រូបភាពជុំវិញពិភពលោកថ្ងៃទី៣០ ខែឧសភា ឆ្នាំ២០១៦ មកពីប្រទេសរុស្ស៊ី ស.រ.អា អង់គ្លេស កូឡុំប៊ី ស៊ីរី អាល្លឺម៉ង់ និងលីប៊ី។
រូបភាពជុំវិញពិភពលោក ៣០ ឧសភា ២០១៦
១
លោកប្រធានាធិបតីបារ៉ាក់ អូបាម៉ាថ្លែងសុន្ទរកថានៅឯកន្លែងរំឮកវិញ្ញាណក្ខន្ធ Memorial Amphitheater នៃកន្លែងកប់សព Arlington National Cemetery អំឡុងពេលថ្ងៃបុណ្យ Memorial Day នៅក្រុង Arlington រដ្ឋ Virginia។
២
កុមារា Christian Jacobs អាយុ ០៥ឆ្នាំ មកពីក្រុង Hertfort រដ្ឋ North Carolina ដែលស្លៀកពាក់ជាទាហានម៉ារីន ឈរនៅជិតផ្នូរសពរបស់ឪពុកខ្លួននៅថ្ងៃបុណ្យ Memorial Day នៅកន្លែងកប់សព Arlington National Cemetery នៅក្រុង Arlington រដ្ឋ Virginia។
៣
បុរសម្នាក់ដើរកាត់កន្លែងកប់សពយោធាអាមេរិកនៅក្រុង Falciani នៅអំឡុងថ្ងៃបុណ្យ Memorial Day របស់អាមេរិក ប្រារព្ធឡើងនៅជាយក្រុង Florence ប្រទេសអ៊ីតាលី។
៤
គូស្នេហ៍ទើបនឹងរៀបការថ្មីថ្មោង ទាហានម៉ារីនអាមេរិកលោក Tia Chambers និងនាង Lorraine Heist ផ្តល់ស្នាមថើបឲ្យគ្នា ស្របពេលក្បួនម៉ូតូ Rolling Thunder បើកឆ្លងកាត់នៅរដ្ឋធានីវ៉ាស៊ីនតោន កាលពីថ្ងៃទី២៩ ខែឧសភា ឆ្នាំ២០១៦។
៥
កូនកញ្ជ្រោង និងសុនខមួយក្បាលប្រឡែងគ្នានៅសួនក្នុងផ្ទះអ្នកថែទាំសត្វលោក Reka Soter ក្នុងក្រុង Pomaz ប្រទេសហុងគ្រី កាលពីថ្ងៃទី២៩ ខែឧសភា ឆ្នាំ២០១៦។
៦
សមាជិកនៃអង្គការមនុស្សធម៌ Sea-Watch បីទារកដែលបានលង់ទឹក នៅអំឡុងពេលប្រតិបត្តិការជួយសង្រ្គោះនៅតំបន់ឆ្នេរប្រទេសលីប៊ី។ ជនចំណាកស្រុកជាង ៧០០នាក់ ត្រូវបានបារម្ភថា បានលង់ទឹកស្លាប់នៅពេលមានការលិចទូកនៅតំបន់សមុទ្រមេឌីទែរ៉ាណេកាលពីសប្តាហ៍មុន។
៧
កុមារភៀសខ្លួនស៊ីរីយកទឹកនៅជំរុំជនភៀសខ្លួន Al-Zaatari ក្នុងក្រុង Mafraq ប្រទេសហ្ស៊កដានី ជិតព្រំដែនប្រទេសស៊ីរី។
៨
រថយន្ត និងបំណែកកម្ទេចកម្ទីនៅលើផ្លូវលិចទឹកមួយនៅក្រុង Braunsbach ក្នុងក្រុង Baden-Wuerttemberg ប្រទេសអាល្លឺម៉ង់។
៩
ក្រុមស្ម័គ្រចិត្តនៃកងការពារជនស៊ីវិលស៊ីរីជួយក្មេងប្រុសម្នាក់ចេញពីគំនរបាក់បែក បន្ទាប់ពីមានការវាយប្រហារពីសំណាក់កងកម្លាំងរដ្ឋាភិបាលដែលត្រូវបានរាយការណ៍នៅតំបន់ Tariq al-Bab ភាគខាងជើងក្រុង Aleppo។
១០
កីឡាករ Carlos Mario Oquendo (ទីពីរពីខាងឆ្វេង ខាងលើ) មកពីប្រទេសកូឡុំប៊ី ដួលស្របជាមួយកីឡាករ Jefferson Milano មកពីប្រទេសវេណេស៊ុយអេឡា (ទីពីរពីខាងស្តាំ ខាងក្រោម) នៅអំឡុងពេលប្រកួតប្រណាំងម៉ូតូហោះ World UCI BMX ក្នុងក្រុង Medellin ប្រទេសកូឡុំប៊ី កាលពីថ្ងៃទី២៩ ខែឧសភា ឆ្នាំ២០១៦។
១១
អ្នកស្រី Eula Ray ដែលកូនប្រុសរបស់អ្នកស្រីជាអ្នកអភិរក្សសួនសត្វ អានសំបុត្ររំលែកទុក្ខមួយនៅជិតរូបសំណាកសត្វស្វាឪ នៅខាងក្រៅទ្រុង Gorilla World នៅសួនសត្វ Cincinnati Zoo & Botanical Garden ក្នុងក្រុង Cincinnati សហរដ្ឋអាមេរិក កាលពីថ្ងៃទី២៩ ខែឧសភា ឆ្នាំ២០១៦។ ក្រុមប្រតិកម្មពិសេសរបស់សួននោះបានបាញ់សម្លាប់សត្វស្វាឪ Harambe អាយុ ១៧ឆ្នាំ ដែលបានចាប់ និងអូសក្មេងប្រុសអាយុបួនឆ្នាំ ដែលបានធ្លាក់ចូលទ្រុង កាលពីថ្ងៃទី២៨ ខែឧសភា ឆ្នាំ២០១៦។
១២
អ្នកចូលរួមប្រកួតរមៀលខ្លួនចុះពីជ្រលងភ្នំ Coopers Hill ដោយដេញតាមដុំឈីស Double Gloucester នៅអំឡុងពេលប្រកួតដុំឈីសរមៀលចុះជ្រលងភ្នំ នៅជិតភូមិ Brockworth ក្រុង Gloucester ភាគខាងលិចប្រទេសអង់គ្លេស។
១៣
តារាបង្ហាញម៉ូតនៃក្រុមមហោស្រពម៉ូតសំលៀកបំពាក់ «Altyr» ស្លៀកពាក់នៅក្នុងសំលៀកបំពាក់ជាតិ Khakas ឈរលើរបងឈើអំឡុងពេលថតរូបមួយ ជាផ្នែកមួយនៃលំហាត់សមមុនការអបអរសាទរពិធីបុណ្យប្រពៃណី Tun-Pairam នៅឯទីលានសារមន្ទីរមួយខាងក្រៅភូមិ Kazanovka ជិតក្រុង Abakan សាធារណរដ្ឋ Khakassia នៃប្រទេសរុស្ស៊ី។