វីអូអេ ៦០ អាមេរិក៖ ព្រឹត្តិការណ៍អំពីសហរដ្ឋអាមេរិកសម្រាប់ថ្ងៃទី២៩ ខែកក្កដា ឆ្នាំ២០២៤
លោករដ្ឋមន្ត្រីការបរទេស Antony Blinken និងលោករដ្ឋមន្ត្រីការពារជាតិ Lloyd Austin ជួបជាមួយនាយករដ្ឋមន្ត្រីជប៉ុនលោក Fumio Kishida កាលពីថ្ងៃចន្ទនៅទីក្រុងតូក្យូ ដើម្បីពិភាក្សាអំពីបញ្ហាសន្ដិសុខ។ ភ្លើងឆេះព្រៃនៅប៉ែកខាងលិចអាមេរិកនិងកាណាដាធ្វើឱ្យមនុស្សរាប់លាននាក់ប្រឈមនឹងបញ្ហាខ្យល់កខ្វល់។ ការស្រាវជ្រាវថ្មីមួយដែលបានចេញផ្សាយកាលពីថ្ងៃអាទិត្យនៅឯសន្និសីទសមាគមអន្តរជាតិជំងឺ Alzheimer បង្ហាញថាតេស្ដឈាមថ្មីមួយប្រភេទអាចជួយធ្វើរោគវិនិច្ឆ័យរកឃើញជំងឺនេះបានលឿននិងកាន់តែច្បាស់ជាងមុន។ នេះគឺជាកម្មវិធីវីអូអេ ៦០ អាមេរិកសម្រាប់ថ្ងៃទី២៩ ខែកក្កដា ឆ្នាំ២០២៤៕