កម្រងរូបភាពល្អៗអំពីហេតុការណ៍និងទិដ្ឋភាពក្នុងប្រទេសនានានៅជុំវិញពិភពលោក។
រូបភាពជុំវិញពិភពលោក ៣១ ឧសភា ២០១៩
1
សិស្សានុសិស្សដែលបញ្ចប់ថ្នាក់អនុវិទ្យាល័យលេងទឹកបាញ់នៅពេលពួកគេអបអរថ្ងៃចុងក្រោយនៅសាលារៀន ដែលគេហៅជាទូទៅថា កណ្ដឹងចុងក្រោយ នៅទីក្រុងកៀវ ប្រទេសអ៊ុយក្រែន។
2
ខ្យល់ធ្វើឲ្យប៉ើងអាវរបស់សម្ដេចប៉ាប Francis ទៅលើមុខនៅពេលលោកឡើងជិះយន្តហោះដើម្បីធ្វើដំណើរទស្សនកិច្ច៣ថ្ងៃ ទៅកាន់ប្រទេសរូម៉ានី ដោយចាកចេញពីព្រលានយន្តហោះ Fiumicino ប្រទេសអ៊ីតាលី។
3
មនុស្សម្នាកំពុងអង្គុយក្រោមស្ពាន Margaret នៅជិតកន្លែងមានគ្រោះថ្នាក់នាវា ដែលបានសម្លាប់មនុស្សជាច្រើននាក់ នៅក្នុងទន្លេ Danube ទីក្រុងប៊ុយដាប៉ែស ប្រទេសហុងគ្រី។
4
បុរសជនជាតិអាហ្វហ្គានីស្ថានម្នាក់កំពុងពិនិត្យកញ្ចក់ដែលបែកនៅហាងជួសជុលឡានរបស់គាត់ ដែលជាទីតាំងវាយប្រហារអត្តឃាតនៅទីក្រុងកាប៊ុល ប្រទេសអាហ្វហ្គានីស្ថាន។
5
ជនជាតិប៉ាឡេស្ទីនម្នាក់អានគម្ពីរកូអាន នៅវិហារឥស្លាម al-Khaldi មុនពេលបរិភោគអាហារពេលព្រឹក ក្នុងរដូវបុណ្យរ៉ាម៉ាដន ក្នុងទីក្រុង Gaza។
6
អ្នកសម្ដែងម្នាក់ឈរនៅលើឈើទទួលលុយពីបុរសម្នាក់ដែលជិះឡានក្រុងនៅក្រុង Garut ក្នុងខេត្ត West Java នៅពេលដែលជនជាតិឥណ្ឌូនេស៊ីកំពុងធ្វើដំណើរទៅស្រុកកំណើតមុនពេលពិធីបុណ្យ Eid al-Fitr មកដល់។
7
បាតុករនៅតំបន់កាស្មៀរម្នាក់ដែលពាក់ម៉ាស់ លោតទៅលើផ្នែកខាងមុខនៃរថពាសដែករបស់ប៉ូលិលឥណ្ឌា នៅពេលលោកគប់ដុំថ្មទៅកាន់រថពាសដែកនេះ ក្នុងពេលធ្វើបាតុកម្មនៅទីក្រុង Srinagar នៃតំបន់កាស្មៀរ គ្រប់គ្រងដោយឥណ្ឌា។
8
ក្រុមកម្មករសាងសង់របងនៅជុំវិញនិវេសដ្ឋានរបស់ឯកអគ្គរដ្ឋទូតអាមេរិកនៅ Regent's Park ក្នុងទីក្រុងឡុងដ៍ ប្រទេសអង់គ្លេស មុនពេលប្រធានាធិបតី ត្រាំ អញ្ជើញទៅតីនោះ។
9
កម្អែរភ្នំភ្លើងដែលបញ្ចេញដោយបន្ទុះភ្នំភ្លើង Mount Agung ត្រូវបានគេមើលឃើញពីស្រុក Kubu នៅតំបន់ Karangasem នៅលើកោះបាលី ប្រទេសឥណ្ឌូនេស៊ី។
10
អ្នកធ្វើដំណើរកំពុងឈរមើលរូបសំណាកគ្រោងឆ្អឹងមនុស្សដែលជក់បារី ក្នុងពេលយុទ្ធនាការលើកកម្ពស់ការយល់ដឹងមួយ នៅក្នុង«ទិវាមិនមានថ្នាំជក់ពិភពលោក» នៅទីក្រុង Chennai ប្រទេសឥណ្ឌា។
