសកម្ពុជា។ នេះគឺជាសញ្ញាមួយដែលបង្ហាញថាយើងកំពុងតែធ្វើដំណើរឆ្ពោះទៅកាន់ទិសដៅត្រឹមត្រូវមួយ គឺជាទិសដៅនៃការបង្រួបបង្រួមជាតិ ការឯកភាពជាតិ ហើយបើគ្មានវាទេប្រទេសកម្ពុជាមិនអាចសម្រេចលទ្ធិប្រជាធិបតេយ្យបានទេ ហើយក៏ មិនអាចទទួលបានការអភិវឌ្ឍន៍ពិតប្រាកដឡើយ»។
កាលពីពេលមុនលោកសម រង្ស៊ីបានប្តេជ្ញាថាលោកនឹងវិលត្រឡប់ទៅកាន់ប្រទេសកម្ពុជាវិញនៅមុនពេលនៃការបោះឆ្នោតជាតិ បើទោះបីជាមានទោសជាប់គុកចំនួន១១ឆ្នាំរង់ចាំលោកក៏ដោយ។ នេះគឺជាជំហរមួយដែលអ្នកវិភាគម្នាក់បានអត្ថាធិប្បាយថាអាចនឹងធ្វើឱ្យលោកសម រង្ស៊ីក្លាយទុរក្ករៈបុគ្គល ឬអ្នកដែលហ៊ានស្លាប់ដើម្បីជាតិ។
ការកាត់ទោសលោកសម រង្ស៊ីទាក់ទងនឹងការដកតម្រុយបង្គោលព្រំដែនជាមួយនឹងប្រទេសវៀតណាមនិងការផ្សព្វផ្សាយឯកសារផែនទីព្រំដែន។
ការវិលត្រឡប់របស់លោកសម រង្ស៊ីនឹងធ្វើឱ្យអ្នកគាំទ្ររបស់លោកនៅក្នុងគណបក្សសង្គ្រោះជាតិ ដែលជាគណបក្សរួបរួមគ្នានៃគណបក្សសិទ្ធិមនុស្សរបស់លោកកឹម សុខានិងគណបក្សសម រង្ស៊ី សប្បាយរីករាយក្រៃលែង។
ដំណើរវិលត្រឡប់នេះគឺជាការធូរស្រាលមួយចំពោះបណ្តាប្រទេសអ្នកផ្តល់ជំនួយ បរទេសដែលលោកសម រង្ស៊ីបានបញ្ជាក់ថាបានចូលរួមក្នុងការព្យាយាមឱ្យមានដំណោះស្រាយមួយ។
លោកសម រង្ស៊ីបានបន្ថែមថា៖
«តាមពិតទៅខ្ញុំបានសរសេរសំបុត្រទៅរដ្ឋមន្ត្រីការបរទេស នៃប្រទេសនានាដែលតំណាងឱ្យប្រទេសជាច្រើនដែលជាហត្ថលេខីនៃកិច្ចព្រមព្រៀងទីក្រុងប៉ារីសឆ្នាំ១៩៩១ ស្តីអំពីប្រទេសកម្ពុជា។ ដូច្នេះខ្ញុំគិតថាប្រទេសទាំងអស់នោះចូលរួមក្នុងការបញ្ចប់ប្រកបទៅដោយការសប្បាយរីករាយនេះ»។
បញ្ហានាពេលបច្ចុប្បន្ននេះគឺថាតើលោកសម រង្ស៊ីនឹងធ្វើដំណើរទៅ វិញនៅ ពេលណាព្រោះលោកមានគម្រោងថានឹងធ្វើដំណើរដោយកាន់លិខិតឆ្លងដែនសញ្ជាតិបារាំង ដែលពេលនេះបានផុតសុពលភាពទៅហើយហើយលោកកំពុងសុំថ្មី មួយទៀត។
ប្រែសម្រួលដោយលោកម៉ែន គឹមសេង
អ្នកនាំពាក្យរបស់រដ្ឋាភិបាលគឺលោកផៃ ស៊ីផាន បាននិយាយថា លោកនាយករដ្ឋមន្ត្រីហ៊ុន សែន បានបញ្ជូនសេចក្តីស្នើសុំមួយនៅព្រឹកថ្ងៃសុក្រថ្វាយព្រះមហាក្សត្រកម្ពុជាដើម្បី ឱ្យព្រះអង្គប្រទានការលើកលែងទោសឱ្យលោកសម រង្ស៊ី។ ការចូលរួមអន្តរាគមន៍របស់ព្រះមហាក្សត្រដែលជាក្សត្រសោយរាជ្យតាមរដ្ឋធម្មនុញ្ញ គឺជាការបំពេញតាមពិធីការផ្លូវការមួយ។
