រូបភាពជុំវិញពិភពលោក ០១ មេសា ២០២០
បុរសម្នាក់ពាក់ម៉ាស់ក្នុងទីក្រុង Kampala។ ប្រធានាធិបតីអ៊ូហ្គាន់ដា Yoweri Museveni បញ្ជាឲ្យមានការបិទក្រុងទូទាំងប្រទេសដើម្បីបញ្ឈប់ការរាតត្បាតវីរុសកូរ៉ូណា។
ប្រជាជនចាំនៅខាងក្នុងគំនូសនៅតាមផ្លូវមួយដើម្បីទទួលបានអង្ករដែលរដ្ឋាភិបាលចែកឲ្យមិនគិតថ្លៃអំឡុងពេលបិទប្រទេសទាំងមូលដើម្បីបង្ការការរាលដាលនៃវីរុសកូរ៉ូណាក្នុងទីក្រុង Hyderabad ប្រទេសឥណ្ឌា។
បុគ្គលិកមន្ទីរពេទ្យសំឡឹងមើលការជម្លៀសអ្នកជំងឺកូវីដ១៩ តាមកញ្ចក់រថភ្លើងល្បឿនលឿនចេញពីមន្ទីរពេទ្យក្នុងទីក្រុងប៉ារីសទៅកាន់មន្ទីរពេទ្យផ្សេងទៀតក្នុងទីក្រុង Brittany។
ឧទ្ធម្ភាគចក្រ EC635 របស់ Swiss Army ហោះលើយន្តហោះផ្សេងទៀតនៃក្រុមហ៊ុនហោះហើរ Swiss Airlines ក្រុមហ៊ុន Edelweis Air និងក្រុមហ៊ុន Helvetic Airways ដែលសំចតចោលនៅបន្ទាយអាកាសក្នុងទីក្រុង Duebendorf ប្រទេសស្វីស។
គ្រូបបង្វឹកកាយសម្បទាជនជាតិប៉ាឡេស្ទីន Ahmed Sawi កំពុងហ្វឹកហាត់នៅក្នុងផ្ទះរបស់ខ្លួនក្នុងទីក្រុង Gaza City។
ស្ត្រីម្នាក់រៀបចំក្រដាស់អនាម័យនៅទីលានចតរថយន្ត Dornburg ដែលមានចម្ងាយប្រមាណ៦០គីឡូម៉ែតពីទីក្រុង Frankfurt ប្រទេសអាល្លឺម៉ង់។
អ្នកពន្លត់អគ្គិភ័យពន្លត់ភ្លើងដែលកំពុងឆេះព្រៃនៅតំបន់ស្វយ័ត Liangshan Yi ខេត្តស៊ីឈ័នប្រទេសចិនកាលពីថ្ងៃទី៣១ ខែមីនា ឆ្នាំ២០២០។