បណ្ដុំរូបភាពនៃព្រឹត្តិការណ៍ព័ត៌មាននិងទិដ្ឋភាពនានាមកពីប្រទេសផ្សេងៗជុំវិញពិភពលោក។
រូបភាពជុំវិញពិភពលោក ១៨ ឧសភា ២០១៨
១
អាគារសម្រាប់ស្នាក់នៅឈ្មោះ Bosco Verticale ឬព្រៃបញ្ឈរ នៅក្នុងស្រុក Porta Nuova ទីក្រុង Milan ប្រទេសអ៊ីតាលី។
២
មនុស្សកំពុងភ័យខ្លាចនៅខាងក្រៅមណ្ឌលជួបជុំគ្នានៅ Alamo Gym ក្រោយពេលមានហេតុការណ៍បាញ់ប្រហារនៅក្នុងវិទ្យាល័យ Santa Fe ក្នុងក្រុង Santa Fe រដ្ឋ Texas។
៣
កម្អែភ្នំភ្លើងនៅលើផ្លូវត្រង់ចំណុច Pahoa ក្នុងរដ្ឋហាវ៉ៃ របស់សហរដ្ឋអាមេរិក។
៤
ព្រះអង្គម្ចាស់ Harry និងនាង Meghan Markle បានមកដល់វិមាន Windsor មួយថ្ងៃមុនពេលចាប់ផ្តើមនៃអាពាហ៍ពិពាហ៍ នៅទីក្រុង Windsor ប្រទេសអង់គ្លេស។
៥
ក្រុមអ្នកគាំទ្រពីរាជវាំងដែលរួមមាន John Laughry (កណ្ដាល) Terry Hutt (ស្ដាំ) កំពុងច្រៀងសម្រាប់កម្មវិធីទូរទស្សន៍នៅទីក្រុង Windsor មុនពេលចាប់ផ្តើមនៃអាពាហ៍ពិពាហ៍ព្រះអង្គម្ចាស់ Harry។
៦
ជនជាតិប៉ាឡេស្ទីនកំពុងទៅបួងសួងនៅព្រះវិហារ Al-Aqsa ក្នុងទីក្រុងហ្ស៊េរុយសាឡិម នៅថ្ងៃដំបូងនៃបុណ្យរ៉ាម៉ាដន របស់សាសនាឥស្លាម។
៧
អ្នកកាន់សាសនាឥស្លាមបានបួងសួងនៅថ្ងៃសុក្រដែលជាថ្ងៃទី១នៃបុណ្យរ៉ាម៉ាដន នៅវិហារជាតិ Baitul Mukarram ក្នុងទីក្រុងដាកា ប្រទេសបង់ក្លាដែស។
៨
ប្រធានាធិបតីរុស្ស៊ី Vladimir Putin ស្វាគមន៍លោកស្រី Angela Merkel អធិការបតីអាល្លឺម៉ង់ ក្នុងជំនួបមួយនៅទីក្រុង Sochi។
៩
ក្រុមជនកែភេទនេប៉ាល់ត្រៀមខ្លួនចូលរួមក្នុងពិធីសម្តែង Miss Pink នៅទីក្រុងកដ្ឋមណ្ឌូ ប្រទេសនេប៉ាល់។ ពិធីនេះរៀបចំឡើងដើម្បីរំឭកដល់ទិវាអន្តរជាតិប្រឆាំងនឹងការភ័យខ្លាចមនុស្សស្រឡាញ់ភេទដូចគ្នា ការរើសអើងមនុស្សកែភេទ និង Biphobia។
១០
សមាជិកក្រុមគោជល់ Coruche forcados កំពុងសម្ដែងនៅក្នុងកម្មវិធីគោជល់មួយនៅសង្វៀង Campo Pequeno ក្នុងទីក្រុងលីសបោន ប្រទេសព័រទុយហ្គាល់។