រូបភាពជុំវិញពិភពលោកថ្ងៃទី០៤ ខែកញ្ញា ឆ្នាំ២០១៥ មកពីប្រទេសឥណ្ឌា អាល្លឺម៉ង់ អូស្រ្តាលី សហរដ្ឋអាមេរិក ចិន អ៊ីស្រាអែល ប៊ែលហ្ស៊ិក ជប៉ុន និងអាហ្វហ្គានីស្ថាន។<span style="color:white;">om around the world.</span>
រូបភាពជុំវិញពិភពលោកថ្ងៃទី០៤ ខែកញ្ញា ឆ្នាំ២០១៥
១
បក្សីត្រូវបានប្រលែងនៅចុងបញ្ចប់នៅក្បួនដង្ហែយោធាក្នុងការប្រារព្ធខួបទី៧០ នៃការបញ្ចប់សង្រ្គាមលោកលើកទីពីរ នៅក្រុងប៉េកាំង ប្រទេសចិន។
២
កុមារស្លៀកពាក់ជាព្រះគ្រឹស្ណានៅក្នុងសាសនាហិណ្ឌូរង់ចាំដើម្បីចូលរួមនៅក្នុងពិធីប្រកួតប្រជែងសំលៀកបំពាក់ឆើតឆាយនៅវិហារមួយក្នុងក្រុង Chandigarh ប្រទេសឥណ្ឌា។
៣
រូបភាពបង្ហាញពីរោមជៀម ៤០,៤៥ គីឡូក្រាមដែលត្រូវបានកោរចេញពីសត្វជៀមយក្សមួយកំពុងត្រូវបានដាក់ថ្លឹងនៅជាយក្រុង Canberra មួយថ្ងៃ បន្ទាប់ពីក្រុមមន្រ្តីសុខមាលភាពសត្វបានធ្វើការអំពាវនាវជាបន្ទាន់ទៅដល់ក្រុមអ្នកកោររោមជៀម ក្រោយពីបានប្រទះឃើញសត្វជៀមយក្សនោះដែលពោរពេញទៅដោយរោមច្រើនជ្រុល ដែលនេះអាចបង្កគ្រោះថ្នាក់ដល់ជីវិតរបស់វា។ សត្វជៀមធំជ្រុលនោះត្រូវបានអតីតអ្នកជំនាញកោររោមជៀមជនជាតិអូស្រ្តាលីលោក Ian Elkins ចាប់កោររោមអស់រយៈពេល ៤២នាទី ដែលលោកបាននិយាយថា «នេះពិតជាការលំបាកមួយសម្រាប់លោក»។
៤
បាតុករឈ្មោះ Kayla Marks មកពី Hollywood រដ្ឋ Florida បានដាក់បដាមួយ មុនពេលអនុប្រធានាធិបតីអាមេរិកលោក Joe Biden បានជួបជាមួយនឹងមេដឹកនាំសហគមន៍ជនកាន់សាសនាជ្វីបនៅមជ្ឈមណ្ឌលសហគមន៍ជី្វប David Posnack នៅក្រុង Davie រដ្ឋ Florida សហរដ្ឋអាមេរិក។ លោក Biden ព្យាយាមធ្វើការធានាដល់មេដឹកនាំជ្វីបទាំងឡាយនៅភាគខាងត្បូងរដ្ឋ Florida ថា កិច្ចព្រមព្រៀងនុយក្លេអ៊ែររបស់ប្រធានាធិបតីលោក Barack Obama ជាមួយអ៊ីរ៉ង់នឹងជាជំហានយ៉ាងសំខាន់មួយឆ្ពោះទៅរកពិភពលោកដែលមានសុវត្ថិភាពជាងមុន។
៥
ក្រុមគ្រូពេទ្យយោធាចូលរួមនៅក្នុងក្បួនដង្ហែប្រារព្ធខួបទី ៧០នៃការចុះចាញ់សង្រ្គាមលោកលើកទីពីររបស់ជប៉ុននៅមុខក្លោងទ្វារទីលាន Tiananmen នៅក្រុងប៉េកាំង។
៦
