នៅមហាសន្និបាតអ.ស.ប លោក Biden ផ្តល់ភាពជាអ្នកដឹកនាំអាមេរិកនិងបរិហារការឈ្លានពានរបស់រុស្ស៊ីលើអ៊ុយក្រែន

នៅមហាសន្និបាតអង្គការសហប្រជាជាតិក្នុងទីក្រុង New York ប្រធានាធិបតីសហរដ្ឋអាមេរិក លោក Joe Biden បានស្វះស្វែងបញ្ចុះបញ្ចូលមេដឹកនាំមកពីជុំវិញពិភពលោកឲ្យជឿថាទស្សនវិស័យរបស់លោកអំពីភាពជាអ្នកដឹកនាំអាមេរិកាំងនិងវិធីសាស្ត្រពហុនិយមចំពោះគោលនយោបាយការបរទេសនឹងជួយដោះស្រាយបញ្ហាបន្ទាន់ភាគច្រើនក្នុងពិភពលោក។ ជាថ្មីម្តងទៀត លោក ក៏បានបរិហារការឈ្លានពានរបស់រុស្ស៊ីលើប្រទេសអ៊ុយក្រែននៅឆ្នាំ២០២២ថា ជាការរំលោភគោលការណ៍ស្នូលមួយរបស់អង្គការសហប្រជាជាតិ។ នាយកការិយាល័យវីអូអេប្រចាំសេតវិមានអ្នកស្រី Patsy Widakuswara រាយការណ៍រឿងនេះពីទីក្រុង New York។ លោក សាយ មុន្នី ប្រែសម្រួល៕