បណ្ដុំរូបភាពនៃព្រឹត្តិការណ៍ព័ត៌មាននិងទិដ្ឋភាពនានាមកពីជុំវិញពិភពលោក។
រូបភាពជុំវិញពិភពលោក ១៥ មីនា ២០១៨
១
អ្នកដំណើរប្រើប្រាស់របងដែកដើម្បីឆ្លងកាត់ផ្លូវដែលជន់លិច ដើម្បីធ្វើដំណើរទៅកន្លែងធ្វើការក្រោយពេលមានភ្លៀងធ្លាក់យ៉ាងខ្លាំងនៅទីក្រុងណៃរ៉ូប៊ី ប្រទេសកេនយ៉ា។
២
កុមារម្នាក់កំពុងដេកនៅក្នុងកាតាបនៅភូមិ Beit Sawa ក្នុងតំបន់ Ghouta ខាងកើត ប្រទេសស៊ីរី។
៣
ទាហានហុងគ្រីដើរក្បួនក្នុងទីក្រុងប៊ុយដាប៉ែស ក្នុងពិធីមួយអប់អរសាទរដល់ថ្ងៃបុណ្យជាតិលើកទី១៧០ នៃការធ្វើបដិវត្តន៍ និងសង្គ្រាមទាមទារឯករាជ្យពីពួក Habsburgs កាលពីឆ្នាំ១៨៤៨។
៤
រូបគំនូរត្រូវបានគេបាញ់នៅលើផ្លូវដើរ នៅជិតច្រកចូលទៅកាន់ស្ថានទូតរុស្ស៊ី និងនិវេសដ្ឋានសម្រាប់ឯកអគ្គរដ្ឋទូតរុស្ស៊ី នៅទីក្រុងឡុងដ៍ប្រទេសអង់គ្លេស។
៥
សិស្សសាលាបឋមសិក្សាពាក់វែនតា VR (virtual reality) នៅក្នុងថ្នាក់រៀនមួយនៅតំបន់ស្វយ័តឈ្មោះថា Xiangxi Tujia និង Miao ក្នុងខេត្ត Hunan ប្រទេសចិន។
៦
សិស្សសាលាក្មេងៗនៅទីក្រុងប៊ែរឡាំងប្រទេសអាល្លឺម៉ង់ បានរៀបចំតុកតាខ្លាឃ្មុំចំនួន៧៤០ នៅខាងមុខកន្លែងប្រគុំតន្ត្រីមួយឈ្មោះថា Konzerthaus ក្នុងព្រត្តិការណ៍មួយរៀបចំដោយអង្គការ World Vision Organisation ដើម្បីលើកកម្ពស់ការយល់ដឹងអំពីក្មេងៗជនភៀសខ្លួនស៊ីរីចំនួន ៧៤ម៉ឺននាក់ ដែលមិនអាចទៅរៀននៅសាលារៀន។
៧
អ្នកទស្សនាកំពុងឈរមើលរូបចម្លាក់ភ្នំ Matterhorn ដែលគេដាក់ក្បាលចុះក្រោមនៅក្នុងពិធីតាំងពិព័រណ៍មួយឈ្មោះថា «ការអំពាវនាវរបស់ភ្នំ» នៅក្នុងអតីតទីតាំងផ្ទុកឧស្ម័ន នៅទីក្រុង Oberhausen ប្រទេសអាល្លឺម៉ង់។
៨
លោក D'Angelo McDade សិស្សវិទ្យាល័យ (មុខខាងស្តាំ) កំពុងដឹកនាំការដើរក្បួនមួយនៅចំណុច North Lawndale នៃទីក្រុង Chicago នៅក្នុងការតវ៉ាប្រឆាំងនឹងហិង្សាដោយការប្រើប្រាស់អាវុធ។
៩
ក្រុមអ្នកគាំទ្ររបស់សហរដ្ឋអាមេរិក កំពុងរាំនៅក្នុងហ្វូងមនុស្សក្នុងពិធីប្រកួតវាយកូនបាល់លើទឹកកកវគ្គពាក់កណ្ដាលផ្ដាច់ព្រ័ត្រ រវាងក្រុមសហរដ្ឋអាមេរិក និងក្រុមប្រទេសអ៊ីតាលី នៅក្នុងទីលានកីឡាវាយកូនបាលលើទឹកកក Gangneung ក្នុងព្រឹត្តិការណ៍កីឡាជនពិការនៅទីក្រុង Pyeongchang ប្រទេសកូរ៉េខាងត្បូងរដូវរងា ឆ្នាំ២០១៨។
១០
សេះឈ្មោះ Penhill ដែលជិះដោយលោក Paul Townend កំពុងលោតផ្លោះរបាំងក្នុងព្រឹត្តិការណ៍ប្រកួតយកពាន Gold Cup នៅថ្ងៃចុងក្រោយនៃព្រឹត្តិការណ៍ប្រណាំងសេះក្នុងស្រុក Gloucestershire ទីក្រុង Cheltenham ប្រទេសអង់គ្លេស។