រូបភាព​ជុំវិញ​ពិភពលោក​ ៣ វិច្ឆិកា ២០១៥

រថយន្ត​ម៉ាក​ Porsche ថ្មីៗ​ត្រូវ​បាន​គេ​ចត​នៅ​ក្នុង​បរិវេណ​រោងចក្រ​ផលិត​រថយន្ត​ម៉ាក​ Porsche នេះ​នៅ​ក្នុង​ក្រុង Leipzig ភាគ​ខាង​កើត​នៃ​ប្រទេស​អាល្លឺម៉ង់។ ភ្នាក់ងារ​ការពារ​បរិស្ថាន​របស់​អាមេរិក​និយាយ​ថា ខ្លួន​បាន​រក​ឃើញ​ថា រថយន្ត​ម៉ាក VW Touareg ម៉ាក Porsche Cayenne និង​ម៉ាក Audis ក៏​ត្រូវ​បាន​បំពាក់​ជាមួយ​កម្មវិធី​ដែល​ធ្វើ​ខូច​លទ្ធផល​ធ្វើ​តេស្ត​ពី​ការ​បំពុល​បរិស្ថាន​ផងដែរ។

មនុស្ស​ម្នា​នាំ​គ្នា​កាន់​ទុក្ខ​ ខណៈ​ដែល​ពួកគេ​ដាក់​កម្រង​ផ្កា​នៅ​កន្លែង​គោរព​វិញ្ញាណក្ខន្ធ​របស់​ជន​រងគ្រោះ​នៃ​ការ​ធ្លាក់​យន្តហោះ​នៅ​តំបន់​ Sinai។ ពួកគេ​ដាក់​កម្រង​ផ្កា​នៅ​ទីលាន Dvortsovaya នៅ​ក្នុង​ក្រុង St. Petersburg ប្រទេស​រុស្ស៊ី។

មន្រ្តី​នៃ​កង​កម្លាំង​អាកាស​បើក​ទ្វារ​របស់​យន្តហោះ Air Force One ខណៈ​ដែល​លោក​ប្រធានាធិបតី​ បារ៉ាក់ អូបាម៉ា ទៅ​ដល់​មូលដ្ឋាន​ទ័ព​រួម Andrews នៅ​ក្នុង​រដ្ឋ​ Maryland ដែល​លោក​ធ្វើ​ដំណើរ​ពី​រដ្ឋ New Jersey និង​ក្រុង​ញូវយ៉ក កាលពី​ថ្ងៃទី២ ខែវិច្ឆិកា ឆ្នាំ២០១៥។

ជន​ទេសន្តរប្រវេសន៍​ប្រមូល​ផ្តុំ​គ្នា​ដើម្បី​ចូល​ទៅ​ក្នុង​ប្រទេស​អូទ្រីស (Austria) នៅ​ព្រំដែន​អូទ្រីស និង​ស្លូវេនី (Slovenia) នៅ​ក្នុង​ក្រុង Sentilj ប្រទេស​ស្លូវេនី។ រដ្ឋាភិបាល​ប្រទេស​នេះ​និយាយ​ថា សមត្ថភាព​ក្នុង​ការ​ដោះស្រាយ​ការ​ហូរ​ចូល​នៃ​ចំនួន​មនុស្ស​ដ៏​ច្រើន​នេះ បាន​ឡើង​ដល់​កម្រិត​មួយ​ដែល​មាន​មនុស្ស​រាប់​ពាន់​នាក់​បាន​ឆ្លង​កាត់​ទឹកដី​ខ្លួន​ដើម្បី​ចូល​ទៅ​អឺរ៉ុប​ខាង​លិច។

កសិករ Zhang Xianping ជិះ​ជ្រូក​របស់​គាត់​ដែល​មាន​ឈ្មោះ Big Precious នៅ​ក្នុង​បទ​សម្ភាសន៍​មួយ​ជាមួយ​សារព័ត៌មាន​នៅ​ក្នុង​ក្រុង Zhangjiakou ខេត្ត Hebei ប្រទេស​ចិន កាលពី​ថ្ងៃទី២ ខែវិច្ឆិកា ឆ្នាំ២០១៥។ បើ​តាម​សារព័ត៌មាន​ក្នុង​ស្រុក​ លោក Zhang ជា​អ្នក​បង្កាត់​ពូជ​ជ្រូក សម្រេច​ចិត្ត​មិន​សម្លាប់​ជ្រូក Big Precious ដែល​មាន​អាយុ​២ឆ្នាំ ហើយ​ទុក​វា​ជា​សត្វ​ចិញ្ចឹម​នៅ​ពេល​វា​មាន​ទម្ងន់​៦០០គីឡូក្រាម។

នេះ​ជា​ទិដ្ឋភាព​នៃ​រូប​សំណាក់​សេរីភាព​ពី​លើ​អាកាស​ នៅ​ក្បែរ​ក្រុង​ញូវយ៉ក កាលពី​ថ្ងៃទី២ ខែវិចិ្ឆកា ឆ្នាំ២០១៥។

អ្នក​រាំ​របាំ​ដែល​តុបតែង​ជា​សត្វ​កុក សម្តែង​នៅ​ពេល​ពួកគេ​ដើរ​ក្បួន​នៅ​តាម​ផ្លូវ​ទៅ​ប្រាសាទ Sensoji នៅ​ក្នុង​ក្រុង​តូក្យូ ប្រទេស​ជប៉ុន។

ទិដ្ឋភាព​នៃ​ចុង​រដូវ​ស្លឹក​ឈើ​ជ្រុះ​លើ​ភ្នំ Vosges បង្ហាញ​ពី​ការ​ផ្លាស់ប្តូរ​រដូវ​នៅ​តំបន់ Alsace ភាគ​ខាង​កើត​នៃ​ប្រទេស​បារាំង។

មនុស្ស​ថត​រូប និង​ថត​វីដេអូ​ នៅ​ពេល​ដែល​យន្តហោះ​ដឹក​អ្នក​ដំណើរ​ម៉ាក C919 ជា​លើក​ដំបូង​ផលិត​ដោយ​ក្រុមហ៊ុនCommercial Aircraft Corp of China (Comac) ត្រូវ​បាន​ទាញ​ចេញ​ពី​វាំងនន ក្នុង​សន្និសីទ​កាសែត​នៅ​រោងចក្រ​របស់​ក្រុមហ៊ុន​នៅ​ក្នុង​ក្រុង Shanghai កាលពី​ថ្ងៃទី២ ខែវិច្ឆិកា ឆ្នាំ២០១៥។ ក្រុមហ៊ុន Comac បាន​បញ្ចេញ​យន្តហោះ​ម៉ាក C919 ដែល​មាន​១៥៨កៅអី​ជា​លើក​ដំបូង។ នេះ​ការ​ម៉ាក​ស្រដៀង​ទៅ​នឹង​យន្តហោះ​របស់​ក្រុមហ៊ុន Airbus Group និង​ក្រុមហ៊ុន Boeing Co។