កម្រងរូបភាពល្អៗអំពីហេតុការណ៍និងទិដ្ឋភាពក្នុងប្រទេសនានានៅជុំវិញពិភពលោក។
រូបភាពជុំវិញពិភពលោក ២៣ ឧសភា ២០១៩
១
នាង Jessica Rodgers និងអ្នកជិតខាងឈ្មោះ Ray Arellana លើករទេះរុញនៅលើខ្សែភ្លើងដែលដាច់ធ្លាក់មកលើដី នៅខណៈពេលពួកគេដើរសំដៅទៅផ្ទះម្ដាយរបស់ Rodgers ដើម្បីពិនិត្យមើលការខូចខាតក្រោយពេលខ្យល់ព្យុះមួយបានបក់បោកលើទីក្រុង Jefferson រដ្ឋ Missouri សហរដ្ឋអាមេរិក។
២
មន្ត្រីប៉ូលិសម្នាក់ដែលរងរបួសបានចាកចេញពីតំបន់មួយដោយមានជំនួយពីមិត្តរួមការងារ ក្រោយពេលមានការប៉ះទង្គិចគ្នាមួយជាមួយអ្នកតវ៉ានៅទីក្រុងហ្សាការតា ប្រទេសឥណ្ឌូនេស៊ី។
៣
នាយករដ្ឋមន្ត្រីឥណ្ឌាលោក Narendra Modi (ឆ្វេង) និងប្រធានគណបក្សកាន់អំណាច BJP លោក Amit Shah កំពុងអបអរសាទរជ័យជម្នះក្នុងការបោះឆ្នោតជាតិឥណ្ឌា នៅទីក្រុងញូវដែលី។
៤
ឆ្កែមួយក្បាលរង់ចាំម្ចាស់របស់វានៅខាងក្រៅការិយាល័យបោះឆ្នោត នៅកន្លែងដែលនាយករដ្ឋមន្ត្រីអង់គ្លេស Theresa May បានទៅបោះឆ្នោតសភាអឺរ៉ុប នៅទីក្រុង Sonning ចក្រភពអង់គ្លេស។
៥
មេធាវីជនជាតិបារាំង លោកស្រី Anna Salabi ចូលរួមក្នុងការតវ៉ានៅក្នុងតុលាការក្នុងទីក្រុងប៉ារីស ដើម្បីប្រឆាំងនឹងការបណ្ដេញលោកស្រីចេញពីបន្ទប់សវនាការ។
៦
លោកស្រី Angela Merkel អធិការបតីនៃប្រទេសអាល្លឺម៉ង់ទទួលគ្រឿងសម្រាប់ក្មេងលេងរូបទាមួយនៅពេលលោកស្រីធ្វើទស្សនកិច្ចទៅកាន់ក្រុមហ៊ុនជីវបច្ចេកវិទ្យាមួយឈ្មោះថា Centogene នៅទីក្រុង Rostock ប្រទេសអាល្លឺម៉ង់។
៧
ទាហានហ្វីលីពីនដើរនៅខាងក្រៅអាគារបាក់បែកមួយនៅទីក្រុង Marawi ស្ថិតនៅកោះ Mindanao ដែលលស្ថិតនៅភាគខាងត្បូងនៃប្រទេសហ្វីលីពីន។
៨
អ្នកគាំទ្រម្នាក់ស្លៀកពាក់ជារូបសត្វ flamingo កំពុងលើកទឹកចិត្តដល់អ្នកជិះកង់ក្នុងការប្រណាំងកង់ជុំទី១២ នៃការប្រណាំងកង់ Giro d'Italia លើកទី១០២ ដែលមានឈ្មោះថា Tour of Italy លើចម្ងាយផ្លូវ ១៥៨ គ.ម ពីក្រុង Cuneo ទៅក្រុង Pinerolo ប្រទេសអ៊ីតាលី។
៩
កូនសត្វតោមួយក្បាលស្រែកនៅក្បែរមេរបស់វានៅក្នុងសួតសត្វមួយក្នុងទីក្រុង Erfurt ប្រទេសអាល្លឺម៉ង់។
១០
ថ្ងៃកំពុងលិចនៅចន្លោះខ្សែភ្លើងនៅទីក្រុង Frankfurt ប្រទេសអាល្លឺម៉ង់។