សវនាការកាត់ក្ដីភេរវករសង្ស័យនៃការបំផ្ទុះគ្រាប់បែកឆ្នាំ២០០២នៅឥណ្ឌូណេស៊ីទើបចាប់ផ្ដើមនៅ Guantanamo
២០ ឆ្នាំក្រោយមក បន្ទាប់ពីព្រឹត្តិការណ៍វាយប្រហារភេរវកម្មថ្ងៃទី ១១ ខែកញ្ញា ឆ្នាំ ២០០១ លើសហរដ្ឋអាមេរិក មន្ទីរឃុំឃាំងយោធា Guantanamo Bay របស់សហរដ្ឋអាមេរិក នៅពេលឥឡូវនេះ មានអ្នកជាប់ឃុំតិចជាង ៤០នាក់។ កាលពីមុន មន្ទីរឃុំឃាំងនេះមានអ្នកជាប់ឃុំដែលជាជនសង្ស័យប្រព្រឹត្តអំពើភេរវកម្មជាច្រើនរហូតដល់ទៅជិត ៨០០ នាក់។ ជនសង្ស័យមួយចំនួនទើបត្រូវបានឡើងតុលាការនៅពេលបច្ចុប្បន្ននេះប៉ុណ្ណោះ។ លោកស្រី Yuni Salim រាយការណ៍អំពីរឿងនេះពីរដ្ឋធានីវ៉ាស៊ីនតោន ហើយអ្នកនាង ទែន សុខស្រីនិត ជូនសេចក្តីប្រែសម្រួល។
