រូបភាពជុំវិញពិភពលោកថ្ងៃទី០៩ ខែតុលា ឆ្នាំ២០១៧ មកពីសហរដ្ឋអាមេរិក ប្រទេសអេស្ប៉ាញ កេនយ៉ា អាល្លឺម៉ង់ បេឡារុស ម៉ាឡេស៊ី បារាំង អាហ្វហ្គានីស្ថាន អង់គ្លេស និងម៉ិកស៊ិក។
រូបភាពជុំវិញពិភពលោក ០៩ តុលា ២០១៧
១
អ្នកគាំទ្របក្សប្រឆាំង National Super Alliance ម្នាក់ ពាក់ផ្លែក្រូចនៅក្នុងពេលធ្វើបាតុកម្មមួយដែលអំពាវនាវឲ្យបណ្តេញមន្ត្រីរៀបចំការបោះឆ្នោតពាក់ព័ន្ធនឹងការបោះឆ្នោតប្រធានាធិបតីដែលត្រូវបានគេលុបចោលវិញ កាលពីថ្ងៃខែសីហា នៅក្នុងណៃរ៉ូប៊ី ប្រទេសកេនយ៉ា។
២
ពន្លឺឲ្យសញ្ញាពណ៌ក្រហមសម្រាប់យន្តហោះត្រូវបានគេដាក់នៅនឹងបង្គោលទាញថាមពលដោយប្រើកម្លាំងខ្យល់។ នេះជាទិដ្ឋភាពនាពេលរាត្រីនៅក្នុងក្រុង Kirchheimbolanden ប្រទេសអាល្លឺម៉ង់។
៣
ភ្លើងកំពុងឆាបឆេះផ្ទះមួយនៅក្នុងក្រុង Glen Ellen រដ្ឋ California។ ដីរាប់ពាន់អាក (acre) និងផ្ទះរាប់សិបខ្នង និងអគារពាណិជ្ជកម្មត្រូវបានឆេះនៅក្នុងភ្លើងឆេះព្រៃនៅក្នុងក្រុង Napa និងតំបន់ Sonoma។
៤
ពលរដ្ឋបេឡារុសប្រមូលផលផ្លែក្រែនបឺរី (cranberries) នៅក្នុងកសិដ្ឋានមួយនៅក្នុងភូមិ Selishche ប្រទេសបេឡារុស។
៥
កីឡាករ Aaron Rodgers (ពាក់លេខ១២) នៃក្រុម Green Bay Packers រកមើលអ្នកយកបាល់បន្តនៅក្នុងតង់ទី៣ទល់ក្រុម Dallas Cowboys នៅស្តាត AT&T Stadium នៅក្នុងក្រុង Arlington រដ្ឋ Texas កាលពីថ្ងៃទី៨ ខែតុលា ឆ្នាំ២០១៧។
៦
ជនជាតិវៀតណាមឈ្មោះ Doan Thi Huong ដែលស្ថិតក្នុងសវនាការនៃការធ្វើឃាតលោក Kim Jong Nam ដែលជាបងប្អូនម្តាយទីទៃរបស់មេដឹកនាំកូរ៉េខាងជើង ទៅដល់ក្រសួងគ្រប់គ្រងសារធាតុគីមីនៅក្នុងក្រុង Petaling Jaya ប្រទេសម៉ាឡេស៊ី។
៧
ចៀមរាប់រយក្បាលត្រូវបានគេថតបានក្នុងពេលធ្វើបាតុកម្មមួយធ្វើឡើងដោយកសិករបារាំងប្រឆាំងនឹងគម្រោង Plan loup របស់រដ្ឋាភិបាល ដែលការពារសត្វចចកដែលកសិករបានបន្ទោសថាធ្វើឲ្យសត្វចៀមស្លាប់ និងបាត់បង់ហិរញ្ញវត្ថុ នៅក្នុងក្រុង Lyon ប្រទេសបារាំង។
៨
ក្មេងៗអាហ្វហ្គានីស្ថានប្រមូលអុសសម្រាប់គ្រួសាររបស់គេនៅជាយក្រុង Mazar-i-Sharif។
៩
កាំជ្រួចផ្ទុះឡើង នៅពេលដែលស្លាកនៃពិធីបុណ្យ Diwali ត្រូវបានគេបំភ្លឺឡើងនៅក្នុងក្រុង Leicester ប្រទេសអង់គ្លេស កាលពីថ្ងៃទី៨ ខែតុលា ឆ្នាំ២០១៧។
១០
លោក Adrian Henche ធ្វើការសម្តែងនៅក្នុងការតាំងពិព័រណ៍ Pilar មួយនៅក្នុងក្រុង Madrid ប្រទេសអេស្ប៉ាញ កាលពីថ្ងៃទី៨ ខែតុលា ឆ្នាំ២០១៧។
១១
ក្រុម Rock in Spain ធ្វើការសម្តែងក្នុងការប្រគុំតន្ត្រីមួយនៅក្នុងទីលាន Zocalo ក្នុងក្រុងម៉ិកស៊ីកូ កាលពីថ្ងៃទី៨ ខែតុលា ឆ្នាំ២០១៧។ ការប្រគុំតន្ត្រី Estamos Unidos Mexicanos ដែលចូលរួមដោយឥតគិតថ្លៃត្រូវបានធ្វើឡើងសម្រាប់អ្នកដែលរងផលប៉ះពាល់ដោយសារគ្រោះរញ្ជួយដីកាលពីថ្ងៃទី១៩ ខែកញ្ញា។