រូបភាពជុំវិញពិភពលោកសម្រាប់ថ្ងៃទី២២ ខែតុលា ឆ្នាំ២០១៥ មានមកពីប្រទេសអ៊ីស្រាអែល កូរ៉េខាងជើង ក្រិក នេប៉ាល់ ហ្វីលីពីន ឥណ្ឌា សហរដ្ឋអាមេរិក អង់គ្លេស ប៉ាគីស្ថាន និងអូស្រា្តលី។
ផ្សេងទៀត
-
-
កម្មវិធីវិទ្យុរបស់ VOA
កម្មវិធីវិទ្យុចុងក្រោយ
-
-
កម្មវិធីបន្ទាប់
-
05:00 - 05:30
ព័ត៌មានពេលព្រឹក
-
20:30 - 21:30
ព័ត៌មានពេលរាត្រី
-
-
កម្មវិធីវិទ្យុរបស់ VOA
-
កម្មវិធីវិទ្យុផ្សេងទៀត
រូបភាពជុំវិញពិភពលោក ២២ តុលា ២០១៥
1
ប៉ូលិសអ៊ីស្រាអែលម្នាក់បាញ់ឧស្ម័នទឹកភ្នែក ក្នុងពេលប៉ះទង្គិចជាមួយបាតុករប៉ាឡេស្ទីននៅក្នុងក្រុង al-Ram នៃតំបន់ West Bank ភាគខាងជើងនៃក្រុងហ្ស៊េរុយសាឡិម (Jerusalem)។ អំពើហិង្សាផ្ទុះឡើងកាលពីមួយខែមុនបង្កឡើងដោយពាក្យចចាមអារ៉ាមដែលថា អ៊ីស្រាអែលកំពុងរៀបផែនការដើម្បីវាយយកកន្លែងពិសិដ្ឋហ្ស៊េរុយសាឡិមដែលមានបញ្ហារសើប និងជាកន្លែងគោរពបូជាដោយអំបូរជីហ្វ និងជនមូស្លីម។
2
ជនជាតិកូរ៉េខាងត្បូង និងសាច់ញាតិរបស់ពួកគេដែលជាជនជាតិកូរ៉េខាងជើងស្ថិតនៅលើឡាន បានចាប់ដៃដើម្បីលាគ្នា បន្ទាប់ពីការជួបជុំគ្រួសារដែលបានបែកគ្នានៅរមណីយដ្ឋាន Diamond Mountain នៅកូរ៉េខាងជើង។ ជនជាតិកូរ៉េខាងត្បូងប្រមាណជា៣៩០នាក់បានធ្វើដំណើរទៅរមណីយដ្ឋាន Diamond Mountain នៅកូរ៉េខាងជើងកាលពីដើមសបា្តហ៍នេះដើម្បីជួបជាមួយសាច់ញាតិរបស់ពួកគេរយៈពេល៣ថ្ងៃ ដែលពួកគេបានបែកគ្នាក្នុងសង្រា្គមកូរ៉េចន្លោះឆ្នាំ១៩៥០ និង១៩៥៣។
3
ជនទេសន្តរប្រវេសន៍ដែលដណ្តប់ភួយក្រាស់ៗព្យាយាមបង្កាត់ភ្លើងនៅក្នុងភូមិ Skala Sikaminias នៅលើកោះ Lesbos ភាគឦសាននៃប្រទេសក្រិក។ មនុស្សជាង៥០០.០០០នាក់បានទៅដល់កោះភាគខាងកើតនៃប្រទេសក្រិកនៅឆ្នាំនេះ ដោយបានបង់ប្រាក់ឲ្យអ្នករត់ពន្ធមនុស្សយកពួកគេឆ្លងសមុទ្រពីប្រទេសតួកគីដែលនៅក្បែរនោះ។
4
អ្នកជឿស្មោះស័្មគ្រម្នាក់បានដាក់ចង្កៀងប្រេងនៅផ្នែកខាងលើនៃខ្លួនរបស់គាត់។ នេះផ្នែកមួយនៃពិធីបុណ្យសាសនាក្នុងពិធីបុណ្យ Dashain ដែលជាពិធីបុណ្យធំជាងគេសម្រាប់សាសនាហិណ្ឌូ នៅក្នុងក្រុង Bhaktapur ប្រទេសនេប៉ាល់។
