វីអូអេ ៦០ អាមេរិក៖ ព្រឹត្តិការណ៍អំពីសហរដ្ឋអាមេរិកសម្រាប់ថ្ងៃទី២៧ ខែឧសភា ឆ្នាំ២០២៤
គណៈប្រតិភូនៃសភាអាមេរិកបានជួបជាមួយប្រធានាធិបតីតៃវ៉ាន់លោក Lai Ching-te កាលពីថ្ងៃចន្ទ បន្ទាប់ពីចិនបានធ្វើសមយុទ្ធនៅជុំវិញកោះនេះ។ អភិបាលរដ្ឋ Kentucky លោក Andy Beshear បានប្រកាសថា រដ្ឋនេះស្ថិតក្នុងភាពអាសន្ន បន្ទាប់ពីខ្យល់កួចបានឆក់យកជីវិតមនុស្សយ៉ាងហោចណាស់ ១៤ នាក់។ ថ្ងៃចន្ទនេះជាទិវា Memorial Day ដែលរំឭកវិញ្ញាណក្ខន្ធយុទ្ធជនអាមេរិកដែលស្លាប់ក្នុងពេលបំពេញបេសកកម្ម។ នេះគឺជាកម្មវិធីវីអូអេ ៦០ អាមេរិកសម្រាប់ថ្ងៃទី២៧ ខែឧសភា ឆ្នាំ២០២៤៕