វីអូអេ ៦០ អាមេរិក៖ ព្រឹត្តិការណ៍អំពីសហរដ្ឋអាមេរិកសម្រាប់ថ្ងៃទី២៨ ខែឧសភា ឆ្នាំ២០២៤

ព្យុះភ្លៀងខ្លាំងកាលពីថ្ងៃចន្ទនៅតាមផ្នែកខ្លះនៅប៉ែកខាងកើតអាមេរិកបានបណ្ដាលឱ្យមនុស្សយ៉ាងហោចណាស់ ២២ នាក់ស្លាប់និងរបួសរាប់រយនាក់ផ្សេងទៀត។ បាតុករគាំទ្រប៉ាឡេស្ទីនរាប់រយនាក់ចេញតវ៉ាតាមដងផ្លូវក្រុងញូវយ៉កកាលពីថ្ងៃចន្ទបន្ទាប់ពីការវាយប្រហារមួយតាមអាកាសរបស់អ៊ីស្រាអែលបានសម្លាប់មនុស្សអស់ ៤៥នាក់នៅជំរំក្នុងក្រុង Rafah។ ទឡ្ហីករណ៍បិទបញ្ចប់នៅក្នុងរឿងក្ដីឧក្រិដ្ឋកម្មទាក់ទិននឹងការក្លែងបន្លំឯកសាររបស់លោក Donald Trump ក្នុងក្រុងញូវយ៉កគ្រោងនឹងធ្វើឡើងនៅថ្ងៃអង្គារនេះ។ នេះគឺជាកម្មវិធីវីអូអេ ៦០ អាមេរិកសម្រាប់ថ្ងៃទី២៨ ខែឧសភា ឆ្នាំ២០២៤៕