បេក្ខជន​ប្រធានាធិបតី​ខាង​គណបក្ស​ប្រជាធិបតេយ្យ​លោក Joe Biden កំពុង​​រង​សម្ពាធ​កាន់តែខ្លាំង​​ ឲ្យ​​​បង្កើត​​គោលនយោបាយ​​​ដែល​​នាំ​ឲ្យ​​មាន​​ការ​ផ្លាស់​ប្តូរ​​ធំៗ ​ដើម្បី​ឆ្លើយតប​ទៅនឹង​ការឆ្លងរាតត្បាត​វីរុសកូរ៉ូណា​ ការកើន​ឡើង​​អត្រា​​គា្មនការងារ​ធ្វើ​ និង​​បាតុកម្ម​ប្រឆាំង​ការរើសអើង​​ជាតិសាសន៍​នៅ​​ពាស​ពេញ​​ប្រទេស​​ដែល​​បណ្តាល​​ឲ្យ​មាន​​ការ​ផ្លាស់ប្តូរ​​នៅ​ក្នុង​​ការប្រកួត​ប្រជែង​​គ្រប់គ្រង​សេតវិមាន។ លោក Brian Padden នៃ​វីអូអេ​រាយការណ៍​ថា​ សកម្មជន​​ខាង​គណបក្ស​ប្រជាធិបតេយ្យ​​ដែល​​មាន​ទំ​នោរ​ឆ្វេងនិយម​ខ្លាំង​ទៅ​នឹង​ជំហរ​​កណ្តាល​និយម​របស់​លោក Biden កំពុង​​ទាមទារ​​ឲ្យ​មាន​​កម្មវិធី​នយោបាយ​ផ្លាស់ប្តូរ​ធំ​ដុំ​ ដើម្បី​ទាក់ទាញ​អ្នកបោះឆ្នោត ​ដែល​ជា​ក្រុមជនជាតិ​ភាគតិច​ និង​​អ្នក​បោះឆ្នោត​​ដែល​​ចង់​​បាន​​ការ​ផ្លាស់​ប្តូរ​​ធំៗ​​​នៅក្នុង​​ការ​បោះឆ្នោត​ប្រធានាធិបតី​នៅ​ខែវិច្ឆិកា​ខាងមុខ​នេះ។ អ្នកស្រី ស៊ូ ពេជ្រចិន្តា ជូន​សេចក្តី​ប្រែសម្រួល៕