រូបភាពជុំវិញពិភពលោកថ្ងៃទី០១ ខែមិថុនា ឆ្នាំ២០១៦ មកពីប្រទេសអាល្លីម៉ង់ សូម៉ាលី ហ្វីលីពីន ប៊ែលហ្ស៊ិក ចិន ថៃ ពេរូ ឥណ្ឌា ស្វីស អ៊ីរ៉ាក់ និងកេនយ៉ា។
រូបភាពជុំវិញពិភពលោក ០១ មិថុនា ២០១៦
១
បំណែករថយន្ត ដែលបានឆាបឆេះនៅកន្លែងរងការវាយប្រហារភេរវកម្មនៅឯសណ្ឋាគារ Ambassador Hotel ក្នុងរដ្ឋធានីម៉ូហ្គាឌីស៊ូ (Mogadishu) ប្រទេសសូម៉ាលី បន្ទាប់ពីគ្រាប់បែកបង្កប់ក្នុងរថយន្តមួយត្រូវបានបំផ្ទុះឡើង ដោយបានសម្លាប់មនុស្សមួយចំនួន។
២
អ្នកគាំទ្របក្សប្រឆាំងពាក់ម៉ាសមុខពណ៌សនៅអំឡុងពេលក្បួនដង្ហែមួយសម្រាប់មេដឹកនាំបក្សប្រឆាំងលោក Raila Odinga ដើម្បីធ្វើការរំឮកថ្ងៃបុណ្យ Madaraka នៅពេលដែលប្រទេសកេនយ៉ាទទួលបានសិទ្ធិគ្រប់គ្រងផ្ទៃក្នុងឡើងវិញនៅក្នុងឆ្នាំ ១៩៦៣ នៅឧទ្យាន Uhuru Park ក្រុងណៃរ៉ូប៊ី ប្រទេសកេនយ៉ា។
៣
កុមារអ៊ីរ៉ាក់ ដែលបានរត់ភៀសខ្លួនជាមួយនឹងគ្រួសាររបស់ខ្លួនពីខេត្ត Nineveh ភាគខាងជើងប្រទេស បន្ទាប់ពីមានការចូលលុកលុយដោយពួកសង្រ្គាមសាសនា រដ្ឋឥស្លាម ស្ថិតនៅក្នុងជំរុំជនភៀសខ្លួនមួយនៅក្រុង al-Hawl ដែលស្ថិតនៅចម្ងាយប្រមាណ ១៤ គីឡូម៉ែត្រពីព្រំដែនប្រទេសអ៊ីរ៉ាក់ នៅក្នុងខេត្ត Hassakeh ភាគឦសានប្រទេសស៊ីរី កាលពីថ្ងៃទី៣១ ខែឧសភា ឆ្នាំ២០១៦។
៤
អ្នកចូលរួមបក់ដៃទៅកាន់រថភ្លើងមួយ ដែលឆ្លងកាត់រូងក្នុងដីថ្មីមួយ អំឡុងពេលពិធីសម្ពោធរូងក្រោមដី NEAT Gotthard Base ដែលជារូងរថភ្លើងក្រោមដីវែង និងជ្រៅជាងគេបំផុតនៅលើពិភពលោក ស្ថិតនៅជិតក្រុង Erstfeld ប្រទេសស្វីស។ រូងក្រោមដី Gotthard Base Tunnel ប្រវែង ៥៧,១ គីឡូម៉ែត្រ ដែលត្រូវការពេលវេលា ១៧ឆ្នាំ ដើម្បីសាងសង់រួចរាល់ និងរចនាឡើងឲ្យនៅស្ថិតស្ថេររយៈពេលមួយសតវត្សរ៍ ជាផ្នែកមួយនៃគម្រោងហេដ្ឋារចនាសម្ព័ន្ធចំនួន ២៣ ពាន់លានស្វីសហ្វ្រង់ (២៣,១ពាន់លានដុល្លារ) ដើម្បីបង្កើតជាផ្លូវរថភ្លើងដឹកអ្នកដំណើរ និងទំនិញក្នុងល្បឿនលឿនក្រោមជ្រលងភ្នំ Alps ដែលស្ថិតនៅក្នុងជម្រៅរហូតដល់ទៅ ២,៣ គីឡូម៉ែត្រនៅក្រោមបណ្តោយភ្នំ ដែលបែកចែករវាងអឺរ៉ុបភាគខាងជើង និងខាងត្បូង។
