រោងចក្រមួយក្នុងខេត្តកណ្តាលបញ្ឈប់កម្មករក្រោយពីពួកគេមានជម្លោះ

រូបឯកសារ៖ ក្រុមសហជីព និងសមាគមប្រមាណជាង២០ ក្រុម និងកម្មកររោងចក្រកាត់ដេរ សំណង់ ក្រុមអ្នកបររ៉ឺម៉កង់បី និង ក្រុមយុវជនជាង ១០០០ នាក់ប្រារព្ធទិវាពលកម្មអន្តរជាតិខួបលើកទី១៣១ នៅរាជធានីភ្នំពេញ ថ្ងៃទី០១ ខែឧសភា ឆ្នាំ២០១៧។ (ខាន់ សុគុំមនោ/VOA)

កម្មករតំណាងសហជីព C-CAWDU ដែលការពារផលប្រយោជន៍កម្មកររោងចក្រត្រូវបញ្ឈប់កនិងព្យួរការងារ ក្រោយពីពួកគេមានជម្លោះជាមួយសមាជិកសហជីពមួយទៀត។

ភ្នំពេញ —

កម្មករពីរនាក់ត្រូវបានបញ្ឈប់ពីការងារ និងកម្មករម្នាក់ទៀតត្រូវព្យួរការងារ។ កម្មករទាំងបីគឺជាតំណាងសហជីព C-CAWDU ក្នុងរោងចក្រ Quint Major Industrial Co.,Ltd, ក្នុងខេត្តកណ្តាល។ នេះបើតាមលោក អាត់ ធន់ ប្រធានសហជីព C-CAWDU។

ការបញ្ឈប់និងព្យួរការងារនេះធ្វើឡើង ក្រោយពីពួកគេមានរឿងឈ្មោះប្រកែកជាមួយសមាជិកនៃសហជីពមួយទៀតដែលទំនងជាមានជំហរគាំទ្រថៅកែរោងចក្រ។

កាលពីថ្ងៃទី៧ខែឧសភា តំណាងសហជីព C-CAWDU ចំនួនពីរនាក់នៅក្នុងរោងចក្រនេះត្រូវបានចាប់ខ្លួន និងចោទប្រកាន់ពីបទបង្កហិង្សាដោយចេតនា។ កម្មករទាំងពីររូបអាចប្រឈមនឹងទោសជាប់ពន្ធនាគារចំនួនបីឆ្នាំ និងពិន័យជាប្រាក់រហូតដល់ ២៥០០ ដុល្លារអាមេរិក ដោយសារបទចោទប្រកាន់នេះ។

លោកអាត់ ធន់ ប្រធានសហជីព C-CAWDU អះអាងថា សមាជិកសហជីពរបស់លោកមិនមានកំហុសទេ។ ផ្ទុយទៅវិញគឺសមាជិកនៃសមាគមមួយទៀតទេ ដែលជាអ្នកបង្កហេតុឲ្យមានជម្លោះនិងបណ្តាលឲ្យមានការវាយតប់គ្នា៕

រោងចក្រមួយក្នុងខេត្តកណ្តាលបញ្ឈប់កម្មករក្រោយពីពួកគេមានជម្លោះ

អត្ថបទទាក់ទង

តុលាការចោទតំណាងសហជីពពីរនាក់ពីបទបង្កហិង្សាក្នុងជម្លោះការងារក្នុងរោងចក្រនៅខេត្តកណ្តាល

ក្រុមសមាគមតំណាងឲ្យអ្នកបញ្ជាទិញទំនិញកាត់ដេរស្នើឱ្យលោក ហ៊ុន សែន រក្សាកិច្ចអនុគ្រោះពន្ធពីអឺរ៉ុបនិងអាមេរិក

អត្ថបទ​ទាក់ទង

អត្ថបទទាក់ទង