រូបភាពជុំវិញពិភពលោកថ្ងៃទី០៣ ខែឧសភា ឆ្នាំ២០២០ មកពីប្រទេសឥណ្ឌា ស្វ៊ីស នេប៉ាល់ កេនយ៉ា ប្រេស៊ីល អេស្ប៉ាញ ក្រិក កូរ៉េខាងត្បូង និងអង់គ្លេស។
រូបភាពជុំវិញពិភពលោក ០៣ ឧសភា ២០២០
១
ឧទ្ធមាគចក្រនៃកងកម្លាំងអាកាសឥណ្ឌាបាចកម្ទេចផ្កាទៅលើបុគ្គលិកនៃមន្ទីរពេទ្យ INS Asvini នៅក្នុងក្រុង Mumbai ប្រទេសឥណ្ឌា។
២
បព្វជិត Abbot Vincent Marville ឈរនៅផ្លូវដើរកណ្តាលនៃវិមាន Basilica of Neuchatel ប្រទេសស្វ៊ីស ដែលដាក់បង្ហាញរូបរបស់អ្នកស្រុកចំនួន៤០០នាក់នាក់ដែលមិនអាចចូលរួមក្នុងកម្មវិធី Mass ដោយសារតែការផ្ទុះឡើងនៃជំងឺកូវីដ១៩។
៣
ក្មេងស្រីនេប៉ាល់ម្នាក់ត្រូវបានគេបាញ់ថ្នាំសម្លាប់មេរោគ នៅពេលនាងទៅយកអាហារចែកដោយឥតគិតថ្លៃពីបុគ្គលិកសង្គមកិច្ចក្នុងពេលបិទប្រទេសដើម្បីគ្រប់គ្រងការរីករាលដាលនៃមេរោគកូរ៉ូណានៅក្នុងក្រុង Kathmandu។
៤
ស្ត្រីម្នាក់ដើរកាត់ផ្លូវលិចទឹកនៅខាងក្រៅបរិវេណផ្ទះរបស់នាង បន្ទាប់ពីទន្លេ Nzoia ជន់លិច ដោយសារតែលំហូរទឹកបញ្ច្រាស់ពីបឹង Victoria ក្នុងក្រុង Nyadorera តំបន់ Siaya ប្រទេសកេនយ៉ា កាលពីថ្ងៃទី២ ខែឧសភា ឆ្នាំ២០២០។
៥
អ្នកទោសនៅក្នុងពន្ធនាគារ Puraquequara ត្រូវបានគេឃើញនៅខាងលើអគារមួយ ក្នុងពេលធ្វើកុបកម្មបន្ទាប់ពីមានការផ្ទុះឡើងនៃជំងឺកូវីដ១៩ នៅក្នុងក្រុង Manuas ប្រទេសប្រេស៊ីល កាលពីថ្ងៃទី២ ខែឧសភា ឆ្នាំ២០២០។
៦
អ្នកជិះក្តារលេងជាមួយនឹងទឹករលកនៅឆ្នេរ Zorriola បន្ទាប់ពីមនុស្សពេញវ័យត្រូវបានគេអនុញ្ញាតឱ្យចេញមកក្រៅដើម្បីហាត់ប្រាណជាលើកដំបូងក្នុងរយៈពេល៧សប្តាហ៍ ខណៈដែលរដ្ឋាភិបាលចាត់ផ្តើមបន្ធូរបន្ថយការរឹតត្បិតទាក់ទងនឹងជំងឺកូវីដ១៩ នៅក្នុងក្រុង San Sebastian ប្រទេសអេស្ប៉ាញ កាលពីថ្ងៃទី២ ខែឧសភា ឆ្នាំ២០២០។
៧
ជនភៀសខ្លួន និងជនទេសន្តរប្រវេសន៍រង់ចាំចាកចេញពីកោះ Lesbos ចូលទៅក្នុងប្រទេសក្រិក។
៨
នៅក្នុងរូបភាពពីលើអាកាសនេះ មនុស្សម្នាមកលេងឆ្នេរនៅក្នុងក្រុង Sokcho ប្រទេសកូរ៉េខាងត្បូង កាលពីថ្ងៃទី២ ខែឧសភា ឆ្នាំ២០២០។
៩
រថយន្តមួយដែលត្រូវបានបំពាក់ដោយស្មៅសិប្បនិម្មិតត្រូវបានចតនៅលើផ្លូវមួយនៃកន្លែងស្នាក់នៅមួយនៅក្នុងក្រុងឡុងដ៍។