បទសម្ភាសន៍ VOA៖ ដើម្បីជោគជ័យក្នុងការនិពន្ធចម្រៀងត្រូវមានលក្ខណៈពិសេសផ្ទាល់ខ្លួន
Your browser doesn’t support HTML5
ម្ចាស់បទ«ទីនេះមានមនុស្សខូចចិត្ត»ដែលទទួលបានការពេញនិយមយ៉ាងខ្លាំង ជាពិសេសក្នុងចំណោមទស្សនិកជនវ័យក្មេង អ្នកនាង Adda Angel (ថុន សរចរិយា) ត្រូវបានស្ថានទូតអាមេរិកប្រចាំនៅប្រទេសកម្ពុជាអញ្ជើញឲ្យមកចូលរួមក្នុងកម្មវិធីភាពជាអ្នកដឹកនាំអន្តរជាតិ (IVLP) នៅសហរដ្ឋអាមេរិករយៈពេល១២ថ្ងៃ ចាប់ពីថ្ងៃទី២៧ ខែមេសា ដល់ថ្ងៃទី៨ ខែឧសភា ដើម្បីស្វែងយល់បន្ថែម ក៏ដូចជាផ្លាស់ប្ដូរបទពិសោធន៍អំពីការតែងនិពន្ធនិងការច្នៃប្រឌិតថ្មី។ អ្នកនាង Adda បានចំណាយពេលវេលាមកកាន់បន្ទប់ផ្សាយរបស់ VOA ក្នុងរដ្ឋធានី វ៉ាស៊ីតោន ដើម្បីផ្ដល់បទសម្ភាសន៍ដល់អ្នកស្រី ហុង ចិន្ដា អំពីការរក្សាភាពជោគជ័យរបស់អ្នកនាងនៅក្នុងវិស័យសិល្បៈ។