រូបភាពជុំវិញពិភពលោកសម្រាប់ថ្ងៃទី២៩ ខែវិច្ឆិកា ឆ្នាំ២០១៥ មានមកពីប្រទេសបារាំង អ៊ីតាលី ចិន អ៊ុយក្រែន ប៉ាឡេស្ទីន ជប៉ុន ឥណ្ឌា ស៊ុយអ៊ែត ស្កុតឡែន និងថៃ។
រូបភាពជុំវិញពិភពលោក ២៩ វិច្ឆិកា ២០១៥
១
ស្បែកជើងរាប់រយគូត្រូវបានគេដាក់បង្ហាញនៅតំបន់ de la Republique ក្នុងក្រុងប៉ារីស ប្រទេសបារាំង ដែលនេះជាផ្នែកមួយនៃការប្រមូលផ្តុំដោយសន្តិភាព និងជានិមិត្តរូបនៃការប្រមូលផ្តុំ។ អង្គការ Avaaz ក្នុងក្រុងប៉ារីសបានអំពាវនាវឲ្យមានការប្រមូលផ្តុំនេះដើម្បីអាកាសធាតុ។ មេដឹកនាំជាង១៤០នាក់កំពុងប្រមូលផ្តុំគ្នានៅក្នុងក្រុងប៉ារីស សម្រាប់កិច្ចពិភាក្សាអាកាសធាតុ របស់មេដឹកនាំជាន់ខ្ពស់ ដែលនឹងចាប់ផ្តើមនៅថ្ងៃទី៣០ ខែវិច្ឆិកា ឆ្នាំ២០១៥។ សកម្មជនកំពុងដើរក្បួន និងតវ៉ានៅជុំវិញពិភពលោកដើម្បីជំរុញឲ្យពួកគេដើម្បីឈានដល់កិច្ចព្រមព្រៀងដ៏រឹងមាំមួយដើម្បីកាត់បន្ថយការឡើងកម្តៅនៃផែនដី។
២
អ្នកតវ៉ាសម្តែងក្នុងពេលប្រមូលផ្តុំនៅក្នុងក្រុង Rio de Janeiro ប្រទេសប្រេស៊ីល ដែលធ្វើឡើងមួយថ្ងៃមុនការចាប់ផ្តើមនៃសន្និសីទបម្រែបម្រួលអាកាសធាតុក្នុងក្រុងប៉ារីស។
៣
ស្រ្តីម្នាក់ពាក់ស្រោមមុខ ក្នុងពេលបាតុកម្មដែលរៀបចំដោយអង្គការបរិស្ថាននៅក្នុងក្រុង Frankfurt ចំកណ្តាលប្រទេសអាល្លឺម៉ង់ នៅមុនមួយថ្ងៃនៃពិធីបើកជាផ្លូវការនៃកិច្ចប្រជុំបម្រែបម្រួលអាកាសធាតុរបស់អ.ស.ប.នៅក្នុងក្រុងប៉ារីស។
៤
អ្នកតវ៉ាបង្ហោះប៉ោងៗដែលមានរូបផែនទី ក្នុងពេលប្រមូលផ្តុំមួយនៅក្នុងក្រុងរ៉ូម ប្រទេសអ៊ីតាលី ដែលធ្វើឡើងមួយថ្ងៃមុនការចាប់ផ្តើមនៃកិច្ចប្រជុំបម្រែបម្រួលអាកាសធាតុរបស់អ.ស.ប.នៅក្នុងក្រុងប៉ារីសសម្រាប់ឆ្នាំ២០១៥ ដែលត្រូវបានគេស្គាល់ថា កិច្ចប្រជុំ COP21។
៥
នាយករដ្ឋមន្ត្រីកាណាដា លោក Justin Trudeau (រូបកណ្តាល) ភរិយារបស់លោកគឺលោកស្រី Sophie Gregoire (រូបស្តាំ) នាយករដ្ឋមន្ត្រីបារាំង លោក Manuel Valls និងអភិបាលក្រុងប៉ារីស លោកស្រី Anne Hidalgo ធ្វើការគោរពដល់ជនរងគ្រោះនៃការវាយប្រហារនៅក្នុងមុខសាលតន្រ្តី Bataclan នៅក្នុងក្រុងប៉ារីស។
