រូបភាពជុំវិញពិភពលោកមកពីប្រទសអាល្លឺម៉ង់ ក្រិក មីយ៉ាន់ម៉ា ជប៉ុន យេម៉ែន អាហ្វ្រិកខាងត្បូង ចិន សហរដ្ឋអាមេរិក សិង្ហបុរី ឥណ្ឌូនេស៊ី ប្រេស៊ីល និងអ៊ុយក្រែន។
ews photos from around the world.
រូបភាពជុំវិញពិភពលោក ១០ កញ្ញា ២០១៥
1
ក្រុមកម្មករយកចេញក្បាលរូបចម្លាក់នៃអតីតមេដឹកនាំសូវៀតលោក Vladimir Lenin ដែលបានកប់នៅក្នុងព្រៃនៅភាគខាងកើតក្រុងបែរឡាំង។ ដុំរូបចម្លាក់ធ្វើពីថ្មក្រានីតទម្ងន់ ៣,៥តោន ដែលត្រូវបានកប់នៅក្នុងព្រៃជាយូរយារណាស់មកហើយនៅជាយក្រុងនោះ នឹងក្លាយជាចំណុចទាក់ទាញមួយនៅក្នុងពិព័រណ៍សារមន្ទីរថ្មីពីបុគ្គលជាន់ខ្ពស់ ដែលបានដើរតួនៅក្នុងប្រវត្តិសាស្រ្តដ៏ច្របូកច្របល់របស់អាល្លឺម៉ង់។
2
ជនអន្តោប្រវេសន៍ស៊ីរីថើបកូនប្រុសរបស់ខ្លួន ខណៈដែលគាត់ដើរឆ្លងកាត់ព្យុះភ្លៀងទៅកាន់ព្រំដែនប្រទេសក្រិកជាប់ព្រំដែនប្រទេសម៉ាសេដូនី ដែលស្ថិតនៅជិតភូមិ Idomeni ប្រទេសក្រិក។
3
ស្រ្តីកុលសម្ព័ន្ធ Kayan រង់ចាំការថ្លែងសុន្ទរកថាពីមេដឹកនាំគាំទ្រលិទ្ធិប្រជាធិបតេយ្យនៅមីយ៉ាន់ម៉ាលោកស្រីអង់សាន ស៊ូជីនៅអំឡុងពេលយុទ្ធនាការឃោសនារបស់លោកស្រីសម្រាប់ការបោះឆ្នោតនាពេលខាងមុខនៅក្រុង Demoso រដ្ឋ Kayah។
4
មនុស្សជាប់គាំងនៅលើផ្លូវជន់លិចដោយទន្លេ Kinugawa ដែលត្រូវបានបង្កឡើងដោយព្យុះទីហ្វុង Etau នៅក្រុង Joso តំបន់ Ibaraki ប្រទេសជប៉ុន នៅក្នុងរូបភាពមួយថតដោយទីភ្នាក់ងារសារព័ត៌មាន Kyodo។ ជប៉ុនបានធ្វើការជម្លៀសប្រជាជនប្រមាណ ១០០.០០០នាក់ពីផ្ទះរបស់ពួកគេ បន្ទាប់ពីមានព្យុះភ្លៀងយ៉ាងកម្រមួយ ដែលបានបង្កឲ្យមានទឹកជំនន់ ដែលបានបណ្តាលឲ្យមនុស្សយ៉ាងហោចពីរណាស់បាត់ខ្លួន ហើយមួយចំនួនទៀតជាប់គាំងនៅពេលដែលទន្លេបានច្រាលចេញពីជ្រាំង។
5
ផ្សែង និងដុះភ្លើងផុលចេញពីមូលដ្ឋានយោធា បន្ទាប់ពីត្រូវបានរងការប៉ះពាល់ដោយការវាយប្រហារតាមអាកាសដឹកនាំដោយអារ៉ាប៊ីសាអូឌីតនៅរដ្ឋធានីសាណា ប្រទេសយេម៉ែន។
6
អនុប្រធានាធិបតីអាហ្វ្រិកខាងត្បូងលោក Cyril Ramaphosa ថើបសំណាកលលាដ៍ក្បាលអំបូរមនុស្សដើម Homo Naledi នៅអំឡុងពេលការប្រកាសមួយដែលត្រូវបានធ្វើឡើងនៅតំបន់បេតិកភណ្ឌពិភពលោក Maropeng Cradle of Humankind នៅក្រុង Magaliesburg។ ក្រុមអ្នកវិទ្យាសាស្រ្តនិយាយថា ពួកគេបានរកឃើញសមាជិកថ្មីនៃស្រឡាយពូជមនុស្ស ដែលត្រូវបានបង្ហាញដោយសំណាកឆ្អឹងនៅក្នុងរូងដ៏ងងឹតស្លុងមួយនៅអាហ្រ្វិកខាងត្បូង។
