រូបភាពជុំវិញពិភពលោកថ្ងៃទី០២ ខែតុលា ឆ្នាំ២០១៧ មកពីសហរដ្ឋអាមេរិក ប្រទេសបារាំង អេស្ប៉ាញ អង់គ្លេស ស៊ីរី អ៊ីស្រាអែល ចិន និងជប៉ុន។
រូបភាពជុំវិញពិភពលោក ០២ តុលា ២០១៧
១
អ្នកគាំទ្រឯករាជ្យភាពដើរក្បួនក្នុងពេលបាតុកម្មមួយនៅក្នុងក្រុង Barcelona ប្រទេសអេស្ប៉ាញ។ មេដឹកនាំតំបន់ Catalan បានចោទប្រកាន់ប៉ូលិសអេស្ប៉ាញថា បានប្រើការគាបសង្កត់ និងមានភាពឃោរឃៅ ខណៈដែលរដ្ឋាភិបាលអេស្ប៉ាញបានសរសើរកងកម្លាំងសន្តិសុខសម្រាប់ជំហរដ៏រឹងមាំ និងការបង្ក្រាបតាមសមាមាត្រ។
២
លោកប្រធានាធិបតី ដូណាល់ ត្រាំ ឈរជាមួយនឹងលោកជំទាវ Melania Trump លោកអនុប្រធានាធិបតី Mike Pence និងភរិយារបស់លោកអនុប្រធានាធិបតីឈ្មោះ Karen ក្នុងពេលស្មឹងស្មាធសម្រាប់ជនរងគ្រោះនៃការបាញ់ប្រហារក្នុងក្រុង Las Vegas នៅសេតវិមាន ក្នុងរដ្ឋធានីវ៉ាស៊ីនតោន។
៣
មនុស្សម្នារត់ចេញពីការប្រគុំតន្ត្រី Route 91 Harvest បន្ទាប់ពីមានការបាញ់រះនៅក្នុងក្រុង Las Vegas រដ្ឋ Nevada កាលពីថ្ងៃទី១ ខែតុលា ឆ្នាំ២០១៧។ ខ្មាន់កាំភ្លើង ដែលត្រូវបានគេកំណត់អត្តសញ្ញាណឈ្មោះថា Stephen Paddock វ័យ៦៤ឆ្នាំ ត្រូវបានចោទថា បានបើកការបាញ់រះចេញពីបន្ទប់មួយនៅជាន់ទី៣២នៃរមណីយដ្ឋាន និងកាស៊ីណូ Mandalay Bay ដោយបានសម្លាប់មនុស្សយ៉ាងហោចណាស់៥៨នាក់ និងជាង៥០០នាក់ផ្សេងទៀតរងរបួស។
៤
ស្ត្រីម្នាក់យំនៅពេលលាក់ខ្លួននៅក្នុងអគារទុកយន្តហោះរបស់ក្រុមហ៊ុន Sands Corporation បន្ទាប់ពីមានការបាញ់រះ ដែលបានសម្លាប់មនុស្សរាប់សិបនាក់នៅក្នុងការប្រគុំតន្ត្រី Route 91 Harvest កាលពីថ្ងៃទី១ ខែតុលា ឆ្នាំ២០១៧ នៅក្នុងក្រុង Las Vegas រដ្ឋ Nevada។
៥
សមាជិកអ្នកមានវិជ្ជាជីវៈច្បាប់ដើរចេញពីព្រះវិហារ Westminster Abbey ទៅសភា បន្ទាប់ពីកម្មវិធី Judges' Service ប្រចាំឆ្នាំ នៅក្នុងក្រុងឡុងដ៍ ប្រទេសអង់គ្លេស។
៦
ផ្សែងហើរចេញពីអគារជាច្រើន បន្ទាប់ពីមានការវាយប្រហារតាមអាកាសមួយនៅជាយក្រុង Ain Tarma នៅភាគខាងលិចនៃតំបន់ Ghouta ដែលមូលដ្ឋានការពារខ្លួនរបស់ក្រុមឧទ្ទាមនៅភាគខាងកើតនៃរដ្ឋធានីក្នុងប្រទេសស៊ីរី។
៧
បុរសជ្វីពពិនិត្យមើលផ្លែ Etrog ដែលជាប្រភេទផ្លែឈើមួយគេប្រើនៅក្នុងពេលពិធី Sukkot នៅក្នុងសង្កាត់ Mea-Shearim នៅក្នុងក្រុងហ្ស៊េរុយសាឡិម ប្រទេសអ៊ីស្រាអែល។
៨
យន្តហោះពាណិជ្ជកម្មហោះនៅពីលើកប៉ាល់ USS Ronald Reagan ដែលដឹកយន្តហោះចម្បាំងនៅក្នុងក្រុងហុងកុង។
៩
កីឡាករ Alexis Sanchez របស់ក្រុម Arsenal ស៊ុតបញ្ចូលទីក្នុងពេលប្រកួតបាល់ទាត់ Premier League របស់អង់គ្លេស រវាងក្រុម Arsenal និងក្រុម Brighton នៅស្តាត Emirates ក្នុងក្រុងឡុងដ៍ កាលពីថ្ងៃទី១ ខែតុលា ឆ្នាំ២០១៧។
១០
មនុស្សម្នាប្រើប្រាស់ស្មាតហ្វូនរបស់ខ្លួនដើម្បីថតរូបនៃការបង្ហាញម៉ូដ L'Oreal នៅផ្លូវ Champs Elysees ក្នុងព្រឹត្តិការណ៍សាធារណៈមួយដែលរៀបចំដោយក្រុមហ៊ុនគ្រឿងសម្អាង L'Oreal នៅក្នុងក្រុងប៉ារីស ប្រទេសបារាំង កាលពីថ្ងៃទី១ ខែតុលា ឆ្នាំ២០១៧។
១១
ស្ត្រីម្នាក់បង្ហាញបច្ចេកវិទ្យា Onboard Driving Monitoring Sensor របស់ក្រុមហ៊ុន Omron Corp នៅក្នុងកម្មវិធី EATEC JAPAN 2017 នៅអគារ Makuhari Messe ក្នុងក្រុង Chiba ប្រទេសជប៉ុន កាលពីថ្ងៃទី២ ខែតុលា ឆ្នាំ២០១៧។
១២
អគារកប់ពពកជាច្រើនចាំងជាមួយនឹងទឹកទន្លេ Main នៅក្នុងក្រុង Frankfurt ប្រទេសអាល្លឺម៉ង់ កាលពីថ្ងៃទី១ ខែតុលា ឆ្នាំ២០១៧។