រូបភាពជុំវិញពិភពលោក ០៦ មេសា ២០២០

ស្រ្តីពាក់ម៉ាសការពារវីរុសកូរ៉ូណាចូលលេងសួនផ្កាមួយនៅក្រុងសេអ៊ូល ប្រទេសកូរ៉េខាងត្បូង។ 

 

អ្នកជិះកង់គយគន់ជើងមេឃអំឡុងពេលរង់ចាំថ្ងៃរះនៅក្រុងម៉ូនិច ប្រទេសអាល្លឺម៉ង់។ 

ពលរដ្ឋទទួលការបាញ់សម្លាប់មេរោគមុនពេលចូលផ្សារមួយ ខណៈអាជ្ញាធរចាត់វិធានការទប់ទល់ការរីករាលដាលជំងឺកូវីដ១៩ នៅក្រុង Tirana ប្រទេសអាល់ប៉ានី។ 

ទស្សនីយភាពអគារស្នាក់នៅ និងអគារពាណិជ្ជកម្មជិតទន្លេយ៉ាងសេ នៅក្រុងវូហាន ខេត្តហ៊ូបី ប្រទេសចិន។ 

ពលរដ្ឋតវ៉ា បន្ទាប់ពីបំផ្លាញកន្លែងសម្រាកព្យាបាលបណ្តោះអាសន្នមួយសម្រាប់ព្យាបាលអ្នកជំងឺកូវីដ១៩ ដោយពួកគេនិយាយថា ស្ថិតនៅជិតសហគមន៍ពេក នៅក្រុង Abidjan ប្រទេសកូតឌីវ័រ។ 

វេជ្ជបណ្ឌិតជនជាតិអ៊ីតាលីអ្នកស្រី Cecilia Bartalena អាយុ៣៥ឆ្នាំ សម្រាក បន្ទាប់ពីមកដល់ផ្ទះវិញពីការធ្វើការអស់រយៈពេលជាច្រើនម៉ោងក្នុងបន្ទប់សង្រ្គោះបន្ទាន់នៅមន្ទីរពេទ្យ Cisanello។ ស្វាមីរបស់អ្នកស្រី លោក Lorenzo Marianelli ដែលជាតន្រ្តីករ ជាអ្នកថតរូបនេះ នៅក្រុង Pisa ប្រទេសអ៊ីតាលី។ 

ប៉ូលិសចាប់ឃុំខ្លួនវេជ្ជបណ្ឌិត ដែលទាមទារឲ្យមានកន្លែងស្នាក់នៅ និងគ្រឿងសម្ភារៈផ្សេងៗ ដើម្បីព្យាបាលអ្នកជំងឺកូវីដ១៩ នៅក្រុង Quetta ប្រទេសប៉ាគីស្ថាន។​

កូនខ្លាទើបនឹងកើតមួយនៅកន្លែងសង្រ្គោះសត្វព្រៃ «Africa Bio Zoo» ក្នុងក្រុង Cordoba រដ្ឋ Veracruz ប្រទេសម៉ិចស៊ិក កាលពីថ្ងៃទី០៥ ខែមេសា ឆ្នាំ២០២០។ 

ពលរដ្ឋចំណាកស្រុកពីមីយ៉ាន់ម៉ាធ្វើការដុសលាងឲ្យដំរីនៅជំរំដំរីមួយ ដែលបានបិទ ដើម្បីការពារការរាលដាលវីរុសកូរ៉ូណា នៅខេត្ត Kanchanaburi ប្រទេសថៃ។ 

ពលរដ្ឋបីនាក់កំពុងអង្គុយមើលសុន្ទរកថាទៅកាន់ជនរួមជាតិរបស់ព្រះមហាក្សត្រី Elizabeth II នៅក្រុង Henton ប្រទេសអង់គ្លេស កាលពីថ្ងៃទី០៥ ខែមេសា ឆ្នាំ២០២០។ 

រថយន្តតាក់ស៊ីមួយបើកបរលើផ្លូវល្បឿនលឿនដែលជាទូទៅមានការស្ទះចរាចរណ៍នៅក្រុងឌូបៃ ប្រទេសអេមីរ៉ាតអារ៉ាប់រួម។ ក្រុងឌូបៃចាត់វិធានការរឹតត្បិតការដើរហើររយៈពេល ២៤ម៉ោង ដោយសារការរីករាលដាលវីរុសកូរ៉ូណា។ 

សុនខនៅក្នុងកន្លែងសង្រ្គោះ Auntie Ju's នៅជាយក្រុងបាងកក ដែលមានសុនខអានាថាជាង ១៥០០ ក្បាលរស់នៅ។