កម្រងរូបភាពនៃព្រឹត្តិការណ៍និងទិដ្ឋភាពនានាពីប្រទេសផ្សេងៗនៅជុំវិញពិភពលោក។
រូបភាពជុំវិញពិភពលោក ០៩ វិច្ឆិកា ២០១៨
១
ក្រុមអ្នកធ្វើការកំពុងឈរគោរពក្នុងពេលរំលឹកការចងចាំនៅអាគារ Lloyd ក្នុងទីក្រុងឡុងដ៍ ប្រទេសអង់គ្លេស។
២
តារាបង្ហាញម៉ូដ Adriana Lima បង្ហាញការច្នៃម៉ូដក្នុងពិធីបង្ហាញម៉ូដ Victoria's Secret Fashion Show ឆ្នាំ ២០១៨ នៅទីក្រុញូវយ៉ក សហរដ្ឋអាមេរិក។
៣
លោក Sebastian Steudtner កីឡាករជិះទូកក្តោងលើរលកខ្លាំងរបស់ប្រទេសអាល្លឺម៉ង់ បានទម្លាក់ខ្លួនតាមរលក់ដ៏ធំមួយនៅឆ្នេរ Praia do Norte ប្រទេសព័រទុយហ្គាល់។
៤
ស្ត្រីជនចំណាកស្រុកម្នាក់ ត្រូវបានគេរារាំងនៅលើឆ្នេរនៃសមុទ្រមេឌីទែរ៉ានេ។ គាត់កំពុងអង្គុយនៅក្នុងឡានក្រុងមួយក្រោយពេលចាកចេញពីទូកសង្គ្រោះនៅផែក្រុង Malaga ប្រទេសអេស្ប៉ាញ។
៥
Abby Phillip អ្នកសារព័ត៌មាន CNN សួរសំណួរទៅលោក ដូណាល់ ត្រាំ នៅពេលដែលលោក ត្រាំ ថ្លែងទៅកាន់អ្នកសារព័ត៌មានមុនពេលឡើងយន្តហោះនៅសេតវិមាន ដើម្បីធ្វើដំណើរទៅប្រទេសបារាំង។
៦
ជនស៊ីវិលដែលរងរបួសដើរចេញពីកន្លែងកើតហេតុ ក្រោយពេលរងរបួសដោយការផ្ទុះគ្រាប់បែកនៅជិតសណ្ឋាគារ Sahafi នៅរដ្ឋធានីម៉ូហ្គាឌីស្យូ ប្រទេសសូម៉ាលី។
៧
បាតុករជនជាតិប៉ាឡេស្ទីនម្នាក់គប់គ្រាប់បែកផ្សែងទៅកាន់ទាហានអ៊ីស្រាអែល ដែលបានបាញ់គ្រាប់បែកនោះក្នុងពេលមានបាតុកម្មប្រឆាំងនឹងការរឹបអូសយកដីដោយអ៊ីស្រាអែល ដើម្បីយកដីនោះឲ្យជនជាតិជ្វីសសង់លំនៅដ្ឋាន ក្នុងតំបន់ West Bank។
៨
នាយករដ្ឋមន្ត្រីអង់គ្លេស Theresa May (ស្ដាំ) និងប្រធានាធិបតីបារាំង Emmanuel Macron កំពុងដើរជាមួយគ្នាឆ្លងកាត់ថ្មផ្នូរខ្មោច ក្រោយពេលបានដាក់កម្រងផ្កានៅទីរំលឹកការចងចាំសង្គ្រាមលោកលើកទី១ នៅឃុំ Thiepval ប្រទេសបារាំង។
៩
អណ្ដាតភ្លើងនៃភ្លើងឆេះព្រៃ បានឆេះផ្នែកមួយនៃឧទ្យាន Griffith Park ក្នុងទីក្រុងឡូសអែនជឺឡេស រដ្ឋកាលីហ្វ័រញ៉ា សហរដ្ឋអាមេរិក។