រូបភាពជុំវិញពិភពលោកថ្ងៃទី២៨ ខែកញ្ញា ឆ្នាំ២០១៦ មកពីប្រទេសអង់គ្លេស អេស្ប៉ាញ សហរដ្ឋអាមេរិក យេម៉ែន អូទ្រីស បារាំង ក្រិក ឥណ្ឌា ស៊ីរី កូរ៉េខាងជើង និងចិន។
រូបភាពជុំវិញពិភពលោក ២៨ កញ្ញា ២០១៦
១
ប្រជាជនកូរ៉េខាងជើងកំពុងទស្សនាភាពយន្តមួយ ដែលត្រូវបានចាក់បញ្ចាំងទៅលើអេក្រង់ធំមួយនៅទីលានសាធារណៈជិតស្ថានីយរថភ្លើងក្រុងព្យុងយ៉ាង។
២
កម្ទេចដុំនំប៉័ងត្រូវថតបាននៅកន្លែងរងការវាយប្រហារតាមអាកាសនៅតំបន់ Bab al-Maqam នៃក្រុង Aleppo ប្រទេសស៊ីរី កាលពីថ្ងៃទី២៨ ខែកញ្ញា ឆ្នាំ២០១៦។
៣
ក្រុមអ្នកជួយសង្រ្គោះជម្លៀសកុមារដែលរងគ្រោះដោយសារទឹកជំនន់នៅក្រុង Ningde ខេត្ត Fujian ភាគខាងកើតប្រទេសចិន។ ព្យុះទីហ្វុង Megi បានបោកបក់មកលើចិនដីគោក ដោយបានសម្លាប់មនុស្សម្នាក់ ក្រោយពីការបង្កមានការខូចខាត និងមនុស្សបួននាក់បាត់បង់ជីវិតនៅកោះតៃវ៉ាន់។
៤
ក្រុមអ្នករបាំចូលរួមនៅក្នុងពិធី «THE ONE Grand Show» នៅឯវិមាន Friedrichstadt-Palast ក្នុងប៊ែរឡាំង ប្រទេសអាល្លឺម៉ង់ កាលពីថ្ងៃទី២៨ ខែកញ្ញា ឆ្នាំ២០១៦។
៥
ក្រុមអ្នកគាំទ្រគណបក្សរណសិរ្សរំដោះប្រជាជន Gorkha (GJMM) ចូលរួមនៅក្នុងក្បួនដង្ហែមួយ អំឡុងពេលបាតុកម្មទាមទាររដ្ឋឥណ្ឌាថ្មីមួយនៅក្រុង Kalimpong ចម្ងាយប្រមាណ ៧៥គីឡូម៉ែត្រ ពីក្រុង Siliguri ប្រទេសឥណ្ឌា។
៦
មេចុងភៅលោក Fabian Martinez ថតជាមួយនឹងភីហ្សា ដែលធ្វើឡើងក្នុងទម្រង់បេក្ខជនប្រជាធិបតីគណបក្សប្រជាធិបតេយ្យលោកស្រី Hillary Clinton (ខាងឆ្វេង) និងបេក្ខជនប្រធានាធិបតីគណបក្សសាធារណរដ្ឋលោក Donald Trump នៅឯហាងនំភីហ្សា Giordano's ក្នុងក្រុង Chicago រដ្ឋ Illinois កាលពីថ្ងៃទី២៧ ខែកញ្ញា ឆ្នាំ២០១៦។
៧
បុរសម្នាក់ដោយមានជាប់ក្រដាសបត់រាងជាឆ័ត្រមួយជាប់នឹងត្រចៀក ដែលជានិមិត្តរូបនៃចលនារើបម្រះរបស់ជនស៊ីវិល Occupy Central ចូលរួមនៅក្នុងខួបទីពីរនៃចលនានេះនៅខាងក្រៅការិយាល័យរដ្ឋាភិបាលនៅក្រុងកោះហុងកុង។
៨
ក្រុមអ្នកចូលរួមដោយមានពាក់នូវសំលៀកបំពាក់ពិសេសមួយធ្វើការសម្តែងជារំឭកដល់ទន្លេលឿងនៅក្រុង Binzhou ខេត្ត Shandong ប្រទេសចិន កាលពីថ្ងៃទី២៧ ខែកញ្ញា ឆ្នាំ២០១៦។
៩
បុរសកាន់សាសនាហិណ្ឌូម្នាក់ធ្វើការបួងសួងទៅកាន់សត្វគោមួយក្បាល បន្ទាប់ពីស្រង់ទឹកនៃតំបន់ Sangam ដែលជាកន្លែងជួបគ្នារវាងទន្លេ Ganga ទន្លេ Yamuna និងទន្លេ Saraswati ក្នុងក្រុង Allahabad ប្រទេសឥណ្ឌា។
១០
ក្មេងៗលេងនៅក្នុងជំរុំជនភៀសខ្លួន និងជនចំណាកស្រុកនៅក្រុង Chios កោះ Chios ប្រទេសក្រិក។
១១
ប្រជាជនក្រុង Mayorga លើកដុំក្រណាត់ដែលត្រូវបានដុតបញ្ឆេះ ស្របពេលដែលពួកគេចូលរួមនៅក្នុងពិធី «Vitor's Civic Procession» ក្នុងក្រុង Mayorga ជិតក្រុង Valladolid កាលពីថ្ងៃទី២៧ ខែកញ្ញា ឆ្នាំ២០១៦។
១២
តារាម៉ូដែលបង្ហាញស្នាដៃមួយដោយអ្នករចនាម៉ូដលោក John Galliano សម្រាប់ហាងបង្ហាញម៉ូដ Maison Margiela ក្នុងក្រុងប៉ារីស ប្រទេសបារាំង។
១៣
កូនខ្លាឃ្មុំផេនដានៅក្នុងទ្រុងបង្កាត់មួយខាងក្នុងសួនសត្វ Schoenbrunn ក្នុងក្រុងវីយ៉ែន ប្រទេសអូទ្រីស។
១៤
បុគ្គលិកសារមន្ទីរមើលទៅស្នាដៃសិល្បៈ Bologna Cope ដែលមានអាយុកាលចាប់តាំងពីសតវត្សរ៍ទី១៤ នៅឯសារមន្ទីរ Victoria and Albert ក្នុងក្រុងឡុងដ៍ ប្រទេសអង់គ្លេស។