ប្រជាពលរដ្ឋក្នុងប្រទេសមួយចំនួនដូចជា អូស្រ្តាលី ហូឡង់ ក្រិក អាល្លឺម៉ង់ អង់គ្លេស ម៉ិកស៊ិក និងប្រទេសស៊ីបជាដើម បានបញ្ចេញប្រតិកម្មចំពោះការស្លាប់របស់លោក George Floyd បន្ទាប់ពីលោក Floyd ដែលជាពលរដ្ឋអាមេរិកាំងដើមកំណើតអាហ្វ្រិកម្នាក់ បានស្លាប់កាលពីថ្ងៃច័ន្ទ ទី២៥ ខែឧសភា ឆ្នាំ២០២០ ក្រោយពីប៉ូលិសស្បែកសម្នាក់សង្កត់ជង្គង់ពីលើករបស់លោកអស់ជាង ៨ នាទី នៅក្នុងទីក្រុង Minneapolis រដ្ឋ Minnesota៕
កម្រងរូបភាពVOA៖ ពលរដ្ឋនៅជុំវិញពិភពលោកបន្តប្រតិកម្មលើការស្លាប់របស់លោក George Floyd
១
ពលរដ្ឋហូឡង់ ចូលរួមធ្វើបាតុកម្មដែលផ្តោតទៅលើ Black Lives Matter ដែលមានន័យថា ជីវិតពលរដ្ឋស្បែកខ្មៅមានតម្លៃ នៅទីក្រុង Amsterdam ប្រទេសហូឡង់ នៅថ្ងៃច័ន្ទ ទី ១ ខែមិថុនា ឆ្នាំ ២០២០ ដើម្បីធ្វើការតវ៉ាប្រឆាំងនឹងការស្លាប់របស់លោក George Floyd ដែលជាពលរដ្ឋអាមេរិកដើមកំណើតអាហ្រ្វិក។ (AP)
២
លោក Achort Hakimi ដែលជាកីឡាករសញ្ជាតិម៉ារ៉ុកនៃក្រុមកីឡាបាល់ទាត់ Dortmund បង្ហាញអាវរបស់លោកដែលសរសេរថា «យុត្តិធម៌សម្រាប់ George Floyd» ក្រោយពីលោកទាត់បាល់ចូលទីលើកទីបួន ឲ្យក្រុមរបស់លោក ក្នុងអំឡុងពេលការប្រកួតបាល់ទាត់រវាងក្រុម SC Paderborn 07 និងក្រុម Borussia Dortmund នៅកីឡាដ្ឋាន Benteler Arena ក្នុងទីក្រុង Paderborn នៃប្រទេសអាល្លឺមង់ នៅថ្ងៃទី ៣១ ខែឧសភា ឆ្នាំ ២០២០។ (Lars Baron/POOL/AFP)
៣
សមាជិកនៃអង្គការយុវជនបក្សកុម្មុយនិស្តក្រិក (KKE) កាន់កាំជ្រួចភ្លើងគ្រវី ខណៈពួកគេឈរនៅខាងក្រៅស្ថានទូតអាមេរិកក្នុងទីក្រុង Athens នៅថ្ងៃច័ន្ទ ទី១ ខែមិថុនា ឆ្នាំ ២០២០ ដើម្បីតវ៉ាអំពីមរណភាពរបស់លោក George Floyd ដែលជាពលរដ្ឋអាមេរិកដើមកំណើតអាហ្រ្វិក។ (AP)
៤
អ្នកស្រី Louise James អាយុ ៣៦ ឆ្នាំ ជនជាតិអង់គ្លេសជាគ្រូបង្រៀនប្រវត្តិសាស្រ្តអាមេរិកនៅសាលាអាមេរិកាំងមួយក្នុងទីក្រុងម៉ិកស៊ីកូស៊ីតធី បានដាក់ផ្កាកុលាបក្បែររូបគំនូររបស់លោក George Floyd ដើម្បីជាការរំឭកដល់លោក នៅលើរបាំងសន្តិសុខខាងក្រៅស្ថានទូតអាមេរិកក្នុងទីក្រុងម៉ិកស៊ីកូស៊ីតធី កាលពីថ្ងៃសៅរ៍ទី ៣០ ខែឧសភាឆ្នាំ ២០២០។ (AP)
៥
ពលរដ្ឋក្រុងឡុងដ៍ បានដើរក្បួនពីទីលានសភា Parliament Square ដែលនៅកណ្តាលទីក្រុងឡុងដ៍ ចក្រភពអង់គ្លេស កាលពីថ្ងៃអាទិត្យទី ៣១ ខែឧសភា ឆ្នាំ ២០២០ ដើម្បីតវ៉ាអំពីការស្លាប់របស់លោក George Floyd ដែលជាពលរដ្ឋអាមេរិកដើមកំណើតអាហ្រ្វិក។ (AP)
