ភ្ជាប់​ទៅ​គេហទំព័រ​ទាក់ទង

ប្រតិបត្តិការ​ចម្រុះ​ជាតិ​ស្វែង​រក​និង​សង្គ្រោះ Search and Rescue (SAR) ដើម្បី​ស្វែង​រក​យន្តហោះ​ម៉ាឡេស៊ី MH 370

ប្រតិបត្តិការ​ស្វែង​រក​យន្តហោះ​អាកាសចរណ៍​ម៉ាឡេស៊ី​លេខ MH 370 កាន់​តែ​ត្រូវ​ពង្រីក​ធំ​ឡើង​ជា​បន្តបន្ទាប់​ខណៈ​ដែល​វា​ចូល​ដល់​សប្តាហ៍​ទី​២។ ប្រទេស​ម៉ាឡេស៊ី​បាន​ស្នើ​សុំ​ជំនួយ​បន្ថែម​ពី​ប្រទេស​ផ្សេង​ទៀត​ទៀត​ដែល​មិន​មាន​ក្នុង​បញ្ជី​ខាង​ក្រោម។ ប្រទេស​ទាំង​នោះ​រួម​មាន៖ កាហ្សាក់ស្ថាន អ៊ូសបេគីស្ថាន តួកម៉េនីស្ថាន ប៉ាគីស្ថាន ភូមា (មីយ៉ាន់ម៉ា) ឡាវ និង បារាំង។

flag

ម៉ាឡេស៊ី

ម៉ាឡេស៊ី​ដឹកនាំ​ប្រតិបត្តិការ​ចម្រុះ​ជាតិ​ SAR ដោយ​ប្រើប្រាស់​កងកម្លាំង​យោធា​និង​ស៊ីវិល​របស់​ខ្លួន។

flag

ចិន

បណ្តាញ​ផ្សាយ​ជាតិ​របស់​ប្រទេស​ចិន​បាន​រាយការណ៍​ថា​ ប្រទេស​ចិន​បាន​ប្រើប្រាស់​កងនាវា​តូច​ SAR ក្នុង​ទ្រង់ទ្រាយ​ធំ​បំផុត​ដែល​ខ្លួន​ធ្លាប់​មាន ហើយ​ស្ថានីយ​បញ្ជាការ​ផ្កាយរណប​ Xi'an នៅ​ខេត្ត Shaanxi បាន​បញ្ជូន​ផ្កាយ​រណប​ចំនួន​៨​ដើម្បី​ចូល​រួម​ក្នុង​ប្រតិបត្តិការ​ស្វែង​រក​និង​សង្គ្រោះ។

 vietnam flag

វៀតណាម

ក្រសួង​នានា​របស់​រដ្ឋាភិបាល​វៀតណាម​ចូល​រួម​នៅ​ក្នុង​កិច្ចប្រឹងប្រែង SAR ដោយ​ប្រើប្រាស់​យន្តហោះ​មួយ​ចំនួន​និង​នាវា​ចំនួន​៧ ពី​កងទ័ព​ជើង​ទឹក កង​ឆ្មាំ​សមុទ្រ និង​នាយកដ្ឋាន​ត្រួត​ពិនិត្យ​ការ​នេសាទ។

flag

សហរដ្ឋ​អាមេរិក

យន្តហោះ​ P-8A Poseidon ដែល​ត្រូវ​បាន​ប្រើប្រាស់​នៅ​ពេល​ចុង​ក្រោយ​នេះ ជា​យន្តហោះ​ឈ្លប​យក​ការណ៍​តាម​អាកាស​និង​ប្រឆាំង​នឹង​នាវា​មុជ​ទឹក​ដែល​ទំនើប​បំផុត​របស់​កងទ័ព​ជើង​ទឹក​សហរដ្ឋ​អាមេរិក។ កងទ័ព​ជើង​ទឹក​សហរដ្ឋ​អាមេរិក​ក៏​បាន​ប្រើប្រាស់​យន្តហោះ​ P-3C Orion ពី​កងនាវា​ទី​៧ (Seventh Fleet) ពី​ Kadena កោះ​ Okinawa ប្រទេស​ជប៉ុន។ ស.រ.អា​ក៏​ប្រើ​នាវា​ពិឃាត​ដែល​មាន​ផ្ទុក​កាំជ្រួច​ទូរបញ្ជា​ ដែល​នាវា​និមួយៗ​មាន​ផ្ទុក​ឧទ្ធម្ភាគចក្រ MH-60R Seahawk។ នាវា​​ USNS John Ericsson ជួយ​ទ្រទ្រង់​ខាង​សម្ភារៈ​ដល់​នាវា​ចម្បាំង​ទាំង​ពីរ។

flag

ឥណ្ឌូនេស៊ី

កងទ័ព​ជើង​ទឹក​ឥណ្ឌូនេស៊ី (TNI-AL) បាន​បញ្ជូន​នាវា​៥​ទៅ​តំបន់​សមុទ្រ​ចិន​ខាង​ត្បូង។ ឥណ្ឌូនេស៊ី​ក៏​បាន​បង្ហាញ​ចេតនា​ចង់​បញ្ជូន​យន្តហោះ​ឈ្លប​យក​ការណ៍​មួយ​ចំនួន​ទៅ​កាន់​តំបន់​នេះ​ដែរ។

