រូបភាពជុំវិញពិភពលោកថ្ងៃទី០៤ ខែកក្កដា ឆ្នាំ២០១៦ មកពីប្រទេសវៀតណាម សហរដ្ឋអាមេរិក អាល្លឺម៉ង់ បារាំង ចិន ជប៉ុន អាហ្សង់ទីន អាហ្វហ្គានីស្ថាន អង់គ្លេស និងអ៊ូហ្គង់ដា។
រូបភាពជុំវិញពិភពលោក ០៤ កក្កដា ២០១៦
១
អ្នកស្រី Yalenny Vargas រៀបចំទង់ជាតិដើម្បីអបអរសាទរបុណ្យឯករាជ្យជាតិថ្ងៃទីបួន កក្កដា នៅឯសួន Liberty State Park ក្នុងក្រុង Jersey City រដ្ឋ New Jersey។
២
លោក Joey Chestnut (ខាងស្តាំ) ត្រូវបានប្រកាសជាអ្នកទទួលបានជ័យជម្នះនៅក្នុងការប្រកួតបរិភោគហ៊តដកអន្តរជាតិ Nathan នាថ្ងៃទីបួន កក្កដា ក្នុងក្រុងញូវយ៉ក។
៣
សមាជិកអ្នកចម្រៀងជាក្រុមបានមកដល់សម្រាប់ពិធីផ្តល់សញ្ជាតិអាមេរិកដល់មនុស្ស ១៤៦នាក់ នៅភូមិ Old Sturbridge ក្នុងក្រុង Sturbridge រដ្ឋ Massachusetts នាថ្ងៃបុណ្យឯករាជ្យជាតិ។
៤
បុរសមូស្លីមមួយរូបសង្កេតមើលទីតាំងព្រះចន្ទ ដោយប្រើឧបករណ៍ Theodolite ដើម្បីកំណត់ការបញ្ចប់ខែនៃពិធីបុណ្យរ៉ាម៉ាឌន ក៏ដូចជាថ្ងៃចាប់ផ្តើមដំបូងនៃពិធីបុណ្យ Eid al-Fitr ក្នុងក្រុងកូឡាឡាំពួ ប្រទេសម៉ាឡេស៊ី។
៥
លោក Jaffa Amin កូនប្រុសអតីតប្រធានាធិបតីអ៊ូហ្គង់ដាលោក Idi Amin Dada មើលទៅលើបំណែកយន្តហោះចម្បាំង ដែលរងការខូចខាតនៅអំឡុងពេលប្រតិបត្តិការវាយប្រហាររបស់អ៊ីស្រាអែលមកលើព្រលានយន្តហោះអន្តរជាតិ Entebbe នៅក្នុងឆ្នាំ ១៩៧៦ ដើម្បីជួយសង្រ្គោះចំណាប់ខ្មាំង នៅឯឆ្នេរ Aero ភាគខាងត្បូងក្រុងកំប៉ាឡា កាលពីថ្ងៃទី០៣ ខែកក្កដា ឆ្នាំ២០១៦។
៦
គទានុរក្ស Caroline de Guitaut ធ្វើការបង្ហាញខ្លីៗពីពិព័រណ៍ដែលមានឈ្មោះថា «Fashioning a Reign: 90 Years of Style from The Queen's Wardrobe» ដោយធ្វើការលើកឡើងពីរាជកាលរបស់ព្រះមហាក្សត្រី Elizabeth តាមរយៈការបង្ហាញសំលៀកបំពាក់ផ្លូវការ និងក្រៅផ្លូវការរបស់ព្រះអង្គ នៅឯវិមាន Buckingham Palace ក្នុងក្រុងឡុងដ៍។
៧
បុរសជនជាតិអាហ្វហ្គានីស្ថានមួយរូបធ្វើនំផ្អែមនៅរោងចក្រប្រពៃណីតូចមួយនៅអំឡុងពេលខែបុណ្យរ៉ាម៉ាឌនដើម្បីត្រៀមលក្ខណៈសម្រាប់ពិធីបុណ្យ Eid al-Fitr ក្នុងក្រុងកាប៊ូល។
៨
សត្វក្រពាជាប់នៅក្នុងភក់ទន្លេ Pilcomayo ដែលកំពុងតែប្រឈមមុខនឹងគ្រោះរាំងស្ងួតដ៏អាក្រក់ជាងគេបំផុតនៅក្នុងរយៈពេលជិតពីរទសវត្សរ៍កន្លងមកនេះ នៅតាមបណ្តោយព្រំដែនរវាងប្រទេសប៉ារ៉ាហ្គាយ និងអាហ្សង់ទីន ក្នុងក្រុង Boqueron កាលពីថ្ងៃទី០៣ ខែកក្កដា ឆ្នាំ២០១៦។
៩
អ្នកស្រី Tomomi Ota ទាញរទេះដឹកទំនិញដែលមានដាក់មនុស្សយន្ត Pepper ខណៈដែលអ្នកស្រីឡើងជិះរថភ្លើងក្រោមដីក្នុងក្រុងតូក្យូ ប្រទេសជប៉ុន។
១០
មន្រ្តីប៉ូលិសយោធាឈរជាក្រុមដើម្បីទប់ស្កាត់ទឹកជំនន់នៅក្រុង Nanjing ខេត្ត Jiangsu ប្រទេសចិន កាលពីថ្ងៃទី០៣ ខែកក្កដា ឆ្នាំ២០១៦។
១១
អ្នកតំណាងឲ្យកន្លែងតាំងពិព័រណ៍ Tate Modern ឈរឲ្យគេថតរូបនៅជិតផ្ទាំងរូប «Jimson Weed/White Flower No.1» ដោយសិល្បករជនជាតិអាមេរិកាំងអ្នកស្រី Georgia O'keeffe នៅអំឡុងពេលការចាប់ផ្តើមស្នាដៃសិល្បៈជាងមួយរបស់អ្នកស្រី O'keeffe នៅកន្លែងតាំងពិព័រណ៍ Tate Modern ក្នុងក្រុងឡុងដ៍។ លោក O'keeffe ជាសិល្បករអាមេរិកាំងល្បីឈ្មោះមួយរូបនាសតវត្សន៍ទី២០ ប៉ុន្តែពិព័រណ៍នៅ Tate Modern ជាពិព័រណ៍ធំជាងគេបង្អស់របស់អ្នកស្រីនៅខាងក្រៅសហរដ្ឋអាមេរិក។
១២
តារាម៉ូដែលមួយរូបបង្ហាញពីស្នាដៃដោយសិល្បករ Iris Van Herpen នៅអំឡុងពេលការបង្ហាញម៉ូដ Haute Couture សម្រាប់រដូវស្លឹកឈើជ្រុះ និងរដូវរងា ឆ្នាំ២០១៦ និង២០១៧។
១៣
វាលផ្កាឈូករ័ត្ននៅជិតក្រុង Zauchwitz ភាគឦសាន ប្រទេសអាល្លឺម៉ង់។
១៤
Shanghai ballet perform 'Swan Lake' inside Bode Museum to promote the ballet show's premiere in Berlin, Germany.