៦
បាតុករម្នាក់ដែលស្ថិតក្នុងចំណោមអ្នកដើរក្បួនគាំទ្រដល់ជនចំណាកស្រុកដែលត្រូវបានឃុំខ្លួននៅប្រទេសស៊ីប (Cyprus) បានកាន់បដាដែលមានសរសេរឈ្មោះលោក George Floyd ដើម្បីបង្ហាញពីសាមគ្គីភាពរបស់ពួកគេដល់លោក George Floyd ដែលបានស្លាប់។ ការដើរក្បួននេះ ធ្វើឡើងនៅរដ្ឋធានី Nicosiaនៃប្រទេសស៊ីប នៅថ្ងៃអាទិត្យទី ៣១ ខែឧសភា ឆ្នាំ ២០២០។ (AP)
៧
ពលរដ្ឋអាល្លឺម៉ង់ចូលរួមបាតុកម្មដើម្បីរំឭកដល់លោក George Floyd ដែលបានស្លាប់នៅសហរដ្ឋអាមេរិក និងដើម្បីបង្ហាញការប្រឆាំងនឹងការរើសអើងជាតិសាសន៍ និងអំពើហិង្សារបស់ប៉ូលិស នៅមុខក្លោងទ្វារ Brandenburg ក្នុងទីក្រុងប៊ែរឡាំង នៃប្រទេសអាល្លឺម៉ង់ នៅថ្ងៃច័ន្ទ ទី ១ ខែមិថុនា ឆ្នាំ ២០២០។ (AP)
៨
ពលរដ្ឋហូឡង់ ចូលរួមធ្វើបាតុកម្មដែលផ្តោតទៅលើ Black Lives Matter ដែលមានន័យថា ជីវិតពលរដ្ឋស្បែកខ្មៅមានតម្លៃ នៅទីក្រុង Amsterdam ប្រទេសហូឡង់ នៅថ្ងៃច័ន្ទ ទី ១ ខែមិថុនា ឆ្នាំ ២០២០ ដើម្បីធ្វើការតវ៉ាប្រឆាំងនឹងការស្លាប់របស់លោក George Floyd ដែលជាពលរដ្ឋអាមេរិកដើមកំណើតអាហ្រ្វិក។ (AP)
៩
ក្រុមអ្នកតវ៉ាស្រែកបន្លឺពាក្យស្លោក និងកាន់ផ្ទាំងបដា ក្នុងអំឡុងពេលបាតុកម្មនៅទីក្រុងស៊ីដនី នៅថ្ងៃទី ២ ខែមិថុនាឆ្នាំ ២០២០ ដើម្បីទាមទារយុត្តិធម៌ចំពោះការស្លាប់របស់សមាជិកសហគមន៍ជនជាតិ Aboriginalនៅអូស្ត្រាលី និងមរណភាពរបស់លោក George Floyd ដែលជាពលរដ្ឋអាមេរិកដើមកំណើតអាហ្រ្វិក។ (រូបថតដោយ Saeed KHAN/AFP)
១០
ពលរដ្ឋហូឡង់ ចូលរួមធ្វើបាតុកម្មដែលផ្តោតទៅលើ Black Lives Matter ដែលមានន័យថា ជីវិតពលរដ្ឋស្បែកខ្មៅមានតម្លៃ នៅទីក្រុង Amsterdam ប្រទេសហូឡង់ នៅថ្ងៃច័ន្ទ ទី ១ ខែមិថុនា ឆ្នាំ ២០២០ ដើម្បីធ្វើការតវ៉ាប្រឆាំងនឹងការស្លាប់របស់លោក George Floyd ដែលជាពលរដ្ឋអាមេរិកដើមកំណើតអាហ្រ្វិក។ (AP)
១១
ក្រុមអ្នកតវ៉ាបានប្រមូលផ្តុំគ្នានៅទីក្រុងស៊ីដនី នៅថ្ងៃទី ២ ខែមិថុនា ឆ្នាំ ២០២០ ដើម្បីគាំទ្រដល់បុព្វហេតុនៃការតវ៉ារបស់ពលរដ្ឋអាមេរិកាំងទាក់ទងនឹងមរណភាពរបស់លោក George Floyd និងបានជំរុញឲ្យរដ្ឋាភិបាលរបស់ខ្លួន ដោះស្រាយបញ្ហាការរើសអើងជាតិសាសន៍ និងអំពើហិង្សារបស់ប៉ូលីស។ (AP)