៥
បុរសម្នាក់ទទួលទានដំណេកនៅក្រោមស្ពានមួយនៅតំបន់ Paranaque នៃរដ្ឋធានីម៉ានីល ប្រទេសហ្វីលីពីន កាលពីថ្ងៃទី ៣១ ខែឧសភា ឆ្នាំ២០១៦។
៦
កម្មករមួយរូបលើកគ្រឿងបន្លាស់មួយពីរថយន្តដែលត្រូវបានប្រើប្រាស់រួចខាងក្នុងហាងមួយនៅផ្សារលក់គ្រឿងបន្លាស់មួយតឹកក្នុងក្រុងមុំបៃ (Mumbai) ប្រទេសឥណ្ឌា។
៧
តុចំនួន ១០ សម្រាប់ភ្ញៀវសរុប ២២០ នាក់ ត្រូវបានដាក់សំយុងចុះពីឡានស្ទួចនៅកម្ពស់ ៤០ម៉ែត្រពីមុខសំណង់ Atomium ដែលជាសំណង់កម្ពស់ ១០២ ម៉ែត្រដែលមានស្វ៊ែរចំនួនប្រាំបួន សាងសង់ឡើងសម្រាប់ពិព័រណ៌ពិភពលោកក្រុងប្រ៊ុចសែលឆ្នាំ ១៩៥៨ ជាផ្នែកមួយនៃការរំឮកខួបទី១០ នៃព្រឹត្តិការណ៍ «Dinner in the Sky» ក្នុងរដ្ឋធានីប្រ៊ុចសែល ប្រទេសប៊ែលហ្ស៊ិក។
៨
អ្នករត់ហាត់ប្រាណពីររូបរត់កាត់ពិព័រណ៌រូបដៃក្នុងពណ៌ផ្សេងៗ ដែលត្រូវបានដាក់តាំងជាផ្នែកមួយនៃពិធីបុណ្យរំឮកការផ្សះផ្សាគ្នារវាងជនជាតិដើមរស់នៅលើតំបន់កោះ Torres Strait នៅកណ្តាលក្រុងស៊ីដនី ប្រទេសអូស្រ្តាលី កាលពីថ្ងៃទី០១ ខែមិថុនា ឆ្នាំ២០១៦។
៩
ភ្លៀងកម្ទេចក្រដាសពណ៌ធ្លាក់ពីលើបេក្ខជនប្រធានាធិបតីលោកស្រី Keiko Fujimori និងអ្នកគាំទ្ររបស់លោកស្រីនៅអំឡុងពេលយុទ្ធនាការឃោសនាមួយនៅតំបន់ Ventanilla ក្នុងក្រុងលីម៉ា (Lima) ប្រទេសពេរូ កាលពីថ្ងៃទី៣១ ខែឧសភា ឆ្នាំ២០១៦។
១០
មន្រ្តីសត្វព្រៃថៃបង្ហាញសាកសពកូនខ្លា ដែលត្រូវបានរកឃើញនៅអំឡុងពេលចុះឆែកឆេរមួយនៅឯអារាមខ្លាក្នុងខេត្ត Kanchanaburi ប្រទេសថៃ។
១១
កម្មករម្នាក់លើកសំបុកបក្សីនៅក្រុង Lingiv ខេត្ត Shandong ប្រទេសចិន។
១២
ក្រុមអ្នករបាំប៉ាឡេធ្វើការសម្តែងនៅអំឡុងពេលការសម្តែងលើកដំបូងនៃសិល្បៈអូប៉េរ៉ា «The Flying Dutchman» របស់លោក Richard Wagner នៅមហោស្រព Halde Haniel ក្នុងក្រុង Bottrop ប្រទេសអាល្លឺម៉ង់។