ភ្ជាប់​ទៅ​គេហទំព័រ​ទាក់ទង

ការ​កាត់ទោស​ខ្មែរក្រហម​គឺ​ជា​ការ​ឆ្កឹះ​ដំបៅ​ ហើយនឹង​ដើម្បី​ព្យាបាល

  • Daniel Schearf
  • VOA

លោន​នួន ជា ​បង​ធំទី២​នៃ​​ខ្មែរក្រហម​​និង​ជា​អ្នកបង្កើត​មនោគមន៍​វិជ្ជា​របបនេះ។

សាលាក្តី​គាំទ្រ​ដោយ​អ.ស.ប.​កាត់ទោស​អតីត​មេ​ដឹកនាំ​ខ្មែរក្រហម​ជាន់​ខ្ពស់​នៅ​ប្រទេស​កម្ពុជា​ដើម្បី​រក​យុត្តិធម៌​ខ្លះៗ​ ក្រោមពី​ពួកគេ​រូច​ពី​ការ​កាត់ទោស​ច្រើន​ទសវត្ស​ទាក់ទង​នឹង​បដិវត្តន៍​ដ៏​បង្ហូរ​ឈាម​របស់​គេ។​ ចំពោះជន​រងគ្រោះ​ខ្លះ​ ការ​កាត់ទោស​នេះ​ឆ្កឹះ​ដំបៅ​នេះ​ឡើង​វិញ​ តែ​វា​ក៏​ព្យាបាលរបួស​នេះ​ផង​ដែរ។

អ្នកស្រី​កូប ​អៃសះ​ ជា​ជនជាតិ​ភាគ​តិច​ខ្មែរ​ឥស្លាម។​ អ្នកស្រី​មាន​គម្ពីរ​គូរ៉ាននេះ​តាំង​អាយុ​១២​ឆ្នាំ។ ​ពេល​របប​ខ្មែរក្រហម​ អំឡុង​ទស​វត្សរ៍​១៩៧០​ រំលាយសាសនា​នោះ​ អ្នកស្រី​ជីក​រណ្តៅ​លាក់​គម្ពីរ​នេះ​ក្រោយ​ផ្ទះ។ ​ខ្មែរក្រហម​បង្ខំឲ្យ​អ្នកស្រី​ហូប​សាច់​ឆ្កែ​និង​សាច់​ជ្រូក។

អ្នកស្រី​ពិបាក​និយាយ​អំពី​ពួក​កុម្មុយ​និស្ត​ជ្រុល​និយម​ ដែល​អួតអាង​បង្កើត​កសិកម្មមហាលោត​ផ្លោះ​មហា​អស្ចារ្យ​នោះ។ ​គេ​សម្លាប់​គ្រួសារ​របស់​អ្នកស្រី​ជា​ច្រើន។

«បើ​គេ​សម្លាប់​គ្រួសារ​មេ​ដឹក​នាំ​ទាំង​នេះ​វិញ​យ៉ាង​ម៉ុច​ដែរ?​ គាត់​គ្មាន​សាច់​ញាតិ​ទេ​ឬ?»

អ្នកស្រី​បាន​ចូល​រួម​ការ​កាត់ទោស​អតីត​មេ​ដឹក​នាំ​ខ្មែរក្រហម​ជាន់​ខ្ពស់​នៅភ្នំពេញ​ពី​បទ​ឩក្រិដ្ឋ​កម្ម​សង្គ្រាម។ ​អ្នកស្រី និង​ជន​រងគ្រោះ​ជា​ច្រើន​ទៀតនិយាយ​ថា​ ពួក​គេ​ដឹក​នាំ​នយោបាយ​សម្លាប់​ខ្មែរ​ជិត​២​លាន​នាក់។