5
នៅក្នុងរូបភាពនេះដែលចេញផ្សាយដោយ Malacanang Photo Bureau (MPB) បង្ហាញពីការថតរូបតាមយន្តហោះនៃវាលស្រែ និងផ្ទះលិចទឹក ដោយសារភ្លៀងខ្លាំងៗ។ ព្យុះ Koppu បានបង្កឲ្យមានភ្លៀងធ្លាក់យ៉ាងខ្លាំងនៅកណ្តាលកោះ Luzon ប្រទេសហ្វីលីពីន។
6
ឪពុកម្នាក់រុំដៃរបស់គាត់យំនៅជិតសាកសពនៃកូនរបស់គាត់ដែលត្រូវបានរុំទៅដោយក្រណាត់ស។ កូន២នាក់របស់គាត់ត្រូវបានដុតទាំងរស់។ គាត់ជាមួយនឹងអ្នកភូមិដទៃទៀតបិទផ្លូវជាតិមួយក្នុងពេលតវ៉ាប្រឆាំងនឹងឧក្រិដ្ឋកម្មនៅរដ្ឋ Haryana ភាគខាងជើងនៃប្រទេសឥណ្ឌា កាលពីថ្ងៃទី២១ ខែតុលា ឆ្នាំ២០១៥។ មន្រ្តីម្នាក់និយាយថា ប៉ូលិសបានចាប់ខ្លួនបុរស៤នាក់ ដោយបានចោទប្រកាន់ថា ពួកគេបានដុតក្មេងៗក្នុងត្រកូលអ្នកក្រ២នាក់ទាំងរស់។ នេះជាករណីដែលបណ្តាលឲ្យមានការតវ៉ានៅតាមផ្លូវ និងធ្វើឲ្យមានការថ្កោលទោសពីមេដឹកនាំប្រឆាំង។
7
អ្នកជឿស្មោះស្ម័គ្ររបស់សាសនាហិណ្ឌូសម្តែងរបាំ Garba ដែលជារបាំប្រពៃណី ក្នុងពេលប្រារព្ធពិធីមួយដើម្បីសាទរបុណ្យ Navratri នៅក្រុង Surat នៅរដ្ឋ Gujarat ភាគខាងលិចនៃប្រទេសឥណ្ឌា កាលពីថ្ងៃទី២១ ខែតុលា ឆ្នាំ២០១៥។
8
អ្នកថ្មើរជើងឈប់មើល និងថតឡានម៉ាក DMC-12 របស់ក្រុមហ៊ុន DeLorean Motor ដែលរចនាមើលទៅដូចគ្នាទៅនឹងឡានដែលប្រើប្រាស់នៅក្នុងភាពយន្ត Back to the Future ភាគ២ ហើយវានឹងក្លាយជាផ្នែកមួយនៃការផ្សព្វផ្សាយ Lyft នៅក្នុងក្រុងញូវយ៉ក កាលពីថ្ងៃទី២១ ខែតុលា ឆ្នាំ២០១៥។
9
មនុស្សដើរកាត់ស្លឹកឈើនៅក្នុងឧទ្យាន Sefton ក្នុងរដូវស្លឹកឈើជ្រុះនៅក្នុងក្រុង Liverpool ប្រទេសអង់គ្លេស។
10
សិស្សសាលាប៉ាគីស្ថានអង្គុយនៅក្នុងទោងសណ្តោង នៅពេលពួកគេឆ្លងស្រះកខ្វក់នៅជាយក្រុងអ៊ីស្លាម៉ាបាដ។
11
រូបចម្លាក់ដែលគេហៅ «បងប្អូន Quotidianity» ត្រូវបានគេតាំងបង្ហាញនៅតាមបណ្តោយឆ្នេរនៅក្នុងក្រុងស៊ីដនី កាលពីថ្ងៃទី២២ ខែតុលា ឆ្នាំ២០១៥ ដែលជាផ្នែកនៃការតាំងពិព័រណ៌រូបចម្លាក់នៅក្បែរសមុទ្រប្រចាំឆ្នាំ។
