រូបភាពជុំវិញពិភពលោកថ្ងៃទី១៩ ខែមីនា ឆ្នាំ២០១៨ មកពីសហរដ្ឋអាមេរិក ប្រទេសដាណឺម៉ាក រុស្ស៊ី អង់គ្លេស ហ្វីលីពីន អាល្លឺម៉ង់ ប៉ាឡេស្ទីន អាហ្វ្រិកខាងត្បូង និងឥណ្ឌា។
រូបភាពជុំវិញពិភពលោក ១៩ មីនា ២០១៨
១
សុនខមួយក្បាលមើលទៅផ្ទះមួយដែលគ្របដណ្តប់ដោយទឹកកកនៅក្បែរឆ្នេរនៃឆកសមុទ្រ Faxe Bay ប្រទេសដាណឺម៉ាក។
២
លោកប្រធានាធិបតីរុស្ស៊ី Vladimir Putin ថ្លែងទៅកាន់អ្នកគាំទ្រក្នុងពេលប្រមូលផ្តុំមួយនៅក្បែរវិមានក្រឹមឡាំងនៅក្នុងក្រុងមូស្គូ កាលពីថ្ងៃទី១៨ ខែមីនា ឆ្នាំ២០១៨។ លោក Putin បានឈ្នះឆ្នោតជាប្រធានាធិបតីរុស្ស៊ីក្នុងអាណត្តិទី៤ ដែលលោកនឹងកាន់តំណែងជាប្រធានាធិបតីរយៈពេល៦ឆ្នាំទៀត។ លោកគឺជាបុរសម្នាក់ដែលដឹកនាំប្រទេសធំបំផុតក្នុងពិភពលោកសម្រាប់សតវត្សរ៍ទី២១។
៣
ក្រុមរបាំមួយសម្តែងរបាំម៉ិកស៊ិកបែបប្រពៃណីនៅក្នុងពិធីបុណ្យ 2018 National Cherry Blossom Festival នៅក្នុងរដ្ឋធានីវ៉ាស៊ីនតោន កាលពីថ្ងៃទី១៨ ខែមីនា ឆ្នាំ២០១៨។
៤
រូបសំណាកនៅលើអគារ Bush House ដែលជាអតីតទីស្នាក់ការរបស់សារព័ត៌មាន BBC ត្រូវបានគេបំពាក់វ៉ែនតា ក្រមា និងអាវយឺត ដែលរចនាដោយសិល្បករ Leo Caillard ដែលនេះជាផ្នែកមួយនៃកម្មវិធី The Classical Now នៅអគារ Bush House និងអគារ Sommerset House នៅក្នុងក្រុងឡុងដ៍។
៥
ផ្សែងដ៏ក្រាស់ព័ទ្ធជុំវិញក្រុមអ្នកពន្លត់អគ្គិភ័យនៅលើឡានទឹក នៅពេលពួកគេព្យាយាមពន្លត់អគ្គិភ័យដែលបានឆាបឆេះអគារ Waterfront Manila Pavilion ដែលជាសណ្ឋាគារ និងកាស៊ីណូមួយនៅក្នុងក្រុងម៉ានីល ប្រទេសហ្វីលីពីន។ អាជ្ញាធរថ្លែងបន្ទាប់ពីក្រុមអ្នកពន្លត់អគ្គិភ័យបានព្យាយាមពន្លត់អស់រយៈពេលជាង២៤ម៉ោងថា មនុស្ស៥នាក់បានស្លាប់ក្នុងអគ្គិភ័យដ៏រន្ធត់មួយនេះ នៅក្នុងបរិវេនសណ្ឋាគារ និងកាស៊ីណូ ក្នុងក្រុងម៉ានីល។
៦
សាលាក្រុង Frankfurt ត្រូវបានបំពាក់ភ្លើងពណ៌ ក្នុងកម្មវិធី Luminale ដែលជាព្រឹត្តិការណ៍បង្ហាញការតុបតែងអគារ និងភ្លើង នៅក្នុងក្រុង Frankfurt ប្រទេសអាល្លឺម៉ង់ កាលពីថ្ងៃទី១៨ ខែមីនា ឆ្នាំ២០១៨។
៧
ទូកនេសាទរបស់ប៉ាឡេស្ទីនមួយស្ថិតនៅលើសមុទ្រ នៅពេលព្រះអាទិត្យលិច នៅក្នុងក្រុង Gaza កាលពីថ្ងៃទី១៨ ខែមីនា ឆ្នាំ២០១៨។
៨
ក្រុមអ្នកជិះកង់អាជីពជិះកង់ក្នុងការប្រកួត 2018 Cape Epic African Mountain Bike Race វគ្គទី១ នៅក្នុងតំបន់ភ្នំជុំវិញក្រុង Robertson ដែលមានចម្ងាយប្រហែល១៥០គ.ម.ពីក្រុង Cape Town ប្រទេសអាហ្វ្រិកខាងត្បូង។
៩
សត្វបក្សីម្យ៉ាងស៊ីគ្រាប់រុក្ខជាតិនៅតាមមែកឈើមួយនៅក្នុងភូមិ Pobitora រដ្ឋ Assam ប្រទេសឥណ្ឌា។