រូបភាពជុំវិញពិភពលោកថ្ងៃទី២៧ ខែមិថុនា ឆ្នាំ២០១៦ មកពីប្រទេសថៃ បារាំង ស.រ.អា អាល្លឺម៉ង់ អង់គ្លេស ប៉ាគីស្ថាន កោះតៃវ៉ាន់ ឥណ្ឌា និងចិន។
រូបភាពជុំវិញពិភពលោក ២៧ មិថុនា ២០១៦
១
ស្រ្តីមូស្លីមនៅតំបន់កាស្មៀ (Kashmir) ធ្វើការបួងសួង នៅអំឡុងពេលថ្ងៃបុណ្យ Martyr Day របស់ Hazrat Ali ដែលជាប្អូនជីដូនមួយព្យាការីមូហាម៉ាត់ នាថ្ងៃទី២១ នៃពិធីបុណ្យរ៉ាម៉ាឌន នៅអារាម Hazratbal Shrine ក្នុងក្រុង Srinagar តំបន់កាស្មៀគ្រប់គ្រងដោយឥណ្ឌា។
២
នៅក្នុងរូបថតបញ្ចេញដោយការិយាល័យព័ត៌មានរដ្ឋាភិបាលក្រុងម៉ាកាវ សត្វខ្លាឃ្មុំផេនដា Xin Xin កំពុងមើលថែកូនទើបកើតចំនួនពីរក្បាលរបស់វានៅឯសួន Giant Panda Pavilion លើកោះ Coloane។
៣
ក្រុមបាតុករធ្វើការអបអរសាទរនៅខាងក្រៅតុលាការកំពូលស.រ.អា បន្ទាប់ពីតុលាការនោះបានលុបចោលច្បាប់មួយនៅរដ្ឋ Texas ដែលបានដាក់បទបញ្ជាតឹងរ៉ឹងលើគ្រូពេទ្យផ្នែកយកកូនចេញ និងមជ្ឈមណ្ឌលនានាដែលអ្នករិះគន់ច្បាប់នោះបានធ្វើការអះអាងថា ត្រូវបានបង្កើតឡើងដើម្បីបិទគ្លីនិកផ្សេងៗនៅរដ្ឋធានីវ៉ាស៊ីនតោន។
៤
អ្នកនេសាទប្រើប្រាស់ភ្លើងដើម្បីទាក់ទាញត្រីនៅក្រុង New Taipei City កោះតៃវ៉ាន់។
៥
អ្នកចាំទីរបស់ក្រុមជម្រើសជាតិអេស្ប៉ាញកីឡាករ David De Gea លោតទះបាល់ចេញនៅអំឡុងពេលប្រកួតវគ្គជម្រុះ ១៦ក្រុមចុងក្រោយនៃការប្រកួតបាល់ទាត់ Euro 2016 រវាងក្រុមជម្រើសជាតិអ៊ីតាលី និងអេស្ប៉ាញនៅកីឡាដ្ឋាន Stade de France ក្នុងក្រុង Saint-Denis ជិតក្រុងប៉ារីស ប្រទេសបារាំង។
៦
ទាហានអាហ្វហ្គានីស្ថានឃ្លាំមើលស្ថានភាពនៅអំឡុងពេលមានការប៉ះទង្គិចគ្នាជាមួយនឹងពួកសកម្មប្រយុទ្ធរដ្ឋឥស្លាមនៅស្រុក Kot ខេត្ត Nangarhar កាលពីថ្ងៃទី២៦ ខែមិថុនា ឆ្នាំ២០១៦។
៧
ស្រ្តីនិកាយស៊ីអ៊ីតដើរកាត់ជញ្ជាំងមួយ ដែលមានដាក់រូបជនរងគ្រោះ ដែលត្រូវបានសម្លាប់នៅអំឡុងពេលការទម្លាក់គ្រាប់បែកមួយនៅតំបន់ប្រជាជនរស់នៅកាលពីខែមិនា ឆ្នាំ២០១៣ ខណៈពេលមានការដង្ហែក្បួន Shi'ite Youm Ali ក្នុងក្រុង Karachi ប្រទេសប៉ាគីស្ថាន។
៨
តារាចម្រៀង Beyonce ធ្វើការសម្តែងបទចម្រៀង «Freedom» ជាមួយនឹងសិល្បករ Dave Free នៅឯកម្មវិធីប្រគល់ពានរង្វាន់ BET ឆ្នាំ២០១៦ ក្នុងក្រុង Los Angeles រដ្ឋ California ស.រ.អា កាលពីថ្ងៃទី២៦ ខែមិថុនា ឆ្នាំ២០១៦។
៩
អ្នកទេសចរដើរចុះពីអគារ «Pegelturm GroBer Goitzschesee» ជិតក្រុង Bitterfeld ប្រទេសអាល្លឺម៉ង់ កាលពីថ្ងៃទី២៦ ខែមិថុនា ឆ្នាំ២០១៦។
១០
នាង Terralyn Lehman បានយំពេលរំឮកពីការរត់ភៀសខ្លួនចេញពីភ្លើងឆេះព្រៃ Erskine Fire ខណៈដែលនាងកំពុងអង្គុយនៅខាងក្រៅមណ្ឌលជនជម្លៀសខ្លួននៅសាលាបឋមសិក្សា Kernville ក្នុងក្រុង Kernville រដ្ឋ California កាលពីថ្ងៃទី២៦ ខែមិថុនា ឆ្នាំ២០១៦។
១១
ក្រុមចម្រៀង Coldplay ធ្វើការសម្តែងនៅលើឆាក Pyramid នៅឯ Worthy Farm ក្នុងក្រុង Somerset អំឡុងពេលពិធីបុណ្យ Glastonbury Festival នៅប្រទេសអង់គ្លេស កាលពីថ្ងៃទី០៦ ខែមិថុនា ឆ្នាំ២០១៦។
១២
នាង Simone Biles ធ្វើការប្រកួតនៅអំឡុងពេលកម្មវិធីប្រកួតប្រជែងអត្តពលកម្មផ្នែកនារីនៅអាមេរិកក្នុងក្រុង St.Louis រដ្ឋ Missouri កាលពីថ្ងៃទី២៦ ខែមិថុនា ឆ្នាំ២០១៦។
១៣
តារាម៉ូដែលបង្ហាញម៉ូដច្នៃប្រឌិតដោយអ្នករចនាម៉ូដជនជាតិអាមេរិកលោក Thom Browne នៅអំឡុងពេលសប្តាហ៍បង្ហាញម៉ូដក្រុងប៉ារីស នាថ្ងៃទី២៦ ខែមិថុនា ឆ្នាំ២០១៦។
១៤
អ្នកទេសចរដើរពីមុខពិព័រណ៍សិល្បៈខាងក្រៅមួយនៅឯហាងលក់ទំនិញមួយក្នុងក្រុងបាងកក ប្រទេសថៃ។