មូលហេតុដែលនាំឱ្យលោក Biden មានអ្នកប្រជែងតិចតួចក្នុងការបោះឆ្នោតឆ្នាំ២០២៤
ការស្ទង់មតិបង្ហាញថា ពលរដ្ឋអាមេរិកាំងប្រមាណ៥៤ភាគរយមិនគាំទ្រកិច្ចការដែលលោកប្រធានាធិបតី Joe Biden កំពុងធ្វើទេ។ សូម្បីតែអ្នកគាំទ្រគណបក្សប្រជាធិបតេយ្យខ្លះ ក៏បានសម្តែងការព្រួយបារម្ភអំពីអាយុរបស់លោកប្រធានាធិបតីដែរ។ ក៏ប៉ុន្តែលោក Biden គ្មានអ្នកប្រជែងធំដុំនៅក្នុងការឈរឈ្មោះមួយអាណត្តិទៀតទេ ដូច្នេះលោកសឹងតែធានាថានឹងក្លាយខ្លួនជាបេក្ខជនប្រធានាធិបតីខាងគណបក្សប្រជាធិបតេយ្យយ៉ាងពិតប្រាកដ។ អ្នកស្រី Veronica Balderas Iglesias នៃវីអូអេរាយការណ៍អំពីថា តើហេតុអ្វីបានជាលោក Biden គ្មានអ្នកប្រជែងនៅក្នុងកិច្ចប្រឹងប្រែងឈរឈ្មោះកាន់តំណែងក្នុងអាណត្តិទី២។ លោក ប៉ូច រាសី សូមជូនសេចក្តីប្រែសម្រួល៕
