រូបភាពជុំវិញពិភពលោកថ្ងៃទី ១២ ខែ មីនា ឆ្នាំ ២០១៩ មានមកពីប្រទេសដូចជា កេនយ៉ា ឥណ្ឌា អាល់ហ្សេរី អ៊ីស្រាអែល វៀតណាម និងថៃ។
រូបភាពជុំវិញពិភពលោក ១២ មីនា ២០១៩
1
បុរសម្នាក់ជួយអ្នកពន្លត់អគ្គិភ័យ កាន់កង់មួយដែលត្រូវបានឆេះខ្ទេចខ្ទីបន្ទាប់ពីអគ្គិភ័យមួយបានឆេះផ្សារ Toi ដែលលក់ឥវ៉ាន់ជជុះនៅក្នុងតំបន់អនាធិបតេយ្យក្នុងរដ្ឋធានីណៃរ៉ូប៊ី ប្រទេសកេនយ៉ា។
2
ប៉ូលិសឃុំខ្លួនជនជាតិទីបេអំឡុងបាតុកម្មមួយដែលធ្វើឡើងដើម្បីរំឮកខួបលើកទី៦០នៃ ការរើបំរាស់របស់ទីបេប្រឆាំងនឹងការកាន់កាប់ប្រទេសចិននៅខាងក្រៅស្ថានទូតចិនក្នុងទីក្រុងញូវដែលីប្រទេសឥណ្ឌា។
6
ប្រជាជននាំគ្នាសរសេរពាក្យស្លោកនិងសារនៅលើក្រដាសបិទចំណាំអំឡុងបាតុកម្មមួយដែលទាមទារឲ្យមានការផ្លាស់ប្តូរផ្នែកនយោបាយភ្លាមៗនៅក្នុងទីក្រុង Algiers ប្រទេសអាល់ហ្សេរីបន្ទាប់ពីប្រធានាធិបតី Abdelaziz Bouteflika ដែលកំពុងឈឺថ្កាត់បានប្រកាសពន្យាពេលការបោះឆ្នោតដែលនឹងធ្វើឡើងនៅថ្ងៃទី១៨ ខែមេសា និងមិនបន្តអាណត្តិ។
9
រូបថតពីលើអាកាសបង្ហាញហ្មដំរីប្រណាំងសត្វដំរីរបស់ខ្លួនអំឡុងពិធីបុណ្យដំរី Buon Don នៅខេត្ត Dak Lak ប្រទេសវៀតណាម។
10
ក្មេងប្រុសម្នាក់អង្គុយក្បែរម៉ូតូ Minsk តាំងពីជំនាន់សូវៀតនៅហាងកាហ្វេមួយឈ្មោះ Hidden Gem ដែលមានវត្ថុកែច្នៃឡើងវិញក្នុងទីក្រុងហាណូយប្រទេសវៀតណាម។
11
ពន្លឺភ្លើងLED ត្រូវបានគេបំពាក់លើចិញ្ចើមផ្លូវដើម្បីដាស់អារម្មណ៏អ្នកថ្មើរជើងមុននឹងឆ្លងផ្លូវនៅទីក្រុង Tel Aviv ប្រទេសអ៊ីស្រាអែល។
12
ព្រះអាទិត្យលិចនៅខាងក្រោយប្រាសាទ Wat Saket ឬភ្នំមាសនៅក្នុងទីក្រុងបាងកកប្រទេសថៃកាលពីថ្ងៃទី១១ ខែមីនា ឆ្នាំ២០១៩។
