រូបភាពជុំវិញពិភពលោក ១៦ មេសា ២០១៩
រូបគំនូរព្រះវិហារ Notre Dame ត្រូវបានដាក់តាំងនៅខាងក្រៅព្រះវិហារមួយថ្ងៃបន្ទាប់ពីអគ្គីភ័យបានបំផ្លាញវិហារជានិមិត្តរូបសម័យកាលសតវត្សរ៍ទី១២មួយនេះនៅក្រុងប៉ារីស ប្រទេសបារាំង។
ផ្សែងផុលចេញពីកំពូលព្រះវិហារ Notre Dame ដែលរងការឆាបឆេះនៅក្រុងប៉ារីស ប្រទេសបារាំង កាលពីថ្ងៃទី១៥ ខែមេសា ឆ្នាំ២០១៩។
ក្រុមអ្នកសម្តែងធ្វើការសម្តែងនៅលើស្ពាន Waterloo Bridge អំឡុងពេលបាតុកម្ម Extinction Rebellion នៅក្រុងឡុងដ៍ ប្រទេសអង់គ្លេស។
ប៉ូលិសចាប់ខ្លួនបាតុករម្នាក់ ខណៈពេលសកម្មជនផ្នែកបម្រែបម្រួលអាកាសធាតុចូលរួមបាតកុម្ម Rebellion Protest នៅលើស្ពាន Waterloo Bridge ក្នុងក្រុងឡុងដ៍ ប្រទេសអង់គ្លេស កាលពីថ្ងៃទី១៥ ខែមេសា ឆ្នាំ២០១៩។
អធិការបតីអាល្លឺម៉ង់លោកស្រី Angela Merkel លាក់មុខក្រោយកង្ហារក្រដាសក្មេងលេង ខណៈពេលឈរថតជាមួយក្មេងៗ អំឡុងពេលបើកពិធីមួយនៅឧទ្យាន Arkona នៅក្រុង Sassnitz ភាគខាងជើងប្រទេសអាល្លឺម៉ង់។
ស្រី្តម្នាក់ជះទឹកដាក់អ្នកជិះម៉ូតូអំឡុងពេលអបអរសាទរបុណ្យចូលឆ្នាំថ្មីនៅរដ្ឋធានីណៃពិដរ ប្រទេសមីយ៉ាន់ម៉ា។
ស្រ្តីម្នាក់ជូតទឹកភ្នែក ខណៈពេលរង់ចាំដើម្បីផ្តល់ការគោរពដល់រូបសំណាកមេដឹកនាំកូរ៉េខាងជើងលោក Kim Il Sung និងលោក Kim Jong Il អំឡុងពេលរំឭកវិញ្ញាណក្ខន្ធ នៅជម្រាលភ្នំ Mansu ក្នុងក្រុងព្យុងយ៉ាង កាលពីថ្ងៃទី១៥ ខែមេសា ឆ្នាំ២០១៩។
សកម្មជនអង្គការគាំពារបរិស្ថាន Greenpeace Africa ធ្វើបាតុកម្មប្រឆាំងនឹងក្រុមហ៊ុន Nestle របស់ប្រទេសស្វីសចំពោះការប្រើប្រាស់ថង់ប្លាស្ទិក ដែលប្រើប្រាស់បានតែមួយដង ដោយធ្វើជារូបសំណាកបីសាចថង់ផ្លាស្ទិក នៅច្រកចូលរោងចក្ររបស់ក្រុមហ៊ុន Nestle ក្នុងរដ្ឋធានីណៃរ៉ូប៊ី ប្រទេសកេនយ៉ា។
បុរសម្នាក់ធ្វើការសម្តែងដើរលើខ្សែពួរលើទន្លេ Isar ក្នុងក្រុងម៉ូនិច ប្រទេសអាល្លឺម៉ង់។
កីឡាករចំបាប់ស៊ូមូចូលរួមសម្តែងនៅក្នុងពិធីបុណ្យ «Honozumo» នៅអាស្រម Yasukuni ក្នុងក្រុងតូក្យូ ប្រទេសជប៉ុន កាលពីថ្ងៃទី១៥ ខែមេសា ឆ្នាំ២០១៩។