អ្នកនាំពាក្យរូបនេះនិយាយថាការលើកលែងទោស គឺដើម្បីលើកកម្ពស់ស្មារតីនៃការផ្សះផ្សាជាតិនិងធ្វើឡើងក្រោយពី មានសំណើជាផ្លូវការមួយដែលលោកសម រង្ស៊ី បានផ្ញើថ្វាយព្រះករុណាកាលពីខែមុន។
លោក សម រង្ស៊ីបាននិយាយពីទីក្រុងប៉ារីសប្រទេសបារាំងទីដែលលោកបានចំណាយពេលបួនឆ្នាំនៅនិរទេសខ្លួន ប្រាប់វីអូអេថាលោកមានការសប្បាយរីករាយចំពោះដំណឹងនេះ។
«ខ្ញុំសប្បាយនេះគឺមិនមែនសម្រាប់ខ្លួនខ្ញុំទេ គឺសំខាន់សម្រាប់ប្រទេសកម្ពុជា។ នេះគឺជាសញ្ញាមួយដែលបង្ហាញថាយើងកំពុងតែធ្វើដំណើរឆ្ពោះទៅកាន់ទិសដៅត្រឹមត្រូវមួយ គឺជាទិសដៅនៃការបង្រួបបង្រួមជាតិ ការឯកភាពជាតិ ហើយបើគ្មានវាទេប្រទេសកម្ពុជាមិនអាចសម្រេចលទ្ធិប្រជាធិបតេយ្យបានទេ ហើយក៏ មិនអាចទទួលបានការអភិវឌ្ឍន៍ពិតប្រាកដឡើយ»។
កាលពីពេលមុនលោកសម រង្ស៊ីបានប្តេជ្ញាថាលោកនឹងវិលត្រឡប់ទៅកាន់ប្រទេសកម្ពុជាវិញនៅមុនពេលនៃការបោះឆ្នោតជាតិ បើទោះបីជាមានទោសជាប់គុកចំនួន១១ឆ្នាំរង់ចាំលោកក៏ដោយ។ នេះគឺជាជំហរមួយដែលអ្នកវិភាគម្នាក់បានអត្ថាធិប្បាយថាអាចនឹងធ្វើឱ្យលោកសម រង្ស៊ីក្លាយទុរក្ករៈបុគ្គល ឬអ្នកដែលហ៊ានស្លាប់ដើម្បីជាតិ។
ការកាត់ទោសលោកសម រង្ស៊ីទាក់ទងនឹងការដកតម្រុយបង្គោលព្រំដែនជាមួយនឹងប្រទេសវៀតណាមនិងការផ្សព្វផ្សាយឯកសារផែនទីព្រំដែន។
ការវិលត្រឡប់របស់លោកសម រង្ស៊ីនឹងធ្វើឱ្យអ្នកគាំទ្ររបស់លោកនៅក្នុងគណបក្សសង្គ្រោះជាតិ ដែលជាគណបក្សរួបរួមគ្នានៃគណបក្សសិទ្ធិមនុស្សរបស់លោកកឹម សុខានិងគណបក្សសម រង្ស៊ី សប្បាយរីករាយក្រៃលែង។
ដំណើរវិលត្រឡប់នេះគឺជាការធូរស្រាលមួយចំពោះបណ្តាប្រទេសអ្នកផ្តល់ជំនួយ បរទេសដែលលោកសម រង្ស៊ីបានបញ្ជាក់ថាបានចូលរួមក្នុងការព្យាយាមឱ្យមានដំណោះស្រាយមួយ។
លោកសម រង្ស៊ីបានបន្ថែមថា៖
«តាមពិតទៅខ្ញុំបានសរសេរសំបុត្រទៅរដ្ឋមន្ត្រីការបរទេស នៃប្រទេសនានាដែលតំណាងឱ្យប្រទេសជាច្រើនដែលជាហត្ថលេខីនៃកិច្ចព្រមព្រៀងទីក្រុងប៉ារីសឆ្នាំ១៩៩១ ស្តីអំពីប្រទេសកម្ពុជា។ ដូច្នេះខ្ញុំគិតថាប្រទេសទាំងអស់នោះចូលរួមក្នុងការបញ្ចប់ប្រកបទៅដោយការសប្បាយរីករាយនេះ»។
បញ្ហានាពេលបច្ចុប្បន្ននេះគឺថាតើលោកសម រង្ស៊ីនឹងធ្វើដំណើរទៅ វិញនៅ ពេលណាព្រោះលោកមានគម្រោងថានឹងធ្វើដំណើរដោយកាន់លិខិតឆ្លងដែនសញ្ជាតិបារាំង ដែលពេលនេះបានផុតសុពលភាពទៅហើយហើយលោកកំពុងសុំថ្មី មួយទៀត។
ប្រែសម្រួលដោយលោកម៉ែន គឹមសេង