7
គំនរសំរាមបង្ខាំងផ្លូវចូលអាគារស្នាក់នៅមួយ ខណៈដែលក្រុមកម្មករធ្វើការសម្អាតអាគារស្នាក់នៅមួយនៅក្រុង Qingdao ខេត្ត Shandong ប្រទេសចិន នាថ្ងៃទី០៩ ខែកញ្ញា ឆ្នាំ២០១៥។ យោងទៅតាមបណ្តាញផ្សព្វផ្សាយក្នុងស្រុក ក្រុមអាជ្ញាធរបានចាប់ផ្តើមធ្វើការសម្អាតអាគារស្នាក់នៅរបស់ស្រ្តីវ័យចំណាស់មួយនាក់ ជាមួយនឹងជំនួយពីកូនប្រុសរបស់ស្រ្តីរូបនោះផ្ទាល់។ ក្រុមអាជ្ញាធរបានចាត់វិធានការបោសសម្អាត បន្ទាប់ពីមានការត្អួញត្អែរជាបន្តបន្ទាប់ពីប្រជាជនរស់នៅជុំវិញដោយសារតែការប្រមូល និងស្តុកទុកសំរាមរបស់ស្រ្តីរូបនោះនៅក្នុងផ្ទះរបស់ខ្លួន។
8
មនុស្សប្រមូលផ្តុំនៅពិធីរំលឹក «Tribute in Light» នៅសង្កាត់ Lower Manhattan បុរីញូវយ៉កនាថ្ងៃទី០៩ ខែកញ្ញា ឆ្នាំ២០១៥។ ពិធីរំលឹកមានការបញ្ចាំងពន្លឺពីរថ្ងៃនៅមុនពេលគម្រប់ខួបទី១៤ នៃការវាយប្រហារថ្ងៃទី១១ ខែកញ្ញា។
9
បុរសម្នាក់បង្ហោះខ្លែងនៅអំឡុងថ្ងៃចុះអ័ព្ទនៅសិង្ហបុរី។ ការបំពុលខ្យល់នៅសិង្ហបុរីបានកើនដល់កម្រិតខ្ពស់បំផុតមួយនៅក្នុងរយៈពេលមួយឆ្នាំ នៅស្របពេលដែលផ្សែងអ័ព្ទពីភ្លើងឆេះព្រៃនៅឥណ្ឌនេស៊ីបានហ៊ុមព័ទ្ធប្រទេសកោះមួយនោះក្នុងទម្រង់ជាស្បៃពណ៌ប្រផេះមួយ។
10
ឧទ្ធម្ភាគចក្រ Mi-17 ចាក់ទឹកទៅលើព្រៃកំពុងឆេះមួយនៅតំបន់ Ogan Komering Ulu នៅខេត្ត Sumatra ភាគខាងត្បូងប្រទេសឥណ្ឌូនេស៊ី។
11
រថយន្តតាក់ស៊ីត្រូវបានឃើញចតនៅលើផ្លូវនៅអំឡុងពេលធ្វើបាតុកម្មតវ៉ាមួយប្រឆាំងនឹងសេវាកម្មចែករំលែករថយន្តតាមប្រព័ន្ធអ៊ីនធឺណិត Uber នៅកណ្តាលក្រុង Sao Paulo ប្រទេសប្រេស៊ីលនាថ្ងៃទី០៩ ខែកញ្ញា ឆ្នាំ២០១៥។
12
សត្វឆ្មា និងអ្នកបង្វឹកវាធ្វើការសម្តែងនៅអំឡុងពេលកម្មវិធី «The Circus Princess» នៅមហោស្រពជាតិរដ្ឋធានីកៀវ ប្រទេសអ៊ុយក្រែន។
13
ពិធីករកម្មវិធីទូរទស្សន៍លោក Jimmy Fallon (ខាងឆ្វេង) ជាមួយនឹងតារាសម្តែង និងតារាចម្រៀង Justin Timberlake បង្ហាញប្រតិកម្មនៅពេលមានការបង្ហាញពួកគេនៅក្នុងអេក្រង់វីដេអូ ខណៈដែលពួកគេចូលរួមនៅក្នុងការប្រកួតរវាងកីឡាករ Roger Federer មកពីប្រទេសស្វីស និងកីឡាករ Richard Gasquet មកពីប្រទេសបារាំងនៅក្នុងការប្រកួតពានរង្វាន់តេនីស U.S. Open Championships នៅបុរីញូវយ៉ក នាថ្ងៃទី០៩ ខែកញ្ញា ឆ្នាំ២០១៥។
