រូបភាពជុំវិញពិភពលោកថ្ងៃទី០៥ ខែវិច្ឆិកា ឆ្នាំ២០១៥ មកពីប្រទេសនូវែលសេឡង់ ស.រ.អា អូស្រ្តាលី បង់ក្លាដែស កូរ៉េខាងត្បូង ស៊ីរី និងចិន។ the best news photos from around the world.
រូបភាពជុំវិញពិភពលោក ០៥ វិច្ឆិកា ២០១៥
១
លោក Diaa Bekheet ថតរូបពណ៌ដើមឈើ និងស្លឹកឈើជ្រុះនាចុងសរទរដូវខាងក្រៅអគារការិយាល័យសភា Rayburn House Office ជិតការិយាល័យកណ្តាលវីអូអេនៅរដ្ឋធានីវ៉ាស៊ីនតោន ឌីស៊ី។
២
អ្នកផ្លុំត្រែមួយរូបពីយោធាអូស្រ្តាលីផ្លុំត្រែដើម្បីរំឮកខួបទី ១០០នៃការសំចតរបស់កងទ័ពអូស្រ្តាលី និងនូវែលសេឡង់នៅក្នុងយុទ្ធនាការ Gallipoli មុនការប្រកួតជើងទីមួយនៃការប្រកួតកីឡាគ្រីកេតតេស្ត (Test cricket) រវាងអូស្រ្តាលី និងនូវែលសេឡង់នៅទីក្រុង Brisbane។
៣
របងបណ្តោះអាសន្នមួយការពារផ្ទាំងគំនូរលើជញ្ជាំងនៅ East Side Gallery ដែលជាផ្នែកមួយនៃជញ្ជាំងក្រុងប៊ែរឡាំងដែលមានអ្នកមកទស្សនាយ៉ាងច្រើន ខណៈដែលកិច្ចសម្អាតគំនូរលើជញ្ជាំងកំពុងត្រូវបានធ្វើឡើងនៅក្រុងប៊ែរឡាំង ប្រទេសអាល្លឺម៉ង់។ រដ្ឋាភិបាលក្រុងប៊ែរឡាំងសម្រេចដាក់បារ៉ាស់កម្ពស់ ៨០សង់ទីម៉ែត្រដើម្បីការពារកុំឲ្យមានការធ្វើឲ្យខូចខាតដល់ស្នាដៃសិល្បករ ដែលបានបង្កើតឡើងនូវស្នាដៃ និងសេចក្តីប្រកាសផ្នែកនយោបាយពីភាគខាងកើតនៃប្រទេស បន្ទាប់ពីជញ្ជាំងក្រុងប៊ែរឡាំងត្រូវបានវាយបំបែកនៅអំឡុងឆ្នាំ ១៩៨៩ និង១៩៩០។
៤
ក្រុមបុរសអង្គុយនៅខាងក្នុងប្រអប់តារាងពិន្ទុដើម្បីផ្លាស់ប្តូរពិន្ទុនៅអំឡុងពេលប្រកួតកម្តៅសាច់ដុំរវាងក្រុមកីឡាករគ្រីកេតជំរើសដំបូង Board XI នៃប្រទេសស៊ីមបាវ៉េ និងបង់ក្លាដែសនៅក្រុង Fatullah ប្រទេសបង់ក្លាដែស។
៥
គូស្នេហ៍ថតរូបនៅលើស្ពានធ្វើពីចង្កៀងគោមនៅថ្ងៃមុនពិធីបុណ្យចង្កៀងគោមនៅក្រុងសេអ៊ូល ដែលនឹងត្រូវធ្វើឡើងពីថ្ងៃទី ០៦ ដល់ថ្ងៃទី ២២ ខែវិច្ឆិកា តាមបណ្តោយអូរ Cheonggye នៅក្រុងសេអ៊ូល ប្រទេសកូរ៉េខាងត្បូង។
៦
បុរសមួយរូបជិះកង់ជិតអ្វីដែលក្រុមសកម្មជននិយាយថា ជាសំបកគ្រាប់បែកចង្កោមដែលបានផ្ទុះហើយ នៅក្រុង Douma ភាគខាងកើតតំបន់ Ghouta ក្នុងរដ្ឋធានីដាម៉ាស ប្រទេសស៊ីរី។
៧
ក្រុមអ្នកសម្តែងសៀករហ័សកម្មជិះម៉ូតូលើជញ្ជាំងនៃ «អណ្តូងមរណៈ» (Well of Death) នៅឯពិពរណ៍មួយនៅជាយក្រុង Bengaluru នៅប្រទេសឥណ្ឌា។
៨
A barefoot man stands in front of a pile of vehicles in the municipality of Madra western Athens, Greece. Flash floods in the Greek capital's western outskirts turned roads into raging torrents of mud and debris, killing at least nine people, inundating homes and businesses and knocking out a section of a highway.
៩
ព្រះអង្គ Charles នៃចក្រភពអង់គ្លេសបញ្ចេញប្រតិកម្ម បន្ទាប់ពីឃ្មុំដ៏ធំមួយហើរមកទំលើព្រះអង្គ និងបានហោះចេញវិញ ខណៈព្រះអង្គកំពុងកាត់សត្វល្មូន Tuatara អំឡុងពេលព្រះរាជទស្សនកិច្ចទៅកាន់នៅឧទ្យានធម្មជាតិ Orokonui ជាមួយម្ចាស់ក្សត្រី Camilla នៃ Cornwall នៅជិតក្រុង Dunedin ប្រទេសនូវែលសេឡង់។
១០
ក្រុមវិស្វករនៃមជ្ឈមណ្ឌលស្រាវជ្រាវដំណើរហោះហើរ Amstrong នៃអង្គការ NASA កំពុងធ្វើការលើយន្តហោះមួយ ដែលត្រូវបានហៅថា Preliminary Research Aerodynamic Design to Lower Drag ឬ Prandtl-D. ដោយមានសណ្ឋានស្រដៀងនឹងដំបងប៊ូម៉ឺរ៉ង់ (Boomerang) យន្តហោះនេះមានមធ្យោបាយថ្មីនៅក្នុងការកំណត់នូវរូបរាងស្លាបរបស់ខ្លួនជាមួយនឹងការបត់បែនដែលអាចកាត់បន្ថយការប្រើប្រាស់ប្រេង ១១ភាគរយ។ នៅក្នុងរូបថតនេះ យន្តហោះ Prandtl-D No.2 ដែលមានស្លាបប្រវែង ១២,៥ ហ្វីត (៣,៨១ម៉ែត្រ) បានចុះចត បន្ទាប់ពីតេស្តហោះហើរ។
១១
ជាងអគ្គិសនីជួសជុលប្រព័ន្ធខ្សែភ្លើងនៅឯអគារមួយអំឡុងពេលពិធីបុណ្យវប្បធម៌ជាតិឥណ្ឌា នៅក្រុងញូដេលី។
១២
ក្រុមអ្នកសំកាំងខ្លួនលើអាកាសធ្វើការហ្វឹកហាត់មុនការប្រកូតមួយនៅក្រុង Zhaotong ខេត្ត Yunnan ប្រទេសចិន នាថ្ងៃទី០៤ ខែវិច្ឆិកា ឆ្នាំ២០១៥។