រូបភាពជុំវិញពិភពលោក៖ ២៨ កញ្ញា ២០២២
ពីប្រទេសគុយបា អ៊ុយក្រែន អ៊ីរ៉ាក់ កេនយ៉ា អាល្លឺម៉ង់ សហរដ្ឋអាមេរិក អ៊ីស្រាអែល អេមីរ៉ាតអារ៉ាប់រួម និងក្រុងវ៉ាទីកង់៕
១
រលកបោកមកលើមាត់ច្រាំង Malecon ក្រុងឡាហាវ៉ាន ប្រទេសគុយបា បន្ទាប់ពីមានព្យុះសង្ឃរា Ian។
២
បំណែកបាក់បែកគ្របដណ្តប់លើផ្លូវរថភ្លើងមួយ បន្ទាប់ពីមានការវាយប្រហារដោយគ្រាប់រ៉ុក្កែតរបស់រុស្ស៊ីនៅក្រុង Kharkiv ប្រទេសអ៊ុយក្រែន។
៣
កងកម្លាំងសន្តិសុខអ៊ីរ៉ាក់លើកខែលការពារខ្លួន អំឡុងពេលប៉ះទង្គិចគ្នាជាមួយក្រុមអ្នកគាំទ្រអាចារ្យនិកាយស៊ីអ៊ីតលោក Moqtada Sadr នៅទីលាន Tahrir Square កណ្តាលរដ្ឋធានីបាកដាដ ប្រទេសអ៊ីរ៉ាក់។
៤
ស្រ្តីវ័យក្មេងម្នាក់ពីសហគមន៍ Turkana ដងទឹកឲ្យពពែផឹកពីរណ្តៅអណ្តូងរាក់មួយ ដែលត្រូវបានជីកពីបាតទន្លេរីងស្ងួតមួយ នៅតំបន់ Eliye ជ្រោយខាងលិចបឹង Lake Turkana ក្នុងក្រុង Turkana ប្រទេសកេនយ៉ា។
៥
បុរសប្រដាប់អាវុធម្នាក់ចូលរួមពិធីបុណ្យសពលោក Abdul Rahman Khazem ខ្មាន់កាំភ្លើងជនជាតិប៉ាឡេស្ទីន និងបុរសម្នាក់ទៀតឈ្មោះ Muhammad Abu Naasa ដែលត្រូវបានកងកម្លាំងអ៊ីស្រាអែលសម្លាប់ក្នុងការចុះបង្ក្រាបមួយ។ ពិធីបុណ្យសពនេះត្រូវបានធ្វើឡើងនៅក្រុង Jenin ផ្នែកតំបន់ West Bank គ្រប់គ្រងដោយអ៊ីស្រាអែល។
៦
អ្នកតវ៉ាម្នាក់លើកដៃជាសញ្ញាអំឡុងពេលបាតុកម្មមួយជិតក្លោងទ្វារ Brandenburg Gate ក្នុងក្រុងប៊ែរឡាំង ប្រទេសអាល្លឺម៉ង់ ក្រោយពីការស្លាប់របស់ស្រ្តីវ័យក្មេងឈ្មោះ Mahsa Amini នៅប្រទេសអ៊ីរ៉ង់។
៧
ឯកសារទទឹកត្រូវបានដាក់លើកង់រថភ្លើងដើម្បីហាលសម្ងួតជិតកន្លែងដាក់គ្រឿងរថភ្លើងមួយនៅស្ថានីយរថភ្លើងដឹកទំនិញក្នុងក្រុង Kharkiv ដែលបានរងការបំផ្លាញដោយផ្នែកដោយសារការវាយប្រហារដោយគ្រាប់មីស៊ីល អំឡុងពេលការឈ្លានពានរបស់រុស្ស៊ីនៅអ៊ុយក្រែន។
៨
សម្តេចប៉ាប Francis យាងដល់ដើម្បីចូលរួមវេទិកាសំណេះសំណាលជាមួយសាធារណជនប្រចាំសប្តាហ៍ នៅទីលាន St. Peter's Square ក្នុងក្រុងវ៉ាទីកង់។
៩
យន្តហោះធុនតូចមួយក្រឡាប់ផ្ងារជើង ដែលទំនងដោយសារខ្យល់កួចមួយបង្កឡើងដោយព្យុះសង្ឃរា Ian នៅព្រលានយន្តហោះ North Perry ក្នុងក្រុង Pembroke Pines រដ្ឋ Florida សហរដ្ឋអាមេរិក។
១០
ភ្នាក់ងារជួយសង្រ្គោះម្នាក់អង្គុយសម្រាកនៅកន្លែងរងការបាក់បែកមួយ ជាទីដែលស្រ្តីម្នាក់បានស្លាប់ បន្ទាប់ពីមានការវាយប្រហារដោយរុស្ស៊ី ដែលបានបង្កការខូចខាតយ៉ាងខ្លាំងទៅលើសាលារៀនមួយក្នុងក្រុង Mykolaivka ប្រទេសអ៊ុយក្រែន។
១១
ស្រ្តីម្នាក់សាកល្បងវ៉ែនតាពិភពនិម្មិត អំឡុងពេលកម្មវិធី Dubai Metaverse Assembly នៅអគារ Emirates Towers ក្នុងក្រុង Dubai ប្រទេសអេមីរ៉ាតអារ៉ាប់រួម។