៦
ឧបករណ៍ស្ទួចរបស់ធ្ងន់ៗត្រូវបានគេឃើញនៅពីលើការដ្ឋានសាងសង់ នៅកណ្តាលអ័ព្ទដ៏ក្រាស់នៅក្នុងក្រុង Xi'an ខេត្ត Shaanxi ប្រទេសចិន។
៧
បុរសម្នាក់ចូលរួមពិធីរំលឹកវិញ្ញាណក្ខន្ធនៅស្តូបមួយសម្រាប់ជនរងគ្រោះ Holodomor នៅក្នុងក្រុង Kyiv ប្រទេសអ៊ុយក្រែន កាលពីថ្ងៃទី២៨ ខែវិច្ឆិកា ឆ្នាំ២០១៥។ នេះជាខួបទី៨២នៃគ្រោះទុរ្ភិក្សចន្លោះឆ្នាំ១៩៣២ ដល់១៩៣៣ ដែលមានមនុស្សរាប់លាននាក់ស្លាប់ដោយសារការស្រេកឃ្លាន។
៨
បាតុករប៉ាឡេស្ទីនម្នាក់ប្រើប្រាស់ជំពាមដើម្បីបាញ់គ្រាប់ដុំថ្មដាក់កងកម្លាំងអ៊ីស្រាអែល ក្នុងពេលប៉ះទង្គិចនៅក្នុងក្រុង al-Bireh របស់ប៉ាឡេស្ទីន។
៩
អ្នកតវ៉ាប្រឆាំងនឹងមូលដា្ឋនទ័ពរបស់អាមេរិកកាន់បដាដែលសរសេរថា «មិនយល់ព្រមឲ្យមានមូលដ្ឋានទ័ពថ្មីនៅលើកោះ Henoko ទេ (No to Henoko new base)» ក្នុងពេលប្រមូលផ្តុំគ្នានៅក្នុងក្រុងតូក្យូ ប្រទេសជប៉ុន។
១០
ក្មេងស្រីៗរបស់ភូមិ Kashmiri ដើរទៅផ្ទះវិញ បន្ទាប់ពីប្រមូលស្លឹកឈើជ្រុះនៅក្នុងភូមិ Ajas ដែលមានចម្ងយប្រមាណ៥២គ.ម នៅភាគឦសាននៃក្រុង Srinagar ប្រទេសឥណ្ឌា។
១១
អ្នកចូលរួមរាប់រយនាក់អនុវត្តយូហ្គា នៅព្រឹត្តិការណ៍មួយដើម្បីអបអរទិវាជំងឺអេដស៍ពិភពលោក នៅសាកលវិទ្យាល័យមួយក្នុងក្រុង Guilin តំបន់ស្វយ័ត Guangxi Zhuang ប្រទេសចិន។
១២
មនុស្សម្នាប្រមូលផ្តុំនៅពិធីសម្ភោធការតាំងបង្ហាញសម្រាប់បុណ្យណូអែលបែបប្រពៃណីម៉្យាងដែលមានឈ្មោះថា Gavlebocken (Gavle Goat) នៅទីលាន Castle នៅក្នុងក្រុង Gavle របស់ប្រទេសស៊ុយអែត។
១៣
សេះឈរនៅក្នុងវាលស្រែដែលគ្របដណ្តប់ទៅដោយព្រិល នៅតំបន់ Perthshire ប្រទេសស្កុតឡែន (Scotland)។
១៤
ស្វាកន្ទុយវែងស៊ីផ្លែឈើពីចានមួយដែលកាន់ដោយអ្នករៀបចំពិធី លោក Yongyuth Kitwattananusorn ក្នុងពិធីអាហារបូហ្វេសម្រាប់សត្វស្វាប្រចាំឆ្នាំ នៅប្រាសាទ Pra Prang Sam Yot នៅ Lopburi ភាគខាងជើងនៃក្រុងបាងកក ប្រទេសថៃ។