ភ្ជាប់​ទៅ​គេហទំព័រ​ទាក់ទង

ការ​ផ្តល់ដី​សម្បទាន​នាំឲ្យ​បំផ្លាញ​ព្រៃឈើ

  • សុខ ខេមរា

សកម្មជន​ការពារ​ព្រៃឈើគឺ​លោកអ៊ូច ឡេង(ស្តាំ)និង​លោក​ច័ន្ទ ធី(ឆ្វេង)ជាវាគ្មឹនកម្មវិធី​ហេឡូ​វីអួអេ ​​ក្នុង​ស្ទូឌីយោវីអូអេ ភ្នំពេញ​
វ៉ាស៊ីនតោន- ក្រុម​អ្នក​ការពារ​បរិស្ថាន​ក្នុង​ប្រទេស​កម្ពុជា​បាន​ស្តី​បន្ទោស​រដ្ឋាភិបាល​ចំពោះ​ការ​កាប់​បំផ្លាញ​ព្រៃ​ឈើ​ដ៏​ធ្ងន់ធ្ងរ​ដោយ​បាន​ទទូច​ថា​ ការ​ផ្តល់​ដី​សម្បាទាន​គួរ​ពិគ្រោះ​យោបល់​ជាមួយ​ប្រជា​ពលរដ្ឋ​ជាមុន​ ហើយនឹង​ធ្វើ​ដោយ​តម្លាភាព។​

នៅក្នុង​កម្មវិធី​ហេឡូ​វីអូអេ​កាលពី​យប់​ថ្ងៃ​ព្រហស្បតិ៍ ​លោក​អ៊ូច ឡេង​ ប្រធាន​ក្រុម​ ការងារ​ពិសេស​សិទ្ធិ​មនុស្ស​កម្ពុជា​ដែល​ឃ្លាំ​មើល​ព្រៃ​ធម្មជាតិ​នៅតាម​សហគមន៍​ ជា​ច្រើន​ក្នុង​ប្រទេស​កម្ពុជា​ បាន​អះអាង​ថា​ អាជ្ញា​បណ្ណ​ដី​សម្បទាន​សេដ្ឋកិច្ច​ត្រូវ​គេ​ប្រើប្រាស់​ដើម្បី​ជា​លេស​ក្នុង​ការ​កាប់​ឈើ​នៅ​ក្នុង​តំបន់​ការពារ។​ លោក​បាន​លើក​ឡើង​ចំៗ​ថា​ ​ក្រុមហ៊ុន​លោក​ឧកញ៉ាទ្រី​ភាព​ដ៏​មាន​អំណាច​បាន​បង្ក​វិនាស​កម្ម​ព្រៃឈើ​ជាច្រើន​កន្លែង​ដើម្បី​ដឹកទៅ​លក់នៅ​បរទេស​តាម​ច្រក​ប្រទេស​វៀតណាម។​

លោក​ថ្លែង​ថា​ នៅ​ពេល​គ្មាន​វិធាន​ការ​ទប់ស្កាត់​ពី​រដ្ឋសភា​ ព្រឹទ្ធ​សភា ​និង​រដ្ឋាភិបាល​ដូច្នេះ ​លោក​បាន​អំពាវនាវ​ឲ្យ​ប្រជាពលរដ្ឋ​ទាំងអស់​ ជាពិសេស​ប្រជា​សហគមន៍​នៅជិត​តំបន់​ព្រៃឈើ​ ក្រោកឈរ​ឡើង​ដើម្បី​ទប់ស្កាត់​ការ​បំផ្លិច​ បំផ្លាញ​ព្រៃឈើ​ដែល​ហិនហោច​ជិតអស់​នេះ។​

សូម​អញ្ជើញ​ស្តាប់​លោក​វាគ្មិន​ទាំងពីរ​គឺ​លោក​អ៊ូច ឡេង​ និង​សហការី​របស់​លោក​គឺ​លោកច័ន្ទ ធី​ បកស្រាយ​បន្ថែម​ក្នុង​កម្មវិធី​ហេឡូ​វីអូអេ​កាលពី​យប់​ថ្ងៃ​ព្រហស្បតិ៍​ ទី២៨​ខែវិច្ចិកា​ឆ្នាំ​២០១៣​អំពី​«ការ​កាប់​បំផ្លាញ​ព្រៃឈើ​នៅ​កម្ពុជា​ និង​វិធានការ​ទប់ស្កាត់»​៕
XS
SM
MD
LG