រូបភាពជុំវិញពិភពលោកថ្ងៃទី១៥ ខែឧសភា ឆ្នាំ២០១៧ មកពីប្រទេសអាហ្វ្រិកខាងត្បូង ឥណ្ឌូនេស៊ី កូរ៉េខាងជើង វ៉េណេស៊ុយអេឡា នីការ៉ាហ្គា កូរ៉េខាងត្បូង អាស៊ែបៃហ្សង់ អង់គ្លេស សិង្ហបុរី ជប៉ុន អ៊ីតាលី និងប៉េរូ។
រូបភាពជុំវិញពិភពលោក ១៥ ឧសភា ២០១៧
១
ស្ត្រីម្នាក់អង្គុយនៅក្បែរផ្ទាំងគំនូរមួយនៅខាងក្រៅតុលាការធម្មនុញ្ញា នៅក្នុងក្រុង Johannesburg ប្រទេសអាហ្វ្រិកខាងត្បូង។
២
អ្នកជំងឺសម្រាកនៅលើកៅអីរុញរបស់គាត់ នៅពេលគាត់រង់ចាំនៅកន្លែងចុះឈ្មោះនៅមន្ទីរពេទ្យមហារីក Dharmais ក្នុងក្រុងហ្សាការតា ប្រទេសឥណ្ឌូនេស៊ី ដោយសារតែប្រព័ន្ធព័ត៌មានរបស់មន្ទីរពេទ្យត្រូវបានគេចូលរំខាន។ ចលាចលនៃប្រព័ន្ធអ៊ីនធឺណិតកំពុងរីករាលដាលនៅទូទាំងសាកលលោក នៅពេលក្រុមហ៊ុនជាច្រើនបើកកុំព្យូទ័រនៅកន្លែងធ្វើការ បន្ទាប់ពីមានការវាយប្រហារតាមបណ្តាញអ៊ីនធឺណិត។
៣
រ៉ុក្កែតរយៈចម្ងាយឆ្ងាយ Hwasong-12 ត្រូវបានបាញ់បង្ហោះក្នុងពេលធ្វើតេស្តមួយនៅក្នុងរូបភាពដែលចេញផ្សាយដោយទីភ្នាក់ងារសារព័ត៌មាន Korean Central News Agency របស់កូរ៉េខាងជើង។
៤
បាតុករដាក់ឈើឆ្កាង ដែលតំណាងឲ្យអ្នកស្លាប់ក្នុងពេលបាតុកម្មនាពេលថ្មីៗនេះ ក្នុងពេលបាតុកម្មដោយធ្វើការអង្គុយ ប្រឆាំងនឹងលោកប្រធានាធិបតី Nicolas Maduro នៅក្នុងក្រុង Caracas ប្រទេសវ៉េណេស៊ុយអេឡា។
៥
បុរសម្នាក់ពន្លត់អគ្គិភ័យនៅក្នុងផ្សារ Mercado Oriental ដែលមានហាងចំនួន២៥ត្រូវបានឆេះខ្ទេច នៅក្រុង Managua ប្រទេសនីការ៉ាហ្គា កាលពីថ្ងៃទី១៤ ខែឧសភា ឆ្នាំ២០១៧។
៦
និស្សិតកូរ៉េខាងត្បូងឈរថតរូប បន្ទាប់ធ្វើពិធីបែបប្រពៃណីមួយនៅភូមិ Namsangol Hanok ក្នុងក្រុងសេអ៊ូល។
៧
អ្នកហែលទឹកលោតជ្រមុជទឹក នៅក្នុងព្រឹត្តិការណ៍ Men's Swimming 100m Breaststroke ក្នុងពេលប្រកួត Baku 2017 4th Islamic Solidarity Games នៅមជ្ឈមណ្ឌល Baku Aquatic Center ប្រទេសអាស៊ែបៃហ្សង់។
៨
តារាសម្តែង Joanna Lumley ឈរថតរូបជាមួយនឹងពានរង្វាន់ Fellowship Award របស់នាង នៅក្នុងកម្មវិធី British Academy Television Awards នៅសាល Royal Festival Hall ក្នុងក្រុងឡុងដ៍ កាលពីថ្ងៃទី៤ ខែឧសភា ឆ្នាំ២០១៧។
៩
ក្រុមហ៊ុនលក់រថយន្តមួយទឹកផ្តាច់មុខនៅក្នុងប្រទេសសិង្ហបុរីមួយផ្ទុករថយន្តមកពីបរទេស៦០គ្រឿងក្នុងអគារ១៥ជាន់របស់ខ្លួនក្នុងប្រព័ន្ធឆ្អឹងត្រី ដើម្បីប្រគល់រថយន្តជូនអតិថិនជនក្នុងរយៈពេលខ្លី។
១០
លោក Ryoichi Ando (រូបស្តាំ) ដែលជាអ្នកស្រាវជ្រាវ និងអ្នកផលិតឧបករណ៍ Bubble Jumper ប្រកួតជាមួយគូប្រជែងរបស់ នៅពេលពួកគេបង្ហាញកីឡានេះនៅក្នុងក្រុងតូក្យូ ប្រទេសជប៉ុន។
១១
រូបគំនូររបស់សិល្បករអ៊ីតាលី Lorenzo Quinn ដែលមានឈ្មោះថា «គាំទ្រ» ត្រូវបានគេថតបាននៅវិមាន Ca' Sagredo ក្នុងពិធីបុណ្យ La Biennale of Venice លើកទី៥៧ ក្នុងក្រុង Venice ប្រទេសអ៊ីតាលី។
១២
កម្មករទទួលទានអាហារថ្ងៃត្រង់នៅក្រោមម្លប់បដាដ៏ធំ ដែលផ្សព្វផ្សាយការលក់ខុនដូ នៅក្នុងសង្កាត់ក្រីក្រមួយនៅក្នុងប្រទេសប៉េរូ។