ភ្ជាប់​ទៅ​គេហទំព័រ​ទាក់ទង

អង្គការ​សិទ្ធិ​មនុស្ស​សុំ​ឱ្យ​ផ្តល់​ឱកាស​ស្តារសម្បទា​ដល់​អ្នក​ទោស​ស្រ្តី

  • វីអូអេ​​ ខ្មែរ​

អង្គការ​លីកាដូ​បញ្ជក់​ថា​ នៅ​ទូទាំង​ប្រទេស​មាន​អ្នក​ទោស​ស្រ្តី​ចំនួន​១.១៣៧​ ក្នុង​នោះ​អ្នកទោស ស្រ្តី​អនីតិជន​​មាន​ចំនួន​១៥នាក់។
អង្គការ​សិទ្ធិ​មនុស្ស​កម្ពុជា​បាន​អំពាវនាវ​ឱ្យ​រដ្ឋាភិបាល​ផ្តល់​ឱកាស​ឱ្យ​បាន​ទូលំទូលាយ​ក្នុង​ការ​ស្តារ​សម្បទា​ដល់​អ្នក​ទោស​ជាស្រ្តី​ ជាពិសេស​អ្នក​ទោស​ជា​អនីតិជន​ ដើម្បី​កសាង​សមត្ថភាព​និង​ផ្តល់​ជំនាញ​ដល់​អ្ន​ក​ទាំង​នោះ ​សម្រាប់​ស្វែង​រក​ការងារ​ធ្វើ​បន្ទាប់​ពី​ពួកគេ​ត្រូវ​បាន​ដោះលែង។

នេះ​បើ​តាម​សេចក្តី​ថ្លែងការណ៍​របស់​អង្គការ​សិទ្ធិមនុស្ស​លីកាដូ​ ដែល​បាន​ចេញ​ផ្សាយ​សម្រាប់​ទិវា​ទិវា​សិទ្ធិ​នារី​អន្តរជាតិ។

អង្គការ​លីកាដូ​បញ្ជក់​ថា​ នៅ​ទូទាំង​ប្រទេស​មាន​អ្នក​ទោស​ស្រ្តី​ចំនួន​១.១៣៧​ ក្នុង​នោះ​អ្នកទោស ស្រ្តី​អនីតិជនមាន​ចំនួន​១៥នាក់។

កញ្ញា​ង៉ែត សុគន្ធ​ អ្នក​គ្រប់​គ្រង​គម្រោង​ពន្ធនាគារ​នៃ​អង្គការ​លីកាដូ​បញ្ជាក់​ថា​៖

«មាន​កម្មវិធី​ខ្លះ​ត្រូវ​បាន​គេ​រៀបចំ​ឡើង​ដោយ​សម្រួល​ឱ្យ​សមស្រប​សម្រាប់​អ្នក​ទោស​ស្រ្តី​និង​អនីតិជន ប៉ុន្តែ​នៅ​ក្នុង​ពន្ធនាគារ​ខ្លះ​ស្ត្រី​អ្នក​ទោស​ទាំង​នោះ​មិន​មាន​ឱកាស​ដើម្បី​ចូលរួម​វគ្គអប់​រំនិង​ហ្វឹកហ្វឺន​ជំនាញទេ»។

អង្គការសិទ្ធិ​មនុស្ស​ក៏​អំពាវនាវ​ស្នើ​សុំ​ឱ្យ​អាជ្ញាធរ​ធានា​ថា​ ឆ្មាំ​ពន្ធនាគារ​ជាស្រ្តី​ក៏​ទទួលបាន​នូវ​ឱកាស​ក្នុង​ការ​បណ្តុះ​បណ្តាល​គ្រប់​គ្រាន់​ដូច​ឆ្មាំ​ពន្ធនាគារ​បុរសដែរ៕
XS
SM
MD
LG