កម្រងរូបភាពនៃព្រឹត្តិការណ៍សំខាន់ៗ និងទិដ្ឋាភាពផ្សេងមកពីជុំវិញពិភពលោក។
រូបភាពជុំវិញពិភពលោក ០៨ មិថុនា ២០១៨
១
គ្រូពេទ្យប៉ាឡេស្ទីនប្រញាប់រត់ទៅជួយសង្គ្រោះដល់បាតុករម្នាក់ដែលត្រូវបានកងកម្លាំងអ៊ីស្រាអែលបាញ់គ្រាប់បែកបង្ហូរទឹកភ្នែកចំមាត់របស់គាត់ នៅជិតតំបន់ព្រំដែននៃតំបន់ Gaza Strip នៅខាងកើតក្រុង Khan Younis។
២
តំបន់ Kapoho ភាគច្រើនរួមទាំងចំណុចលំនាចផងនោះនៅពេលនេះត្រូវបានគ្របដណ្ដប់ដោយកម្អែថ្មីៗនៃភ្នំភ្លើងដោយនៅសល់តែអចលនទ្រព្យបន្តិចបន្តួចប៉ុណ្ណោះ ខណៈពេលដែលចំណុចចន្លោះ Kilauea Volcano ខាងក្រោមនៅបន្តផ្ទុះ នៅ Pahoa រដ្ឋហាវ៉ៃ សហរដ្ឋអាមេរិក។
៣
នាយករដ្ឋមន្ត្រីកាណាដា Justin Trudeau (ឆ្វេងទី២) និងភរិយារបស់លោក លោកស្រី Sophie Gregoire Trudeau (ស្ដាំ) ទទួលស្វាគមន៍ប្រធានាធិបតីបារាំង Emmanuel Macron (ឆ្វេង) និងភរិយារបស់លោក លោកស្រី Brigitte Macron (ស្តាំទី២) នៅ La Malbaie ទីក្រុង Quebec ប្រទេសកាណាដា នៅថ្ងៃទី១នៃជំនួបកំពូល G7។
៤
ក្រុម Washington Capitals ថតរូបជាមួយពាន Stanley Cup ក្រោយពេលក្រុមនេះបានយកឈ្នះក្រុម Golden Knights ក្នុងលទ្ធផល ៤ទល់នឹង៣ នៅក្នុងការប្រកួតកីឡាហក់ឃី NHL វភ្គផ្ដាច់ព្រាត់ នៅទីក្រុង Las Vegas។
៥
អ្នកភូមិសម្រាកក្នុងពេលពួកគេស្រាវជ្រាវនៅតំបន់ដែលរងប៉ះពាល់ពីការផ្ទុះភ្នំភ្លើង Fuego នៅតំបន់ San Miguel Los Lotes ក្នុងទីក្រុង Escuintla ប្រទេសក្វាតេម៉ាឡា។
៦
នាង Tsetse អាយុ៦ឆ្នាំដែលជាកូនស្រីលោក Erdenebat Chuluu មេក្រុមកុលសម្ព័ន្ធ Dukha កំពុងជិះសត្វរមាំង នៅភូមិ Tsagaannuur នៅតំបន់ភ្នំ Khovsgol ប្រទេសម៉ុងហ្គោលី។
៧
ប្រេងកាតស្ថិតនៅលើផ្ទៃបឹង Maracaibo ក្នុងទីក្រុង Lagunillas ប្រទេសវេណេស៊ុយអេឡា។
៨
ភ្ញៀវបានមកដល់ទីតាំងបង្ហាញម៉ូដ Saint Laurent សម្រាប់រដូវស្លឹកឈើជ្រុះឆ្នាំ២០១៩ នៅ Liberty Island រដ្ឋញូវយ៉ក។