អ្នក​ទាំង​នេះ​មាន​ខៀវ​ សំផន​ កាល​ណោះ​ជា​ប្រមុខ​រដ្ឋ ​អៀងសារី ​រដ្ឋមន្ត្រី​ការ​បរទេស​ និង​ភរិយា​របស់​គាត់​គឺអៀង ធីរិទ្ធ​ រដ្ឋ​មន្ត្រី​សង្គម​កិច្ច​ និង​នួន​ ជា​ បង​ធំ​ទី​២។​ ចុង​ចោទ​និយាយ​ថា ​ខ្លួន​គ្មាន​កំហុស​ដូច​បទ​ចោទ​ប្រកាន់ទេ​ ហើយ​លោក​នាយក​រដ្ឋមន្ត្រី​ហ៊ុន​ សែន​ ដែល​ជា​អតីត​ខ្មែរក្រហម​ បាន​និយាយ​ថា​ ករណី​០០២​នេះ​ជា​ការ​កាត់​ទោស​ចុង​ក្រោយ។

កញ្ញា​សេង ធារី ​ប្រធាន​សមាគម​ជន​រងគ្រោះ​ខ្មែរក្រហម​នៅ​កម្ពុជា​ និយាយថា ​តុលាការ​គាំទ្រ​ដោយ​អ.ស.ប.​រណប​តាម​ការ​គាប​សង្កត់​របស់​រដ្ឋាភិបាល។

«នេះ​ជា​រឿង​មិន​អាច​ទទួល​យក​បាន ​និង​គួរ​ឲ្យ​ស្អប់​ខ្ពើម។​ អ.ស.ប.​រំលោភ​គោល​ការណ៍​ជា​មូលដ្ឋាន​របស់​ខ្លួន​ គឺ​ឯករាជ្យ​ភាព​នៃ​តុលាការ។​ យើង​មិន​មាន​ជំនឿ​លើ​មន្ត្រី​កម្ពុជា​ទេ​ តែ​សង្ឃឹម​លើ​អ.ស.ប.»។

បុគ្គលិក​បរទេស​មួយ​ចំនួន​ឈប់​ធ្វើការ​នៅ​តុលាការ​នេះ​ដោយ​សារ​ជម្លោះ។​លោក​ឌឹម សុវណ្ណារុំ ​មន្ត្រី​កិច្ចការ​សាធារណៈ​នៃ​តុលាការ​នេះ​ បាន​បដិសេធ​ថា​ គ្មាន​ការ​ជ្រៀត​ជ្រែក​ពី​នយោបាយ​ទេ។

«តាំង​ពី​ពេល​ខ្ញុំ​ធ្វើការ​នៅ​តុលាការ​នេះ​២​ឆ្នាំ​នេះ​មាន​ការ​កែ​ប្រែ​ច្រើន។ ​ពេលអ្នក​និយាយ​ពី​ប្រសាសន៍​លោក​នាយក​រដ្ឋ​មន្ត្រី ​ខ្ញុំ​ចង់​និយាយ​ថា​ ​តុលាការឯករាជ្យ ​ ជាស្ថាប័ន​ឯករាជ្យ»។

ទោះ​ជា​កាត់ទោស ​ឬ​មិន​កាត់​ទោស​មេ​ដឹកនាំ​ថែម​ទៀត​ក៏​ដោយ​ គឺ​ប្រាកដណាស់​ថា ​ខ្មែរក្រហម​ថ្នាក់​ទាប​ច្រើន​ពាន់​នាក់​ដែល​ទទួល​ខុស​ត្រូវ​ការសម្លាប់​មនុស្ស​ នឹង​មិន​ត្រូវ​កាត់​ទោស​ទេ។

អ្នក​ទិតៀន​យល់​ស្រប​ថា​ ការ​កាត់​ទោស​មេខ្មែរក្រហម​ក្រោយ​ពី​ពួក​គេ​មាន​សេរីភាព​ច្រើន​ឆ្នាំ​នេះ​ គឺ​ជា​ជំហាន​ផ្សះផ្សា​របួស​ជន​រង​គ្រោះ។

ប៉ុន្តែ​ចំពោះ​កូប​ អៃសះ ​គាត់​យល់​ថា​ មាន​យុត្តិធម៌​លុះត្រា​មេ​ខ្មែរក្រហម​ទាំងអស់​មាន​ទោស​ជាប់គុក​រហូត​ដល់ស្លាប់៕

នាងលី​ ម៉ូរីវ៉ាន់ ​ប្រែសម្រួល

XS
SM
MD
LG