Nihang ឥណ្ឌាមួយរូប ដែលជា អ្នកចម្បាំងសាសនា Sikh បានបង្ហាញជំនាញក្បាច់គុន Sikh ដែលត្រូវបានស្គាល់ថា «Gatka» នៅអំឡុងពេលដង្ហែក្បួនដើម្បីកំណត់ខួបទី ៣៥៤ របស់អ្នកចម្បាំង Shaheed Baba Jiwan Singh នៃសាសនា Sikh នៅឯវិហារ Golden នៅក្រុង Amritsar។
៧
កុមារាជនជាតិអាហ្វហ្គានីស្ថានដើរនៅពីមុខគំនូរលើជញ្ជាំងមន្ទីរគ្រប់គ្រងសន្តិសុខជាតិ NDS នៅក្រុងកាប៊ុល។
៨
ប្រធានាធិបតីអាមេរិកលោក Barack Obama សម្តែងរបាំប្រពៃណី Yup'ik នៅឯសាលាមួយនៅក្រុង Dillingham រដ្ឋ Alaska នាថ្ងៃទី០២ ខែកញ្ញា ឆ្នាំ២០១៥។
៩
ស្រ្តីម្នាក់មើលទៅលើរូបគំនូរ «បន្សំខ្សែបន្ទាត់ និងពណ៌» ដោយជាងគំនូរជនជាតិហូឡង់លោក Piet Mondrian នៅអំឡុងពេលបើកបង្ហាញខ្លីសម្រាប់សារព័ត៌មានក្នុងពិពរណ៌មួយនៅសារមន្ទីរ Martin-Gropius-Bau នៅក្រុងប៊ែរឡាំង ប្រទេសអាល្លឺម៉ង់។
១០
រូបភាពពីអាកាសនៃ Burning Man 2015 «Carnival of Mirrors» ដែលជាពិធីបុណ្យសិល្បៈ និងចម្រៀងនៅវាលខ្សាច់ Black Rock Desert រដ្ឋ Nevada សហរដ្ឋអាមេរិកនាថ្ងៃទី០២ ខែកញ្ញា ឆ្នាំ២០១៥។
១១
បុគ្គលិកហាងលក់ទំនិញមួយដើរកាត់បុគ្គលិកដទៃទៀត ដែលស្លៀកក្នុងឯកសណ្ឋានជា Stormtrooper និង Death Star Gunner (ខាងស្តាំ) នៅក្នុងភាពយន្ត «Star Wars» នៅមុនពេលដាក់បង្ហាញជាសាធារណៈនូវរបស់ក្មេងលេងថ្មីនៃភាពយន្តនោះនៅឯហាងលក់ទំនិញ Loft Variety នៅសង្កាត់លក់ទំនិញ Shibuya នៅក្រុងតូក្យូ ប្រទេសជប៉ុន។
១២
សត្វស្វាពពួក capuchin លេងជាមួយចំណីនៅឯសួនសត្វ Olmense នៅក្រុង Olmen ប្រទេសប៊ែលហ្ស៊ិក នាថ្ងៃទី ០២ ខែកញ្ញា ឆ្នាំ២០១៥។
១៣
អ្នកជិះក្តារនៅរម្មណីយដ្ឋាន Surf Snowdonia ក្រុង Conwy តំបន់ North Wales ប្រទេសអូស្រ្តាលី។
១៤
អាជ្ញាធរបុរាណវត្ថុអ៊ីស្រាអែលបោសសម្អាតមជ្ឈូសថ្មអាយុកាល ១.៨០០ ឆ្នាំ ដែលស្ថិតនៅតាំងពីសម័យកាលរ៉ូម៉ាំងនៅឃ្លាំងមួយនៃសារមន្ទីរ National Treasures នៅក្រុង Beit Shemesh ប្រទេសអ៊ីស្រាអែល។ ក្រុមអាជ្ញាធរបានរកមជ្ឈូសនេះនៅសំណង់មួយកន្លែង។
១៥
ទូរស័ព្ទស្មាតហ្វូននៃក្រុមហ៊ុនអេឡិចត្រូនិច Samsung ត្រូវបានដាក់បង្ហាញ បន្ទាប់ពីសន្និសីទសារព័ត៌មានមួយនៅស្តង់របស់ក្រុមហ៊ុននៅក្នុងពិពរណ៌បច្ចេកវិទ្យា IFA 2015 នៅក្រុងប៊ែរឡាំង ប្រទេសអាល្លឺម៉ង់។