រូបភាពជុំវិញពិភពលោកសម្រាប់ថ្ងៃទី៧ ខែមិថុនា ឆ្នាំ២០១៥ មានមកពីប្រទេសអង់គ្លេស ជប៉ុន អេស៉្បាញ ចិន ឥណ្ឌា រុស្សី អាល្លឺម៉ង់ និងតួកគី។
រូបភាពជុំវិញពិភពលោក ៧ មិថុនា ២០១៥
១
ប្រធានាធិបតីតួកគី Recep Tayyip Erdogan ចាប់ដៃជាមួយអ្នកគាំទ្រខាងក្រៅការិយាល័យបោះឆ្នោត បន្ទាប់ពីការបោះឆ្នោតសភារបស់តួកគីនៅទីក្រុងអ៊ីស្តង់ប៊ុល (Istanbul)។
២
អ្នកផ្លុំឧបករណ៍តន្រ្តី Alpenhorn ឈរពីមុខលោកប្រធានាធិបតីសហរដ្ឋអាមេរិក Barack Obama ខណៈពេលដែលលោកនិងអធិការបតីអាល្លឺម៉ង់ Angela Merkel និយាយនៅក្នុងភូមិ Bavarian នៃទីក្រុង Kruen ប្រទេសអាល្លឺម៉ង់។
៣
សត្វរាគគូន (racoon) ឈ្មោះ Masha លេងកែវជ័រក្នុងឆ្នាំងដែក ក្នុងសួនសត្វទីក្រុង Royev Ruchey ប្រទេសរុស្ស៊ី។
៤
អ្នកប្រកួតចាកចេញពីផ្លូវរូងដីមួយ ខណៈពេលដែលពួកគេចូលរួមក្នុងការប្រកួត Alpha League Races ក្នុងទីក្រុង Bengaluru ប្រទេសឥណ្ឌា។ យោងតាមអ្នករៀបចំកម្មវិធីបានឲ្យដឹងថា មានមនុស្សប្រហែល ២០០០នាក់ ចូលរួមក្នុងការប្រកួតដែលមានចម្ងាយ៥គីឡូម៉ែត្រជាមួយនឹងឧបសគ្គប្រហែល២០ខុសៗគ្នា។
៥
អ្នកសង្គ្រោះឈរស្ងៀមស្មឹងស្មាតដើម្បីប្រារព្ធរំឭកថ្ងៃទីប្រាំពីរចាប់តាំងពីការលិចសាឡាង Eastern Star នៅកន្លែងប្រសព្វ Jianli នៃទន្លេ Yangtze ខេត្ត Hubei ប្រទេសចិន។
៦
រូបថតព្រះរាជបុត្រ George និងព្រះរាជបុត្រី Charlotte ដែលផ្តល់ដោយ the Duke and Duchess of Cambridge កាលពីថ្ងៃទី៦ ខែមិថុនា ឆ្នាំ២០១៥។
៧
«បុរសស្លែ» ដើរនៅលើផ្លូវក្នុងទីក្រុង Bejar ប្រទេសអេស៉្បាញនៅក្នុងពេលដើរក្បួន Corpus Christi ដើម្បីរំឭកដល់គ្រិស្តសាសនិកជនដែលបានក្លែងខ្លួនធ្វើជាមនុស្សស្លែក្នុងសតវត្សទី១២ ខណៈពេលដែលបន្លំខ្លួនលាក់ពីឆ្មាំការពារមូស្លីម ហើយវាយដណ្តើមទីក្រុងនេះមកវិញ។
៨
អ្នកចែវទូកជនជាតិអាមេរិក Sonya Baumstein មកពីទីក្រុង Orlando រដ្ឋ Florida គ្រវីដៃលា ខណៈពេលដែលនាងចាកចេញពីឆ្នេរសមុទ្រ Choshi Marina ក្នុងទីក្រុង Choshi ដែលជាកំពង់ផែមួយនៅភាគខាងកើតទីក្រុងតូក្យូ ឆ្ពោះទៅកាន់ទីក្រុង San Franscisco ។ Baumstein សង្ឃឹមថានឹងបញ្ចប់ការធ្វើដំណើរចម្ងាយ ៩.៦០០ គីឡូម៉ែត្ររបស់ខ្លួននៅចុងខែកញ្ញា ហើយនឹងក្លាយជាស្រ្តីទីមួយដែលចែវទូកម្នាក់ឯងឆ្លងកាត់មហាសមុទ្រប៉ាស៊ីហ្វិក នៅក្នុងទូកដែលមានប្រវែង៧ម៉ែត្រ។
៩
អ្នកចូលរួមដែលគ្រប់ដណ្តប់ដោយម្សៅពណ៌ ខណៈពេលដែលពួកគេត្រៀមខ្លួនរត់ប្រណាំងពណ៌ "Dye race” ក្នុងទីក្រុង Liverpool ទិសពាយព្យ ប្រទេសអង់គ្លេស កាលពីថ្ងៃទី៦ ខែមិថុនា ឆ្នាំ២០១៥។