ភ្ជាប់​ទៅ​គេហទំព័រ​ទាក់ទង

ការ​ដាក់​បញ្ចូល​គ្នា​នៃ​គណបក្ស​ជំទាស់​និង​ការ​បោះឆ្នោត​ឆ្នាំ​២០១៣

  • សុខ ខេមរា

លោក កឹម សុខា និង​លោក សម រង្ស៊ី​ ធ្វើ​សន្និសីទ​ព័ត៌មាន​រួម​គ្នា​នៅ​ទី​ក្រុង​ម៉ានីល​ប្រទេស​ហ្វីលីពីន​កាល​ពី​ខែ​កក្កដា។
ស្តាប់ការ​វិភាគ​របស់​លោក​ អ៊ូ វីរៈ៖


វ៉ាស៊ីនតោន/ភ្នំពេញ៖ អ្នក​ឃ្លាំ​មើល​ក្នុង​ប្រទេស​កម្ពុជា​និយាយ​ថា ​ការ​ដាក់​បញ្ចូល​គ្នា​ទៅ​ជា​គណបក្ស​តែ​ មួយ​នៃ​គណបក្ស​ជំទាស់​ទាំង​ពីរ​ធ្វើ​ឲ្យ​មាន​ការ​ចាប់​អារម្មណ៍​ខ្លាំង​លើ​នយោបាយ​ របស់​កម្ពុជា។

ថ្លែង​ក្នុង​កម្មវិធី​ហេឡូ​វីអូអេ​កាល​ពី​ថ្ងៃ​ច័ន្ទ​លោក​អ៊ូ វីរៈ​នាយក​មជ្ឈណ្ឌល​សិទ្ធិ​មនុស្ស​កម្ពុជា​បាន​អះអាង​ថា​ការ​ចាប់​អារម្មណ៍​នេះ​កើត​មាន​ចំពោះ​គណបក្ស​ កាន់​អំណាច​ ជា​ពិសេស​លោកនាយករដ្ឋមន្ត្រី​ ហ៊ុន សែន​ ផង​ដែរ។

«ទោះ​បី​ជា​លោក​និយាយ​ថា​លោក​មិន​ចាប់​អារម្មណ៍​ឬ​ក៏​លោក​មិន​ព្រួយ​អំពី​ ការ​បង្រួម​បង្រួម​គ្នា​នេះ​ក៏​ដោយ​ ប៉ុន្តែ​បង្ហាញ​ថា​ គណបក្ស​ប្រជាជន​កម្ពុជា​ក៏​យក​ចិត្ត​ទុកដាក់​នៃ​ដំណើរការ​បង្រួមបង្រួម​គ្នា​នេះ»។

លោក​ថ្លែង​ថា​ ពលរដ្ឋ​អ្នក​បោះឆ្នោត​ មាន​ជម្រើស​មួយ​ថ្មី​ដែល​ជា​ជម្រើស​មួយ​ សម្រាប់​ការ​បោះឆ្នោត​ឆ្នាំ​២០១៣​ខាង​មុខ​ដោយសារ​ការ​បញ្ចូល​គ្នា​រវាង​គណបក្ស​ ជំទាស់​ដើម្បី​តតាំង​ជាមួយ​គណបក្ស​កាន់​អំណាច​របស់​លោក​នាយករដ្ឋមន្ត្រី​ ហ៊ុន សែន​ ដែល​កាន់​អំណាច​៣០​ឆ្នាំ​មក​ហើយ​នោះ។

លោក​ អ៊ូ វីរៈ​ អះអាង​ថា​ លោក​បាន​សង្កេត​ឃើញ​ស្ថានទូត​ស.រ.អ.​ និង​បណ្តា​ប្រទេស​អឺរ៉ុប​មាន​ការ​ចាប់​អារម្មណ៍​ពី​ការ​បញ្ចូល​គ្នា​រវាង​គណបក្ស​ជំទាស់​ទាំង​ពីរ​នេះ។

តើ​អ្នក​យល់ថា ការ​បញ្ចូល​គ្នារវាង​គណបក្ស​ជំទាស់​ទាំង​ពីរ​នេះ ជា​យុទ្ធសាស្ត្រ​មាន​ប្រសិទ្ធភាព​ទេ? សូម​បញ្ចេញ​យោបល់​នៅ​ខាង​ក្រោយ។

ព័ត៌មាន​កម្មវិធី​និង ប័ណ្ណសារ​កម្មវិធី​ហេឡូវីអូអេ​ចុច​ត្រង់​នេះ

ទស្សនៈ​របស់​អ្នក

បង្ហាញ​មតិ

XS
SM
MD
LG