រូបភាពជុំវិញពិភពលោកថ្ងៃទី១៧ ខែឧសភា ឆ្នាំ២០២០ មកពីសហរដ្ឋអាមេរិក ប្រទេសអង់គ្លេស ចិន ន័រវែស ម៉ិកស៊ិក រុស្ស៊ី អ៊ីស្រាអែល និងថៃ។
រូបភាពជុំវិញពិភពលោក ១៧ ឧសភា ២០២០
១
មនុស្សម្នាដើរនៅតាមកំពូលច្រាំងថ្មចោតនៅ Beachy Head ក្បែរក្រុង Eastbourne ប្រទេសអង់គ្លេស បន្ទាប់ពីមានការបន្ធូរបន្ថយការរឹតត្បិតសកម្មភាពសង្គម ក្នុងពេលរាតត្បាតនៃជំងឺកូវីដ១៩។
២
កុមារម្នាក់ពាក់ម៉ាស់អានសៀវភៅនៅក្នុងបណ្ណាគារមួយនៅក្នុងក្រុងប៉េកាំង ប្រទេសចិន។
៣
រ៉ុក្កែត Atlas V របស់ក្រុមហ៊ុន United Launch Alliance ត្រូវបានគេបាញ់បង្ហោះចេញពីកន្លែងបាញ់រ៉ុក្កែតឈ្មោះថា Launch Complex 41 នៅស្ថានីយទ័ពអាកាស Cape Canaveral នៅក្នុងក្រុង Cape Canaveral រដ្ឋ Florida។
៤
ព្រះមហាក្សត្រីយានី Sonja និងព្រះអង្គ Harald ព្រះអង្គ Haakon ព្រះនាង Mette-Mari ព្រះនាង Ingrid Alexandra និងព្រះអង្គម្ចាស់ Sverre Magnu កំពុងយាងចូលរួមក្នុងទិវារដ្ឋធម្មនុញ្ញរបស់ន័រវែស នៅក្នុងក្រុង Oslo។
៥
អ្នកពន្លត់អគ្គិភ័យនៃក្រសួងពន្លត់អគ្គិភ័យក្នុងក្រុង Los Angeles រុញរទេះសម្រាប់អ្នករបួសនៅកន្លែងឆេះអគារមួយដែលបង្កឱ្យអ្នកពន្លត់អគ្គិភ័យជាច្រើនរងរបួស នេះបើយោងតាមអ្នកនាំពាក្យក្រសួងពន្លត់អគ្គិភ័យកាលពីថ្ងៃទី១៦ ខែឧសភា ឆ្នាំ២០២០ នៅក្នុងក្រុង Los Angeles រដ្ឋ California។
៦
បុគ្គលិកនៅកន្លែងបញ្ចុះសពពាក់ឧបករណ៍ការពារនៅកន្លែងបញ្ចុះសពនៅក្នុងក្រុង Nezahualcoyotl ក្នុងពេលផ្ទុះឡើងនៃជំងឺកូវីដ១៩ក្នុងប្រទេសម៉ិកស៊ិក កាលពីថ្ងៃទី១៦ ខែឧសភា ឆ្នាំ២០២០។
៧
បុរសម្នាក់ពាក់ម៉ាស់ដើរនៅតាមផ្លូវដែលតុបតែងជាមួយនឹងភ្លើងពណ៌នៅក្នុងក្រុងមូស្គូ ក្នុងពេលរឹតត្បិតសកម្មភាពសង្គមដ៏តឹងរ៉ឹងនៅក្នុងប្រទេសរុស្ស៊ី ដើម្បីបញ្ឈប់ការរាលដាលនៃជំងឺកូវីដ១៩។
៨
មនុស្សម្នាព្យាយាមរក្សាគម្លាតសង្គម នៅពេលពួកគេសប្បាយរីករាយនៅពេលថ្ងៃក្តៅមួយ ក្នុងពេលផ្ទុះឡើងនៃជំងឺកូវីដ១៩ នៅឧទ្យាន Domino ក្នុងសង្កាត់ Brooklyn បុរីញូវយ៉ក កាលពីថ្ងៃទី១៦ ខែឧសភា ឆ្នាំ២០២០។
៩
កុមារាប៉ាឡេស្ទីនម្នាក់លោតចូលទៅក្នុងទឹកឈូធម្មជាតិមួយដើម្បីធ្វើឱ្យត្រជាក់ ក្នុងពេលមានរលកកម្តៅនៅក្បែរក្រុង Jericho តំបន់ West Bank ដែលកាន់កាប់ដោយអ៊ីស្រាអែល។
១០
ស្ត្រីម្នាក់ប្រើប្រាស់ជែលលាងដៃចេញពីរូបយន្ត (robot) មានជើងបួនដូចសុនខនៅផ្សារទំនើប Central World បន្ទាប់ពីរដ្ឋាភិបាលថៃបន្ធូរបន្ថយវិធានការផ្តាច់ខ្លួនដើម្បីការពារការរីករាលដាលនៃជំងឺកូវីដ១៩ នៅក្នុងក្រុងបាងកក ប្រទេសថៃ។
១១
លោក LeBron James កីឡាករបាល់បោះរបស់ក្រុម Los Angeles Lakers ថ្លែងនៅក្នុងកម្មវិធី «បញ្ចប់ការសិក្សាជាមួយគ្នា៖ អាមេរិកអបអរដល់ថ្នាក់វិទ្យាល័យឆ្នាំ២០២០» កាលពីថ្ងៃទី១៦ ខែឧសភា ឆ្នាំ២០២០។