flag

សិង្ហបុរី

ប្រទេស​សិង្ហបុរី​ជា​ដំបូង​ដែល​បាន​ផ្តល់​ការ​គាំទ្រ​ជា​សម្ភារៈ​ដល់​ប្រទេស​ម៉ាឡេស៊ី​ក្នុង​ប្រតិបត្តិការ​ SAR operation។ កងទ័ព​សិង្ហបុរី (SAF) បាន​បញ្ជូន​យន្តហោះ​យោធា​ចំនួន​៣ តែ​ប៉ុន្មាន​ម៉ោង​ក្រោយ​យន្តហោះ​ម៉ាឡេស៊ី Malaysia Airlines MH 370 បាន​បាត់​ពី​រ៉ាដា។

flag

ឥណ្ឌា

ប្រទេស​ឥណ្ឌា​បាន​បញ្ជូន​នាវា​កងទ័ព​ជើងទឹក​ចំនួន​២​ នាវា​ល្បាត​១ ​នាវា​ចម្បាំង​២ និង​នាវា​ផ្សេង​ទៀត​ពី​កង​ឆ្មាំ​សមុទ្រ យន្តហោះ​ឈ្លប​យក​ការណ៍​លើ​សមុទ្រ យន្តហោះ​ដឹក​ជញ្ជូន​យោធា ផ្កាយរណប​ឈ្លប​យក​ការណ៍​លើ​សមុទ្រ​ ពី​បញ្ជាការដ្ឋាន​បូព៌ា​នៃ​កងទ័ព​ជើង​ទឹក។

CAMBODIA flag

កម្ពុជា

រដ្ឋាភិបាល​កម្ពុជា​និយាយ​ថា​ខ្លួន​បាន​បញ្ជូន​នាវា​២ និង​ឧទ្ធម្ភាគចក្រ​៤ ដើម្បី​ទៅ​ជួយ​ការ​រុករក​យន្តហោះ​ Malaysian Airlines MH370។

flag

ហ្វីលីពីន

កងទ័ព​ជើង​ទឹក​ហ្វីលីពីន​បាន​បញ្ជូន​នាវា​ល្បាត​៣​ និង​យន្តហោះ​១។

BANGLADESH flag

បង់ក្លាដែស

រដ្ឋាភិបាល​បង់ក្លាដែស​និយាយ​ថា​ ខ្លួន​ប្រើ​យន្តហោះ​២​គ្រឿង​និង​នាវា​ចម្បាំង​ frigate ចំនួន​២​ដើម្បី​ស្វែង​រក​យន្តហោះ​នោះ។

flag

តៃវ៉ាន់

កោះ​តៃវ៉ាន់​បាន​បញ្ជូន​យន្តហោះ​ដឹកជញ្ជូន​យោធា​មួយ នាវា​ចម្បាំង​ frigate មួយ​និង​នាវា​ពី​កង​ឆ្មាំ​សមុទ្រ។

អូស្ត្រាលី

កង​ភូមិន្ទ​អាកាស​របស់​អូស្ត្រាលី (RAAF) បាន​បញ្ជូន​យន្តហោះ​ល្បាត​សមុទ្រ​ចំនួន​២ ទៅ​ជួយ​ក្នុង​ប្រតិបត្តិការ​ស្វែង​រក​។

flag

ថៃ

កងទ័ព​ជើង​ទឹក​ភូមិន្ទ​ថៃ​ (RTN) បាន​បញ្ជូន​ឧទ្ធម្ភាគចក្រ​១​គ្រឿង​និង​នាវា​ល្បាត​មួយ​គ្រឿង។ ប្រទេស​ថៃ​ក៏​អាច​បញ្ជូន​នាវា​និង​យន្តហោះ​បន្ថែម​ទៀត​ដែរ បើ​មាន​ការ​ស្នើ​ពី​ម៉ាឡេស៊ី។

UAE flag

អេមីរ៉ាត​អារ៉ាប់​រួម

បណ្តាញ​ផ្សាយ​ព័ត៌មាន​របស់​អេមីរ៉ាត​អារ៉ាប់​រួម (UAE) រាយការណ៍​ថា​ ប្រទេស​នេះ​បាន​បញ្ជូន​យន្តហោះ​២​គ្រឿង​ដើម្បី​ទៅ​ចូល​រួម​ក្នុង​ការ​ស្វែង​រក​នេះ។

NZ flag

នូវែលសេឡង់

កងទ័ព​អាកាស​នូវែលសេឡង់ (RNZAF) បាន​ប្រើប្រាស់​យន្តហោះ​ ម៉ាស៊ីន​៤ turboprop ដែល​ប្រឆាំង​នឹង​នាវា​មុជ​ទឹក និង​ឈ្លប​យក​ការណ៍​លើ​ផ្ទៃ​សមុទ្រ ដែល​ចេញ​ពី​ក្រុង Auckland កាល​ពី​ថ្ងៃ​ទី​១០ ខែ​មីនា​ហើយ​មាន​មូលដ្ឋាន​បណ្តោះអាសន្ន​នៅ​កោះ​ Penang ប្រទេស​ម៉ាឡេស៊ី។

XS
SM
MD
LG