ររូបភាពជុំវិញពិភពលោក ១៥ តុលា ២០១៥ មកពីប្រទេសជប៉ុន អេស្ប៉ាញ អេហ្ស៊ីប តួកគី អាល្លឺម៉ង់ ស.រ.អា កាណាដា អូទ្រីស ចិន និងស្កុតឡែន។ជុំវិញពិភពលោក ១៥ តុលា ២០១៥ មកពីប្រទេសជប៉ុន អេស្ប៉ាញ អេហ្ស៊ីប តួកគី អាល្លឺម៉ង់ ស.រ.អា កាណាដា អូទ្រីស ចិន និងស្កុតឡែន។A look at the best news photos from around the world.
រូបភាពជុំវិញពិភពលោក ១៥ តុលា ២០១៥
១
កងកម្លាំងការពារដែនទឹកជប៉ុន (JMSDF) បានធ្វើការសាកល្បងបាញ់គ្រាប់មិនមានជាតិផ្ទុះនៅអំឡុងពេលត្រួតពិនិត្យកងនាវានៅឯ Sagami Bay ក្រុង Yokosuka ភាគខាងត្បូងក្រុងតូក្យូ។
២
អាហារត្រូវបានយកជះទៅលើក្រុមសិស្សពេទ្យឆ្នាំទីមួយនៅឯដេប៉ាតឺម៉ង់បុគ្គលិកឱសថសាស្រ្តនៅឯមហាវិទ្យាល័យ University of Granada ក្នុងក្រុង Granada ប្រទេសអេស្ប៉ាញ។
៣
ព្រះអាទិត្យរៀបលិច ខណៈដែលមនុស្សម្នាកំពុងថ្មើរជើងនៅលើឆ្នេរមួយនៅក្រុង Alexandria ប្រទេសអេហ្ស៊ីប។
៤
សាច់ញ្ញាតិមួយរូបនៃបុរសឈ្មោះ Serdar Ben អាយុ ៣៣ឆ្នាំ ដែលជាជនរងគ្រោះម្នាក់ក្នុងចំណោមជនរងគ្រោះពីការបំផ្ទុះគ្រាប់បែកនៅក្រុងអង់ការ៉ា កាលពីថ្ងៃទី១០ ខែតុលា បានទ្រហ៊ោយំនៅអំឡុងពេលបុណ្យសពបុរសនេះក្នុងក្រុង Istanbul។ ការបំផ្ទុះគ្រាប់បែកពីរលើកនៅក្នុងរដ្ឋធានី ប្រទេសតួកគីបានកើតមានឡើងទៅលើហ្វូងសកម្មជន ដែលបានធ្វើការដង្ហែក្បួនទាមទារលទ្ធិប្រជាធិបតេយ្យបន្ថែម និងការបញ្ចប់អំពើហិង្សារវាងកងកម្លាំងឧទ្ទាម Kurd និងកងកម្លាំងសន្តិសុខនៅក្នុងការវាយប្រហារយ៉ាងប្រល័យបំផុតនៅក្នុងប្រទេសអស់រយៈពេលប៉ុន្មានឆ្នាំមកនេះ។
៥
ពន្លឺសន្លឹមនៅក្នុងព្រៃស្រល់ អំឡុងពេលភ្លៀងពេលព្រឹកនាសរទរដូវជិតក្រុង Fuerstenwalde ភាគខាងកើតប្រទេសអាល្លឺម៉ង់។
៦
ប្រជាជនធ្វើការសមាធិបែប Falun Dafa ឬ Falun Gong នៅមុនពេលធ្វើការតវ៉ាប្រឆាំងនឹងរដ្ឋាភិបាលចិននៅខាងក្រៅសាលាក្រុងក្នុងក្រុង Los Angeles រដ្ឋ California។
៧
លោកស្រី Laureen Harper ភរិយានាយករដ្ឋមន្រ្តីកាណាដា និងមេដឹកនាំអភិរក្សនិយមលោក Stephen Harper រាំកំសាន្តជាមួយតារាសម្តែងលោក Vinay Virmani នៅក្នុងក្បួនដង្ហែមួយជាមួយនឹងសហគមន៍អាស៊ីខាងត្បូងនៅក្រុង Brampton ខេត្ត Ontario នាថ្ងៃទី១៤ ខែតុលា ឆ្នាំ២០១៥។ ប្រជាជនកាណានឹងចូលរួមនៅក្នុងការបោះឆ្នោតសហព័ន្ធនាថ្ងៃទី១៩ ខែតុលា។
៨
បេក្ខនារីប្រធានាធិបតីគណបក្សប្រជាធិបតេយ្យលោកស្រី Hillary Clinton មកជាមួយសមាជិកសភារដ្ឋ Nevada លោក Nelson Araujo ដើម្បីទិញការ៉េមនៅក្រុង Las Vegas រដ្ឋ Nevada នាថ្ងៃទី១៤ ខែតុលា ឆ្នាំ២០១៥។
៩
ចៅហ្វាយក្រុងឡុងដ៍លោក Boris Johnson ប៉ះទង្គិចជាមួយនឹងកុមារ Toki Sekiguchi អាយុ១០ឆ្នាំនៅអំឡុងពេលលេងកីឡា Street Rugby ជាមួយនឹងក្រុមកុមារ ខាងក្រៅអគារ Tokyo Square Garden ប្រទេសជប៉ុន។
១០
មន្រ្តីប៉ូលិសសហព័ន្ធអាល្លឺម៉ង់នាំផ្លូវក្រុមជនចំណាកស្រុក បន្ទាប់ពីពួកគេបានឆ្លងព្រំដែនរវាងប្រទេសអូទ្រីស និងអាល្លឺម៉ង់ នៅក្រុង Wegscheid ជិតក្រុង Passau ប្រទេសអាល្លឺម៉ង់។
១១
ក្រុមសមាជិកវេជ្ជបណ្ឌិត «Red Nose Clown» ធ្វើការសម្តែងសម្រាប់ក្រុមជនចំណាកស្រុកនៅឯស្ថានីយ៍រថភ្លើងមួយនៅក្រុងវីយែន ប្រទេសអូទ្រីស។
១២
បុរសនៅក្នុងសម្លៀកបំពាក់ចម្លែកមួយពីការសម្តែងឈុតអស្ចារ្យមួយជាមួយនឹងបាល់បោះ មុនពេលការប្រកួតកីឡាបាល់បោះមុនពេលបើករដូវកាល NBA Global Games China ឆ្នាំ២០១៥ ដែលមានការប្រកួតរវាងក្រុមបាល់បោះ Los Angeles Clippers ជាមួយនឹងក្រុម Charlotte Hornet នៅក្រុង Shanghai នាថ្ងៃទី១៤ ខែតុលា ឆ្នាំ២០១៥។
១៣
ដុំចំបើងជាច្រើនត្រូវបានឃើញនៅទីវាលមួយនៅអំឡុងពេលព្រឹកចុះអ័ភ្រមួយនាសរទរដូវនៅក្រុង Angus ជិតក្រុង Glamis ប្រទេសស្កុតឡែន។