កម្រងរូបភាពគួរឲ្យចាប់អាម្មណ៍អំពីហេតុការណ៍ថ្មីៗ និង ទិដ្ឋភាពក្នុងប្រទេសនានានៅជុំវិញពិភពលោក។
រូបភាពជុំវិញពិភពលោក ១៩ មីនា ២០២០
១
អ្នកថ្មើរជើងម្នាក់កំពុងមើលទៅកាន់ផែនទីដែលមានបញ្ចាំងភ្លើង នៅលើផ្លូវដែលគ្មានមនុស្សដើរនៅរមណីយដ្ឋាន Zermatt នៃជួរភ្នំ Alpine ប្រទេសស្វ៊ីស នៅពេលដែលមានការរីករាលដាលជំងឺកូវីដ១៩។
២
ស្ត្រីម្នាក់ពាក់ម៉ាសការពារកំពុងដើរនៅឯស្ថានីយ៍រថភ្លើងក្រោមដី ក្នុងពេលមានការប្រកាសភាពអាសន្នសុខភាពដោយសារវីរុសកូរ៉ូណា នៅទីក្រុងម៉ាឌ្រីដ ប្រទេសអេស្ប៉ាញ។
៣
ផ្លូវដែលគ្មានមនុស្សដើរនៅខាងមុខប៉ម Petronas Twin Towers បន្ទាប់ពីរដ្ឋាភិបាលម៉ាឡេស៊ីបានប្រកាសរឹតបន្តឹងការធ្វើដំណើរ ដោយសារតែការរីករាលដាលនៃវីរុសកូរ៉ូណា នៅទីក្រុងគូឡាឡាំពួ ប្រទេសម៉ាឡេស៊ី។
៤
ថ្នាក់រៀនដែលគ្មានសិស្សរៀននៅឯព្រះវិហារ Saint Francois Xavier ដែលជាសាលាសាសនាគ្រិស្ត ក្នុងពេលមានការផ្ទុះឡើងជំងឺកូរ៉ូណា នៅទីក្រុង Abidjan ប្រទេសកូតឌីវ័រ។
៥
ភោជនីយដ្ឋានដែលត្រូវបានបិទនៅឆ្នេរសមុទ្រមេឌីទែរ៉ានេ បន្ទាប់ពីអ៊ីស្រាអែលបានជំរុញឲ្យពលរដ្ឋរបស់ខ្លួនស្នាក់នៅក្នុងផ្ទះ ដើម្បីទប់ស្កាត់ការរីករាលដាលនៃជំងឺ កូវីដ១៩ នៅទីក្រុង Tel Aviv ប្រទេសអ៊ីស្រាអែល។
៦
វិថី California ដែលជាធម្មតាពោរពេញទៅដោយរថយន្ត បានក្លាយជាផ្លូវដែលគ្មានមនុស្សបើកបរ នៅក្នុងទីក្រុង San Francisco រដ្ឋកាលីហ្វ័រញ៉ា សហរដ្ឋអាមេរិក។
៧
ទាហានស៊ែប៊ីម្នាក់អង្គុយនៅលើដំបូលរថពាសដែក នៅឯច្រកព្រំដែន Batrovci នៃប្រទេសស៊ែប៊ី ដែលជាច្រកឆ្លងទៅក្រុង Bajakovo ប្រទេសក្រូអាស៊ី នៅពេលដែលចំនួនករណីវីរុសកូរ៉ូណា កំពុងកើនឡើងនៅលើពិភពលោក។
៨
ហាងលក់ទំនិញមួយដែលគ្មានមនុស្ស នៅជិតទីលាន Times Square បន្ទាប់ពីមានការផ្ទុះឡើងនៃវីរុសកូរ៉ូណា នៅទីក្រុងញូវយ៉ក សហរដ្ឋអាមេរិក។
៩
ទិដ្ឋភាពទូកនៅ Grand Canal នៃទីក្រុង Venice ប្រទេសអ៊ីតាលី កាលពីថ្ងៃទី១៨ មីនា ២០២០។ ទូកទាំងនេះត្រូវបានបញ្ឈប់ បន្ទាប់ពីប្រទេសនេះបានបិទគ្រប់ច្រកល្ហក ដោយសារតែវិបត្តិវីរុសកូរ៉ូណា។
១០
រូបភាពផ្គុំគ្នានៃផ្លូវ Woodlands Causeway ដែលភ្ជាប់ប្រទេសសិង្ហបុរី និងម៉ាឡេស៊ី មុន និងក្រោយពេលមានការបិទការធ្វើដំណើរ ដោយសារតែការផ្ទុះឡើងនៃវីរុសកូរ៉ូណា។
១១
មហាវិថីដែលគ្មានចរាចរណ៍បន្ទាប់ពីរដ្ឋាភិបាលចាប់ផ្ដើមអនុវត្តការរឹតបន្តឹងការធ្វើដំណើរ ដើម្បីទប់ស្កាត់ការរីករាលដាលនៃវីរុសកូរ៉ូណា នៅទីក្រុងលីម៉ា ប្រទេសប៉េរូ។
១២
ទីលាន Times Square ដែលគ្មានមនុស្ស បន្ទាប់ពីមានការផ្ទុះឡើងនៃវីរុសកូរ៉ូណា នៅទីក្រុងញូវយ៉ក។
១៣
ជណ្ដើរភាគច្រើននៃអាគារសម្ដែងល្ខោនអូប៉េរ៉ានៅទីក្រុងស៊ីដនី (Sydney Opera House) មានភាពស្ងប់ស្ងាត់ដោយសារតែព្រឹត្តិការណ៍ដែលគ្រោងនឹងរៀបចំឡើងជាច្រើនត្រូវបានលុបចោល ដោយសារជំងឺកូវីដ១៩។
១៤
ខ្លោងទ្វារ The Arc de Triomphe នៅទីក្រុងប៉ារីស ថតនៅពេលការបិទប្រទេសបារាំងបានចូលជាធរមាន ដើម្បីបញ្ឈប់ការរីករាលដាលនៃជំងឺកូវីដ១៩។
១៥
តំបន់ Canary Wharf ដែលជាធម្មតាមានភាពអ៊ូអរនោះ ពេលនេះមានសភាពស្ងប់ស្ងាត់នៅពេលដែលករណីវីរុសកូរ៉ូណា កំពុងកើនឡើងនៅទីក្រុងឡុងដ៍។