រូបភាពជុំវិញពិភពលោកថ្ងៃទី២១ ខែមិថុនា ឆ្នាំ២០១៦ មកពីប្រទេសម៉ាសេដ្ឋាន អង់គ្លេស ចិន អេហ្ស៊ីប សហរដ្ឋអាមេរិក អ៊ីរ៉ាក់ និងចក្រភពអង់គ្លេស។
រូបភាពជុំវិញពិភពលោក ២១ មិថុនា ២០១៦
១
មនុស្សម្នាអបអរចំពោះពេលវេលាសុលស្ទីសនារដូវក្តៅ (ពេលវេលាដែលមានថ្ងៃមានរយៈពេលយូរ) នៅកន្លែងមើលផ្កាយ Kokino នៅក្បែរក្រុង Kumanovo ប្រទេសម៉ាសេដ្ឋាន។
២
អ្នកដើរកម្សាន្តអបអរចំពោះពេលវេលាសុលស្ទីសនារដូវក្តៅ (ពេលវេលាដែលមានថ្ងៃមានរយៈពេលយូរ) នៅកន្លែងប្រវត្តិសាស្រ្តមួយឈ្មោះ Stonehenge នៅវាល Salisbury Plain ក្នុងភាគខាងត្បូងនៃប្រទេសអង់គ្លេស។
៣
លោក Jeff Williams មេបញ្ជាការរបស់យាន Expedition 48 របស់អង្គការណាសាថតរូបភាពពីស្ថានីយអាកាសអន្តរជាតិ។ លោកបានសរសេរថា «មានបាតុភូតដ៏អស្ចារ្យមួយ ដែលព្រះច័ន្ទពេញវង់បានរះឡើងមុនពេលព្រះអាទិត្យអស្តង្គត នៅពេលហោះកាត់ភាគខាងលិចនៃប្រទេសចិន»។
៤
ព្រះច័ន្ទពេញវង់រះឡើងនៅពីក្រោយវិហារបុរាណ Poseidon នៅតំបន់ Cape Sounion នៅទិសអាគ្នេយ៍នៃក្រុងអាថែន នៅមុនមួយថ្ងៃនៃពេលវេលាសុលស្ទីលនារដូវក្តៅ កាលពីថ្ងៃទី២០ ខែមិថុនា ឆ្នាំ២០១៦។
៥
លោក Benito Almojuela ថតរូបខ្លួនឯង (selfie) នៅក្បែរស្លាកសញ្ញាវាស់សីតុណ្ហភាព នៅក្នុងក្រុង Palm Springs រដ្ឋ California កាលពីថ្ងៃទី២០ ខែមិថុនា ឆ្នាំ២០១៦។
៦
កូនខ្លាឃ្មុំភ្លោះដែលទើបតែកើតត្រូវបានគេប្រទះឃើញនៅក្នុងក្រុង Chengdu ខេត្ត Sichuan ប្រទេសចិន។
៧
ជនភៀសខ្លួនអ៊ីរ៉ាក់ដែលរត់គេចពីប្រតិបត្តិការរបស់រដ្ឋាភិបាលប្រឆាំងនឹងក្រុមរដ្ឋឥស្លាម នៅក្នុងក្រុង Fallujah លីអាហារជាមូលដ្ឋានរបស់គាត់នៅក្នុងជំរំមួយក្នុងស្រុក Khaldiyeh កាលពីថ្ងៃទី២០ ខែមិថុនា ឆ្នាំ២០១៦។
៨
ស្រ្តីម្នាក់ដែលមានសុនខសម្រាប់លក់មួយចំនួននៅលើកង់របស់គាត់ទៅដល់ផ្សារមួយក្នុងពិធីបុណ្យសាច់សុនខនៅក្នុងក្រុង Yulin ក្នុងតំបន់ស្វ័យត Guangxi Zhuang របស់ចិន។ ម្ចាស់ភោជនីយដ្ឋាននានាកំពុងរៀចំពិធីសាច់សុនខប្រចាំឆ្នាំ ទោះណាជាមានការរិះគន់ពីអន្តរជាតិក៏ដោយ។
៩
ក្រុម South Bohemian Philharmonic Quartet សម្តែងនៅក្នុងអគារដ៏ត្រជាក់មួយនៅរោងចក្រនុយក្លេអ៊ែរ Temelin នៅក្បែរក្រុង Tyn nad Vltavou សាធារណរដ្ឋឆែក កាលពីថ្ងៃទី២០ ខែមិថុនា ឆ្នាំ២០១៦។
១០
នាង Sandra Brown ជិះរំអិលលើអកាស ឬ Skyslide នៅជាន់ទី៦៩ និងទី៧០ នៃអគារធនាគារអាមេរិកដែលត្រូវបានភ្ជាប់ជាមួយនឹងកន្លែងមើលផ្កាយឈ្មោះ OUE Skyspace នៅក្នុងក្រុង Los Angeles រដ្ឋ California កាលពីថ្ងៃទី២០ ខែមិថុនា ឆ្នាំ២០១៦។
១១
សត្វបក្សីម្យ៉ាងឈ្មោះ emu រត់នៅតាមផ្លូវដើម្បីរត់គេចពីភ្លើងឆេះព្រៃ ដែលឆេះនៅក្បែរតំបន់ Potrero រដ្ឋ California កាលពីថ្ងៃទី២០ ខែមិថុនា ឆ្នាំ២០១៦។
១២
លោក Chris Murphy (រូបឆ្វេង) សមាជិកព្រឹទ្ធសភាមកពីគណបក្សប្រជាធិបតេយ្យក្នុងរដ្ឋ Connecticut ប្រាប់ដំណឹងទៅនាង Erica Smegielski កូនស្រីរបស់នាយកសាលាបឋមសិក្សា Sandy Hook នៅខាងក្រៅអគារសភា Capitol របស់អាមេរិក ក្នុងរដ្ឋធានីវ៉ាស៊ីនតោន កាលពីថ្ងៃទី២០ ខែមិថុនា ឆ្នាំ២០១៦ ថា ព្រឹទ្ធសភាបរាជ័យក្នុងការអនុម័តច្បាប់គ្រប់គ្រងអាវុធថ្មីមួយ។
១៣
សត្វបក្សីម្យ៉ាងឈ្មោះ Puffin លោតចូលទៅក្នុងរូងរបស់វា ដោយមានសត្វអន្ទង់សមុទ្រពេញក្នុងជំពុះរបស់វាដើម្បីចិញ្ចឹមកូនវានៅលើកោះ Skomer តំបន់ Pembrokeshire ប្រទេស Wales ក្នុងចក្រភពអង់គ្លេស។